அவதானப்பட்டி மாரியம்மன் கோயில்

அவதானப்பட்டி மாரியம்மன் கோயில் என்பது தமிழ்நாட்டில் கிருஷ்ணகிரி மாவட்டம், அவதானப்பட்டி என்னும் ஊரில் அமைந்துள்ள ஒரு மாரியம்மன் கோயிலாகும். இக்கோயில் தர்மபுரி-கிருட்டிணகிரி தேசிய தேசியநெடுஞ்சாலையில், அவதானப்பட்டி ஏரிக்கு அருகில், கிருட்டிணகிரி நகரின் எல்லையில் அமைந்துள்ளது. இக்கோயில் இந்துசமய அறநிலையத்தின் கட்டுப்பாட்டில் உள்ளது.

அருள்மிகு மாரியம்மன் கோவில்
அமைவிடம்
நாடு:	இந்தியா
மாநிலம்:	தமிழ்நாடு
மாவட்டம்:	கிருஷ்ணகிரி
அமைவிடம்:	அவதானப்பட்டி
மக்களவைத் தொகுதி:	கிருஷ்ணகிரி
கோயில் தகவல்
தாயார்:	மாரியம்மன்
சிறப்புத் திருவிழாக்கள்:	ஆடி மாதம்

கோயில் அமைப்பு

இக்கோயிலானது மூன்றுநிலை இராசகோபுரத்துடன் அமைந்துள்ளது. கோயிலானது மகாமண்டபம், கருவறை என அமைந்துள்ளது. கருவறையில் மாரியம்மன் சுயம்புவாக உள்ளார்.

வழிபாடு

கிருட்டிணகிரியில் இருந்து வெளியூர் செல்பவர்ளில் பலர் தங்கள் வாகனத்தை இக்கோயில்முன் நிறுத்தி பயணம் நல்லவிதமாக இருக்க வணங்கிச் செல்கின்றனர். ஆடி மாதம் இக்கோயிலின் ஆண்டுவிழா நடக்கிறது. விழாவின்போது சுற்றவ்வட்டார கிராமப் பெண்களால் மாவிளக்கு ஊர்வலம் நடத்தப்படுகிறது.