விக்கிப்பீடியா பேச்சு:மெய்யறிதன்மை

ஆதாரங்களைத் தருதல் என்று பெயர் மாற்றவா? அல்லது வேறு பெயர் பொருத்தமாக இருக்குமா.

ஆதாரப்படுத்தல் எப்படியிருக்கின்றது.

--Natkeeran 17:02, 12 ஜனவரி 2007 (UTC)

மெய்யறிதன்மையும் நம்பகத்தன்மையும்

யாரும் இங்கு வந்து தகவல்களை மாற்றும் அனுமதி இருக்கின்றது. அனேகர் கட்டுரைகளை மேம்படுத்தவே முயல்வார்கள் என்ற நம்பிக்கையிலேயே இந்த திறந்த கட்டற்ற திட்டம் தங்கி இருக்கின்றது. அனால் சிலர் இந்த நம்பிக்கைக்கு விதிவிலக்கான முறையில் செயற்பட்டு கட்டுரைகளை சிதைக்க, தரம் குறைக்க, பொய்களை புகுத்த, ஒரு சார் பார்வையை முதன்மைப்படுத்த முயலலாம். அதைத் தடுக்கும் வண்ணம் விக்கிபீடியா சமூகம் விக்கிபீடியாவில் ஏற்படுத்தப்படும் மாற்றங்கள் தகுந்தவையா என்பதை தொடர்ந்து கண்காணித்துக் கொண்டு இருக்கும். எனவே, விக்கிபீடியாவில் தரப்படும் தகவல்களை பயனர்கள் நம்பலாம், ஆனால் பிற மூலங்களுடன் உறுதிசெய்துகொள்வதே நன்று.

நம்புங்கள் ஆனால் உறிதிப்படுத்துங்கள். எம்மால் இயன்றவரை உதவுவதே எமது நோக்கம், உண்மையை அறிவது உங்களின் கடமை.

யாரும் இங்கு நுழைந்து தகவல்களை மாற்றும அனுமதி இருப்பதால், இங்கு ஏற்றப்படும் தகவல்களின் நம்பகத்தன்மைக்குப் பங்கம் வந்து விடாதா?

பதில் 6: விக்கிபீடியாவின் நம்பகத்தன்மை குறித்த கேள்வி ஒரு முக்கிய அடிப்படைக் கேள்விதான். தமிழ் விக்கிபீடியாவிலோ அல்லது பிற விக்கிபீடியாக்ளிலோ கிடைக்கும் தகவல்கள் குறித்து எந்த வித உத்திரவாதமும் இல்லை.

எப்படி ஒரு தகவல் சரியாக இருக்கும் என்று கண்டறிய முடியும்? பிற தகவல் மூலங்களுடன் ஒப்பிட்டு அலசுவது ஒரு வழி. அதற்காகத்தான் நாம் இயன்றவரை ஆதாரங்கள், துணை நூல்கள், வெளி இணைப்புகளை வழங்குகின்றோம். உண்மை நிலைமையை அறிவது பயனரின் வேலை, அதற்கு இயன்றவரை உதவுவதே எம்முடைய நோக்கம்.

யாரும் மாற்றலாம் எனவே நம்பகத்தன்மை குறையாதா என்று கேட்டுள்ளீர்கள். அதற்கான பதிலை மேலே உள்ள பதில்களிலும் காணலாம். ஆனால், மூடிய நிலையில் ஒரு கலைக்களஞ்சியம் தொகுக்கப்படுமானால், அது நம்பக்கூடியது என்று எப்படி ஏற்றுக் கொள்வது. எனவே, நம்பகத்தன்மை என்பது பயன்பாட்டிலும் தங்கி உள்ளது. தரப்பட்ட தகவல்கள் உபயோகம் என்று நீங்கள் கருதினால்தான் இத்திட்டம் நீடிக்கும், இல்லாவிட்டால் தோற்றுவிடும்.

ஆனால், நாம் அனைத்து விடயங்களையும் யாரும் தொகுக்கலாம் என்று நினைக்கவில்லை. இன்று தமிழ் விக்கிபீடியாவில் மருத்துவம், சட்டம் போன்ற துறைகளில் ஓரிரு மேலோட்ட கட்டுரைகள்தான் இருக்கின்றன. ஏன் என்றால் அத்துறை சார் வல்லுனர்கள் இன்னும் பங்களிக்கவில்லை, அல்லது உள்வாங்கப்படவில்லை. (அண்மையில் சிலர் ஆர்வம் காட்டி வருகின்றார்கள்.) எனவே நம்பகத்தன்மை என்பது தமிழ் விக்கிபீடியாவின் பொது கூட்டறிவு கட்டமைப்பில்தான் தங்கியுள்ளது. இத்திட்டம் தமிழ் மக்களின் ஒரு கூட்டு மதிநுட்பத்தின் வெளிப்பாடு, அதன் நம்பகத்தன்மை எமது ஆற்றலில்தான் தங்கியுள்ளது.

--Natkeeran 17:49, 12 ஜனவரி 2007 (UTC)

ஆதாரப்படுத்தல்...

எப்பொருள் எத்தன்மைத்து ஆயினும் அப்பொருள் மெய்ப்பொருள் காண்பது அறிவு. (திருக்குறள் - 355)

இயன்றவரை கட்டுரைகள் ஆதாரமான தகவல்களைக் கொண்டு அறிவியல் நோக்குடன் கட்டமைக்கப்படவேண்டும். அந்தக் கட்டுரைகளின் உண்மைத் (மெய்) தன்மையை தரப்பட்ட ஆதாரங்களைக் கொண்டு பயனர்கள் உறிதிசெய்யக்கூடியதாக இருக்கவேண்டு. இதுவே தமிழ் விக்கிபீடியாவின் மெய்யறிதன்மையாகும்.

தமிழ் விக்கிபீடியா அறிவியல் நோக்கை வேண்டுவது அதன் நடுநிலைமை கொள்கைக்கு ஒத்துப்போகுமா?

த.வி. ஒரு அனுபவமல்ல. த.வி படிப்பறிவின், பட்டறிவின் ஆவணம். அதன் உள்ளடக்கத்தின் உண்மையை உறிதி செய்வது ஒரு அறிவியல் செயற்பாடே. எனவே த.வி. கட்டுரைகள் அறிவியல் நோக்கில் அமைவது சரியே. நடுநிலைமையும் அறிவியல் நோக்கும் என்றும் ஒத்துப்போம்.

ஆதார வகைகள்

• மூலப் படைப்புகள்

• யாழ் நூல்
• பெரிய புராணம்
• தொல்காப்பியம்

• இரண்டாம் நிலைப் படைப்புகள்

• தொகுப்பு படைப்புகள்

• தமிழ் விக்கிபீடியா

ஆதாரப்படுத்தல் கையேடு

விக்கிபீடியா:ஆதாரப்படுத்தல் கையேடு --Natkeeran 17:44, 14 ஜனவரி 2007 (UTC)

தகவல்களின் சரி/பிழை எவ்விதம் தீர்மானிக்கப்படுகிறது?

கேள்வி 8: இங்கு ஏற்றபப்டும் தகவல்களின் சரி/பிழை எவ்விதம் தீர்மானிக்கப்படுகிறது?

பதில் 7: சரியான தகவல்கள் பகிரப்படும் பொழுதே நம்பகத்தன்மை ஏற்படும். எனவே இக்கேள்விக்கும் நம்பகத்தன்மை தொடர்பான கேள்விக்கும் பதில் ஒன்றே. அதாவது பிற மூலங்களுடன் ஒப்பிடுவதன் மூலம் சரி பார்க்கலாம். அதற்காக கட்டுரைகள் ஆதாரம் (using references in the writing process) காட்டி எழுதுதல் ஊக்கிவிக்கப்படுகின்றது. மேலும், ஆதாரங்கள், துணை நூலகள், வெளி இணைப்புகள் கட்டுரைகளுடன் இணைக்கப்படுகின்றன.

கட்டுரைகளை துறைவல்லுனர்கள், பிற பயனர்கள் (Peer Review) சரி பார்ப்பதன் மூலம் உறுதிப்படுத்தலாம். சிறப்புக்கட்டுரைகளாக நியமிக்கப்படும் கட்டுரைகள் இயன்றவரை இப்படி சரி பார்க்கப்படுகின்றன.

--Natkeeran 18:16, 14 ஜனவரி 2007 (UTC)