அம்மா திருவடி கோவில்

அம்மா திருவடி கோவில் தென் இந்தியாவில் கேரளா மாநிலத்தில் திருச்சூர் நகரத்திலிருந்து சுமார் 12 கிலோமீட்டர் தொலைவிலுள்ள ஊரகம் எனும் கிராமத்தில் நிலைகொண்டுள்ளது. இந்தக்கோவில் மிகவும் பிரபலமான இறைவி துர்க்கையை வழிபடும் 108 கோயில்களில் ஒன்றாகக் கருதப்படுகிறது.

ஐதீகம்

கேரள நாட்டு ஐதீகத்தின் படி, சுமார் 700 முதல் 1000 ஆண்டுகளுக்கு முன், பூமுள்ளி நம்பூதிரி என்பவர் (திருவலயன்னூர் பட்டதிரி எனவும் அறியப்படுபவர்) அம்மா திருவடி கோவிலை நிறுவினார். இன்று கோவில் அமைந்திருக்கும் இடம் ஒரு காலத்தில் அவருடைய வீடாக இருந்தது. அந்தக்காலத்தில் ஊரகம் என்ற இந்த கிராமம் பெருவனம் கிராமத்தின் ஒரு அங்கமாக இருந்தது (பண்டைய கேரளாவின் புராதனமான 64 கிராமங்களில் ஒன்று). நம்பூதிரி அவர்கள் காஞ்சிபுரத்தில் உள்ள காஞ்சி காமாட்சி அம்மனை கோவிலில் வழிபட சென்ற பொழுது, அம்மன் நம்பூதிரியின் பக்தியைக் கண்டு மனம் மகிழ்ந்தார், அதனால் காஞ்சி காமாட்சி அம்மன் அவருடன் அவருடைய பனை இலையால் உருவாக்கப்பட்ட அவரது குடையில் அமர்ந்து, கேரளாவிற்கு வந்தார். அவர் வீட்டிற்கு வந்ததும் அவர் அவரது குடையை வீட்டில் நிலத்தில் வைத்தார். அவர் மீண்டும் திரும்பி வந்து குடையை எடுத்த பொழுது, அவரால் அந்தக் குடையை திரும்பப் பெற இயலவில்லை. அது மிகவும் கனமாகவும், நிலத்துடன் ஒன்றியது போலவும் காணப்பட்டது. மேலும் சிறிது நேரத்திற்குப் பிறகு பிரச்னம் வைத்து சோதித்துப் பார்த்த பொழுது, அந்தக் குடையில் காஞ்சி காமாட்சி அம்மனே குடியிருப்பதாகக் கண்டது. அன்று இரவே இறைவி நம்பூதிரியின் கனவில் பிரத்தியட்சமானார் மேலும் அவர் அம்மனுக்காக அங்கே ஒரு கோவிலை பணிந்திட வேண்டும் என்றும், அவர் பிறகு ஊர்கத்தை விட்டு செல்ல வேண்டும் என்று காணப்பட்டது. மேலும் இறைவி அவருக்கு தெரிவித்தது என்ன என்றால் வீட்டிலிருந்து வெகு தொலைவில் ஒரு கிணற்றின் அடியில் இருந்து அம்மனின் விக்கிரகம் கிடைக்கப்பெறும் மேலும் அந்த விக்கிரகத்தில், வீட்டில் குடையில் நிலைகொண்டு இருக்கும் இறைவியை அதில் பிரதிட்டை செய்து கோவிலை அமைக்க வேண்டும் என்று கேட்டுக்கொண்டார். நம்பூதிரியும் அம்மன் கூறியதை அப்பொழுதே செய்துமுடித்தார். அவர் அம்மன் அருளியதைப் போலவே அந்தக் கோவிலை அமைத்தார், அவரது சொத்துக்கள் அனைத்தையும் கோவிலுக்கே தானம் செய்தார் மேலும் கோவிலின் நிருவாகத்தை கொச்சி மகாராஜாவை ஏற்றுக்கொள்ளும் படி கேட்டுக்கொண்டார். அப்பொழுது முதல், இந்த இறைவி அம்மா திருவடி என அழைக்கப் பெற்றார்.அம்மா திருவடி ஒவ்வொரு ஆண்டும் தவறாமல் பூரம் திருவிழாவில் சாத்தக்குடம் ஸ்ரீ தர்ம சாஸ்தாவுடன் பங்கேற்பார்.

கட்டடக்கலை

இந்தக் கோவில் மிகவும் அழகான மற்றும் கம்பீரமான பெரிய இரு கோபுரங்களைக் கொண்டுள்ளது, (அலங்கார நுழைவாயில்), மதில்கெட்டு அதன் வளாகத்தின் சுவர்களைக் குறிக்கும், ஊட்டுப்புரை என்பது பக்தர்களுக்கு உணவு வழங்கப்படும் கூடத்தைக் குறிக்கும், நாலம்பலம் என்பது கர்ப்பக் கிரகத்தை சுற்றி அமைந்த கட்டிடத்தைக் குறிக்கும் மேலும் உள்ளே இரு மாடிகொண்ட ஸ்ரீகோவில் (கர்ப்பக்கிரகம்) காணப்படுகிறது.

உற்சவங்கள்

மகீரம் புறப்பாடு என்ற உற்சவம் கோவிலின் மிகவும் பிரபலமான ஒரு நிகழ்ச்சியாகும். அந்த நன்னாளில் அம்மா திருவடியான இறைவி, ஆராட்டுபுழா பூரம் திருவிழாவில் கலந்துகொள்ள யாத்திரை புறப்படும் நாளாகும். பூரம் திருவிழாவில் அம்மா திருவடியான இறைவி ஒரு முக்கிய பங்கை வகிக்கிறாள். பூரம் திருவிழா முற்றிலும் முடிந்த பிறகே அம்மா திருவடி இறைவி மீண்டும் தமது கோவிலுக்கு திரும்பி வருகிறாள்.