ஆசிரியர் தலையங்கம்
ஆசிரியர் தலையங்கம் அல்லது ஆசிரியவுரை (editorial) என்பது ஒரு நாளிதழ், இதழ் அல்லது எழுதப்பட்ட ஆவணம் ஒன்றின் மூத்த ஆசிரியர் அல்லது வெளியீட்டாளரால் எழுதப்பட்ட கட்டுரையாகும். இது பெரும்பாலும் கையொப்பமிடப்படுவதில்லை. த நியூயார்க் டைம்ஸ்,[1] தி பாசுடன் குளோப்[2] போன்ற அமெரிக்க செய்தித்தாள்கள் பெரும்பாலும் தலையங்கங்களை "கருத்து" என்ற தலைப்பின் கீழ் வகைப்படுத்துகின்றன. விளக்கப்படத் தலையங்கங்கள் கேலி ஓவியங்களின் வடிவத்தில் எழுதப்படுகின்றன.[3]
பொதுவாக, ஒரு நாளிதழின் ஆசிரியர் குழு, வாசகர்கள் எந்தப் பிரச்சினைகளை முக்கியமானதாகக் கருதுகிறார்கள் என்பதை மதிப்பிட்டு, செய்தித்தாளின் கருத்தை எழுதுகிறார்கள்.[4]
தலையங்கங்கள் பொதுவாக ஆசிரியர் தலையங்கப் பக்கம் என அழைக்கப்படும் ஒரு தனிப்பட்ட பக்கத்தில் வெளியிடப்படுகின்றன, இப்பக்கம் பெரும்பாலும் பொதுமக்களிடம் இருந்து ஆசிரியருக்கான கடிதங்களையும் கொண்டுள்ளது. ஒரு செய்தித்தாள் முதல் பக்கத்தில் தனது ஆசிரியத் தலையங்கத்தை வெளியிடத் தேர்வு செய்யலாம்.[5]
பெரும்பாலான நாளிதழ்கள் தலைமை எழுத்தாளரின் பெயர் இல்லாமல் தலையங்கத்தை வெளியிடுகின்றன. தி கார்டியன் பத்திரிகையின் ஆசிரியர் டொம் கிளார்க், இது வாசகர்கள் ஆசிரியரை விடப் பிரச்சினையை விவாதிப்பதை உறுதி செய்கிறது என்று கூறுகிறார்.[6] அதேவேளையில், ஒரு ஆசிரியத் தலையங்கம் ஒரு செய்தித்தாளினதும் அதன் தலைமையினதும், ஆசிரியரினதும் நிலையைப் பிரதிபலிக்கிறது. ஆசிரியர் பெரும்பாலும் தலையங்கத்தை தாங்களே எழுதமாட்டார்கள், அவர்கள் மேற்பார்வை செய்து அதன் பொறுப்பைத் தக்க வைத்துக் கொள்கிறார்கள்.[7]
மேற்கோள்கள்
தொகு
- ↑ Staff (23 May 2012). "Opinion". த நியூயார்க் டைம்ஸ். https://www.nytimes.com/pages/opinion/.
- ↑ Staff (23 May 2012). "Opinion". The Boston Globe. http://www.boston.com/bostonglobe/editorial_opinion/.
- ↑ Staff (2012). "AAEC The Association of American Editorial Cartoonists". The Association of American Editorial Cartoonists. பார்க்கப்பட்ட நாள் 23 May 2012.
- ↑ Passante, Christopher K. (2007). The Complete Idiot's Guide to Journalism – Editorials. Penguin. p. 28. பன்னாட்டுத் தரப்புத்தக எண் 978-1-59257-670-8. பார்க்கப்பட்ட நாள் 21 February 2010.
- ↑ Christie Silk (15 June 2009). "Front Page Editorials: a Stylist Change for the Future?". Editors' Weblog. World Editors' Forum. பார்க்கப்பட்ட நாள் 1 July 2011.
- ↑ Clark, Tom (10 January 2011). "Why do editorials remain anonymous?". தி கார்டியன். https://www.theguardian.com/commentisfree/2011/jan/10/editorial-leading-article-anonymous.
- ↑ Crean, Mike (2011). First with the news: an illustrated history. Auckland: Random House. p. 97. பன்னாட்டுத் தரப்புத்தக எண் 978-1-86979-562-7.