அமா அருங்காட்சியகம்
அமா அருங்காட்சியகம் (ஆங்கிலம்: Ama Museum;பண்டைய சீனம்: 阿嬤家-和平與女性人權館; எளிய சீனம்: 阿嬷家-和平与女性人权馆; பின்யின்: Āmā Jiā-Hépíng Yǔ Nǚxìng Rénquán Guǎn) என்பது தைவானில் உள்ள ஆறுதலளிக்கும் பெண்களுக்கு அர்ப்பணிக்கப்பட்ட ஓர் அருங்காட்சியகம். இது 2016-இல், தாய்பெயில் உள்ள டடோங் மாவட்டத்தில் திறக்கப்பட்டது. அசல் இருப்பிடம் நவம்பர் 2020-இல் மூடப்பட்டது. மேலும் இந்த அருங்காட்சியகம் இடமாற்றம் செய்யப்பட்டு ஏப்ரல் 2021-இல் மீண்டும் திறக்கப்பட்டது.
阿嬤家-和平與女性人權館 | |
 முதலில் அருங்காட்சியகம் அமைக்கப்பட்ட இடம், இது நவம்பர் 2020-இல் மூடப்பட்டது | |
 | |
| நிறுவப்பட்டது | 10 திசம்பர் 2016 |
|---|---|
| அமைவிடம் | தாட்டாங் மாவட்டம், தாய்பெய், தைவான் |
| ஆள்கூற்று | 25°3′37.2″N 121°30′33.2″E / 25.060333°N 121.509222°E |
| வகை | அருங்காட்சியகம் |
| பொது போக்குவரத்து அணுகல் | மிங்காங் மேற்கு மெற்றோ நிலையம் |
| வலைத்தளம் | அதிகாரப்பூர்வ இணையதளம் |
பெயர்
தொகுதைவானில் சப்பானிய ஆட்சி போது ஆறுதலளிக்கும் பெண்களுக்காக இந்த அருங்காட்சியகம் அர்ப்பணிக்கப்பட்டுள்ளது.[1] அமா. என்றால் தைவானிய ஹொக்கியன் மொழியில் பாட்டி என்று பொருள். இது இரண்டாம் உலகப் போரில் உயிர் தப்பியவர்களின் முதிர்ந்த வயதைக் குறிக்கிறது.[1][2]
வரலாறு
தொகுஅருங்காட்சியகத்தை நிறுவுவதற்கான திட்டம் 2004-இல் தொடங்கியது. தைவானில் உள்ள மற்றும் வெளியில் உள்ள பொதுமக்களின் பெரும் நன்கொடை மற்றும் தேய்பெ மகளிர் மீட்பு அறக்கட்டளை ஆகியவற்றின் ஆதரவுடன், இந்த அருங்காட்சியக தகடு 8 மார்ச் 2016 அன்று அனைத்துலக மகளிர் தினத்துடன் இணைந்து ஒரு விழாவில் வெளியிடப்பட்டது.[2][3][4] விழாவில் குடியரசுத் தலைவர் மா யிங்-ஜியூ மற்றும் ஒரு முன்னாள் ஆறுதல் பெண் ஆகியோர் கலந்து கொண்டனர்.[5][6]
மனித உரிமைகள் தினம் மற்றும் ஆறுதல் பெண்களை அறக்கட்டளையால் மேற்கொள்ளப்பட்ட முயற்சிகளின் 25வது ஆண்டு நிறைவோடு இணைந்து கலாச்சார அமைச்சர் செங் லி-சுன் கலந்து கொண்ட விழாவில் இந்த அருங்காட்சியகம் இறுதியாக 10 திசம்பர் 2016 அன்று திறக்கப்பட்டது.[5] இந்நிகழ்வின் போது பேசிய செங், கடந்த காலத்தை ஒருபோதும் மறக்க வேண்டாம் என்றும் சிறந்த பாலின சமத்துவத்திற்காகப் பாடுபட வேண்டும் என்றும் மக்களை வலியுறுத்தினார்.[7] சமத்துவத்தை ஊக்குவிப்பதற்கும், பாலியல் துஷ்பிரயோகத்தால் ஏற்படும் சேதங்களை முன்னிலைப்படுத்துவதற்கும் இந்த அருங்காட்சியகம் ஓர் இடமாக இருக்கும் என்று தாய்பெய் மகளிர் மீட்பு அறக்கட்டளைத் தலைவர் கூறினார்.[8] விழாவில் சப்பான், தென் கொரியா மற்றும் அமெரிக்காவைச் ஆலோசகர்கள், உலகப்போரில் உயிர் பிழைத்த தைவானிய ஆறுதல் பெண் ஒருவரும் கலந்து கொண்டனர்.[1][9]
அமா அருங்காட்சியகம் 2020 நவம்பரில் மூடப்படும் என்று தாய்பெய் மகளிர் மீட்பு அறக்கட்டளை 2020 சூலை மாதம் அறிவித்தது. இந்த அருங்காட்சியகம் 2016-ஆம் ஆண்டில் திறக்கப்பட்டதிலிருந்து இழப்பில் இயங்கி வந்தது. மேலும் அருங்காட்சியகத்தைத் தொடர்ந்து இயக்கும் முயற்சியில் தாய்பெய் மகளிர் மீட்பு அறக்கட்டளை 2019ஆம் ஆண்டில் தனது அலுவலகங்களை விற்றது.[10][11], கோவிட்-19 தொற்றுநோய் அருங்காட்சியகத்தின் வருமானத்தை மேலும் குறைத்தது. இது அருங்காட்சியகத்தினை மூடுவதற்கான முடிவுக்கு வழிவகுத்தது.[12] 2020-இல், தாய்பெய் மகளிர் மீட்பு அறக்கட்டளை அமா அருங்காட்சியகத்தை நகர்த்த நிதி திரட்டத் தொடங்கியது. அருங்காட்சியகம் முதலில் செயல்பட்டு வந்த இடம் 10 நவம்பர் 2020 அன்று மூடப்படும் என்பதை உறுதிப்படுத்தியது.[13][14] நவம்பர் 2020 அன்று, தாய்பெய் மகளிர் மீட்பு அறக்கட்டளை அமா அருங்காட்சியகத்தின் நிலை குறித்து மற்றொரு அறிக்கையை வெளியிட்டது. இதன் கண்காட்சிகள் ஏப்ரல் 2021-இல் திறக்க திட்டமிடப்பட்ட மின்குவான் மேற்கு சாலை மெற்ரோ நிலையத்திற்கு அருகிலுள்ள ஒரு அலுவலக கட்டிடத்திற்கு மாற்றப்படும் என்று கூறியது.
கட்டிடக்கலை
தொகுஅருங்காட்சியகம் முதலில் 495 சதுர மீட்டர் பரப்பளவில் புதுப்பிக்கப்பட்ட 90 ஆண்டுகள் பழமையான இரண்டு மாடிக் கட்டிடத்தில் வைக்கப்பட்டது.[2] இந்த இடத்தில் ஒரு கபே மற்றும் பட்டறை செயல்பட்டு வந்தது.[15]
கண்காட்சி
தொகுஅருங்காட்சியகம் தைவானிய ஆறுதலளிக்கும் பெண்கள் தொடர்பான புகைப்படங்கள், ஆவணங்கள் மற்றும் காணொளிகளை நிரந்தரமாகக் காட்சிப்படுத்தியது.[16][1] மீண்டும் திறக்கப்பட்டபோது, அருங்காட்சியகம் புதிய கண்காட்சிகளை அறிமுகப்படுத்தி விரிவுபடுத்தப்பட்டது.[13][14]
செயல்பாடுகள்
தொகுமுதலில் அருங்காட்சியகம் செயல்பட்ட இடத்தில், மனித உரிமைகள் தொடர்பான தலைப்புகளில் பல்வேறு பட்டறைகள் மற்றும் கருத்தரங்குகளை நடத்தப்பட்டது.[1] ஆகத்து 2017-இல், அருங்காட்சியகம் சப்பான்-தைவான் பரிமாற்ற அமைப்பு மூலம் சப்பான் அரசாங்கம் மீதமுள்ள ஆறுதலளிக்கும் பெண்களுக்கு இழப்பீடு வழங்கவும் அழுத்தம் கொடுக்கும் பிரச்சாரத்தைத் தொடங்கியது.[17]
போக்குவரத்து
தொகுஅருங்காட்சியகத்தின் பழைய இருப்பிடம் தாய்பெ மெற்றோ டாகியோடோ நிலையத்தின் தென்மேற்கே நடந்து செல்லும் தூரத்தில் அணுகக்கூடியதாக இருந்தது. இதன் புதிய இடம் மின்குவான் மேற்கு சாலை நிலையத்திற்கு அருகிலுள்ள அலுவலக கட்டிடத்தில் செயல்படுகிறது.
மேலும் காண்க
தொகு- List of museums in Taiwan
மேற்கோள்கள்
தொகு- ↑ 1.0 1.1 1.2 1.3 1.4 Hou, Elaine; Lee, Yu-cheng (10 December 2016). "Taiwan's first 'comfort women' museum opens after decade of effort". Central News Agency. பார்க்கப்பட்ட நாள் 15 December 2016.
- ↑ 2.0 2.1 2.2 Hou, Elaine (17 February 2016). "Old building to become Taiwan's first 'comfort women' museum". Central News Agency. பார்க்கப்பட்ட நாள் 15 December 2016.
- ↑ Hanyang (8 March 2016). "Ama Museum opens in Taipei". Archived from the original on December 20, 2016. பார்க்கப்பட்ட நாள் 15 December 2016.
- ↑ "Nation's 'comfort women' museum in need of funds". Taipei Times. 21 October 2016. பார்க்கப்பட்ட நாள் 15 December 2016.
- ↑ 5.0 5.1 "'Comfort women' museum inaugurated". Taipei Times. 11 March 2016. பார்க்கப்பட்ட நாள் 15 December 2016.
- ↑ "Plaque Unveiling Ceremony for Ama Museum". Department of NGO International Affairs, Ministry of Foreign Affairs, Republic of China (TAIWAN). Archived from the original on 20 December 2016. பார்க்கப்பட்ட நாள் 15 December 2016.
- ↑ "Taiwan's first museum dedicated to comfort women opens". Radio Taiwan International. 10 December 2016. Archived from the original on 1 ஏப்ரல் 2023. பார்க்கப்பட்ட நாள் 15 December 2016.
{{cite web}}: Check date values in:|archive-date=(help) - ↑ "Ma vows justice, compensation for Taiwan comfort women". Taiwan Today. 10 March 2016. பார்க்கப்பட்ட நாள் 15 December 2016.
- ↑ Kyodo (10 December 2016). "A Taiwanese rights group opens a comfort women museum in Taipei". The Japan Times. பார்க்கப்பட்ட நாள் 15 December 2016.
- ↑ .
- ↑ .
- ↑ .
- ↑ 13.0 13.1 .
- ↑ 14.0 14.1 .
- ↑ Ukai, Satoshi (12 December 2016). "Taiwan's first museum for 'comfort women' opens in Taipei". Asahi Shimbun. பார்க்கப்பட்ட நாள் 15 December 2016.
- ↑ Lim, Emerson (3 December 2020). "FEATURE/Are Taiwan's 'comfort women' destined to fade into history?". Central News Agency. https://focustaiwan.tw/culture/202012030015. பார்த்த நாள்: 4 December 2020.
- ↑ "Taiwan's museum for 'comfort women' launches campaign for compensation". South China Morning Post. 14 August 2017. பார்க்கப்பட்ட நாள் 7 September 2017.