அப்சராகொண்டா

அப்சராகொண்டா (Apsarakonda) என்பது இந்தியாவின் கர்நாடகா மாநிலத்தில் இருக்கும் வடகன்னட மாவட்டத்தில் உள்ள ஒன்னாவரா என்ற துறைமுக நகருக்கு அருகில் உள்ள ஒரு சுற்றுலா கிராமம் ஆகும். ஒன்னாவரா பேருந்து நிலையத்தில் இருந்து 8 கிலோமீட்டர் தூரத்தில் இக்கிராமம் அமைந்துள்ளது.

அப்சராகொண்டா Apsarakonda ಅಪ್ಸರಕೊಂಡ
Country	இந்தியா
மாநிலம்	கர்நாடகா
Region	கனரா
மாவட்டம்	வட கன்னட மாவட்டம்
Taluk	ஒன்னாவரா
Languages
• Official	கன்னடம்

பெயர்காரணம்

அப்சராகொண்டா என்பதன் பொருள் தேவதைகள் குளம் என்பதாகும். கடற்கரையைப் பார்த்தபடி அக் குளம் இருப்பதானால் அவ்வாறு அழைக்கப்படுகிறது. இங்கிருந்த நீர்வீழ்ச்சியில் குளிக்கவும் ஓய்வெடுக்கவும் தேவதைகள் தேர்ந்தெடுத்த இடம் இப்பகுதியாகும் எனப் புராணக்கதைகள் கூறுகின்றன.

சிறப்புகள்

கடற்கரையை நோக்கியுள்ள குளம்

மகா விநாயகர் கோயில் மற்றும் உக்ர நரசிம்மர் கோயில் ஆகிய கோயில்களுக்குப் பின்புறமாக அப்சராகொண்டா நீர்வீழ்ச்சி இருக்கிறது. மேலும், வரலாற்றுச் சிறப்பு மிக்க பாண்டவர் குகைகள் இங்கிருப்பதாகக் கூறப்படுகின்றன. இக்குளத்திற்கு அருகில் பிரபலமடையாத கடற்கரைகள் உள்ளன.