இரும்பல் காஞ்சி
இரும்பல் காஞ்சி என்னும் நூல் முழுமையானதாகக் கிடைக்கவில்லை.
இந்த நூலின் பெயரைச் சொல்லும் குறிப்புகளை இரண்டு உரைநூல்கள் தருகின்றன.
இந்த இரண்டு உரைநூல்களும் 15ஆம் நூற்றாண்டில் தோன்றியவை.
இந்த உரைகளில் இந்த நூலின் 5 பாடல்கள் தரப்பட்டுள்ளன.
பாடல் 1
தொகு- எய்கணை விழுந்துளை யன்றே செவித்துளை
- மையறு கேள்வி கேளாதோர்க்கே [1]
- பாடலின் செய்தி
- நற்சொல் கேளாத செவியிலுள்ள துளை அம்பு பாய்ந்த காயம்
பாடல் 2
தொகு- பகுதிக் கருவின் முட்டைக்
- கதிர் விடும் பெருங்குறை வாங்கி வலங்கையிற்
- பூ முதல் இருந்த நான்முகத் தனிச்சுடர்
- வேதம் பாடி மேதகப் படைத்தன
- எண் பெரு வேழம் [2]
- பாடலின் செய்தி
- அண்டத்தின் முட்டை செங்கதிர் மலர் (ஞாயிறு). இதில் அமர்ந்துகொண்டு நான்முகன் வேதம் பாடினான். அத்துடன் 8 திசைகளுக்கும் 8 யானைகளைப் படைத்தான்.
பாடல் 3
தொகு- நீல நெடுங்கொண்மூ நெற்றி நிழல்நாறி
- காலை இருள்சீக்கும் காய்கதிர்போல் – கோல
- மயில்தோகை மேல்தோன்றி மாக்கடல்சூர் வென்றோன்
- அணிச்சே வடிஎன் அரண். [3]
- பாடலின் செய்தி
- கடல் என்னும் தோகைமயில் மேல் கதிரவன் போலத் தோன்றி, சூரபனமாவை வென்ற முருகள் சேவடி எனக்கு அரண் (காப்பு)
பாடல் 4
தொகு- ஆர்கலி ஞாலத்(து) அறங்காவ லாற்சிறந்த
- பேரருளி னார்க்குப் பெறலருமை யாதுளதோ
- வார்திரைய மாமகர வெள்ளத்து நாப்பண்ணும்
- போர்மலைந்து வெல்லும் புகழ் [4]
- பாடலின் செய்தி
- அறங்காவலினால் சிறந்த மன்னனுக்கு கடலலை போல வரும் படையையும் வெல்லுதல் எளிது.
பாடல் 5
தொகு- கருங்கலி முந்நீரின் மூழ்காத முன்னம்
- இருங்கடி மண்மகளை ஏந்தினவே ஆயின்
- பெரும்பெயர் ஏனத்(து) எயி(று) அனைய அன்றே
- கரும்பறை தொண்டையான் தோள் [5]
- பாடலின் செய்தி
- கடலில் மிதந்துவந்த தொண்டைமானின் தோள்கள் பகைவரைத் தாக்கும்போது யானையின் கொம்புகளைப் போன்றவை.
காலம்
தொகு- தமிழ்நாட்டில் தொண்டையரின் கடைசி மன்னன் தெள்ளாறு எறிந்த நந்திவர்மன். நந்திக் கலம்பகம் என்னும் நூலின் பாட்டுடைத் தலைவன். எனவே இந்த நூலின் காலம் 9ஆம் நூற்றாண்டு.
கருவிநூல்
தொகு- மு. அருணாசலம், தமிழ் இலக்கிய வரலாறு, ஒன்பதாம் நூற்றாண்டு, பாகம் 1, 2005