அய்யனகெரே

அய்யனகெரே (Ayyanakere) என்பது இந்தியாவின் கருநாடகத்தின் சகராயபட்னம் கிராமத்திற்கு அருகிலுள்ள ஒரு ஏரியாகும். இது சிக்மகளூரில் இருந்து 18 கி.மீ தொலைவில் அமைந்துள்ளது. இந்த ஏரியின் நீரானது சுமார் 15 கி.மீ தொலைவு வரை உள்ள பல கிராமங்களின் வேளாண் பணிகளுக்கு முக்கிய நீர் ஆதாரமாக உள்ளது. ஏரியில் இருந்து பாசணத்துக்கு தண்ணீர் கொண்டு செல்ல 10 கால்வாய்கள் உள்ளன.

அய்யனகெரே
View of the lake
அய்யனகெரே
அமைவிடம்	சிக்மகளூரு மாவட்டம், கருநாடகம், இந்தியா
ஆள்கூறுகள்	13.443014°N 75.879976°E / 13.443014; 75.879976
ஆற்று மூலங்கள்	வேதவதி
வடிநிலப் பரப்பு	Krishna Basin

ஏரி

இந்த ஏரி முதலில் சகராயபட்னம் என்ற கிராமத்தின் ஆட்சியாளரான ருக்மாங்கத ராயரால் கட்டப்பட்டது என்றும் பின்னர் கி.பி 1156 இல் போசள மன்னர்களால் புதுப்பிக்கப்பட்டது என்றும் நம்பப்படுகிறது. இதனால் 1560 எக்டேர் விவசாய நிலம் பாசன வசதி பெறுகிறது. சகுனகிரி மலையை பின்னணியாக கொண்டுள்ள அழகிய நிலப்பரப்புக்காக இந்த ஏரி அறியப்படுகிறது. ஆனால் போதுமான வசதிகள் இல்லாததால் சுற்றுலா பயணிகள் இந்த ஏரியைப் பார்க்க வருவதில்லை.