ஈத்திரோசன்

ஈத்திரோசன் (Estrogen) அல்லது ஈஸ்ட்ரோசன் என்பது ஓர் பெண் பாலின இயக்குநீர் ஆகும். இது பெண்களின் பூப்புக் கால வளர்ச்சிக்கும் மாற்றங்களுக்கும் காரணமாக உள்ளது. மாதவிடாய் காலங்களில் முக்கியப் பங்காற்றுகின்றது. மாதவிடாய் நின்றபிறகு, ஈத்திரோசன் அளவுகள் குறைகின்றன. இதனையொத்த ஆண் பாலின இயக்குநீர் இசுடெசுத்தோசத்தெரோன் ஆகும்.

ஈஸ்திரியோல். வலது மூலையிலுள்ள "டி" வளையத்துடன் இரண்டு ஐட்டிராக்சில் (-OH) தொகுதிகள் இருப்பதைக் கவனிக்கவும்
ஈஸ்திரடையோல். வலது மூலையிலுள்ள "டி" வளையத்துடன் ஒற்றை ஐட்டிராக்சில் (-OH) தொகுதி இருப்பதைக் கவனிக்கவும். பெயரிலுள்ள 'டை' என்பது இந்த ஐட்டிராக்சில் தொகுதியையும், இடது மூலையிலுள்ள "எ" வளையத்துடன் உள்ள ஒற்றை ஐட்டிராக்சில் தொகுதியையும் சேர்த்துக் குறிக்கின்றது
ஈஸ்திரோன். வலது மூலையிலுள்ள "டி" வளையத்துடன் கீட்டோன் (=O) தொகுதி இருப்பதைக் கவனிக்கவும்

இயற்கையான இயக்குநீரைப் போன்று விளைவுகளை ஏற்படுத்துகின்ற, இயற்கையாகவோ அல்லது செயற்கையாகவோ உள்ள எந்தவொரு பொருளையும் ஈத்திரோசன் என்றே குறிப்பிடலாம்[1]. 17-பீட்டா ஈஸ்திரடையோல் ஒரு மிகுந்த ஆற்றல்மிக்க, பரவலாக இருக்கக்கூடிய உள்ளார்ந்த ஈத்திரோசன் என்றாலும், பல்வேறு ஈத்திரோசன் ஆக்கச்சிதைமாற்றப் பொருள்கள் ஈத்திரோசனைப் போன்று இயக்குநீர் செயற்பாடுகளைக் கொண்டிருக்கும். செயற்கையாக உருவாக்கப்படும் ஈத்திரோசன்கள் சில கருத்தடைக் குளிகைகளில், வயது முதிர்ந்த பெண்களுக்கு (மாதவிடாய் நிறுத்தத்திற்குப்பின்) அளிக்கப்படும் ஈத்திரோசன் மாற்றீடு சிகிச்சைகளில், மூன்றாம் பாலினப் பெண்களுக்கு அளிக்கப்படும் ஈத்திரோசன் மாற்றீடு சிகிச்சைகளின் ஒரு பகுதியாக உபயோகப்படுத்தப்படுகின்றன.

ஈத்திரோசன் அனைத்து முதுகெலும்பிகளிலும்[2] சில பூச்சிகளிலும் இணைத்துருவாக்கப்படுகின்றது.[3] இவை இரண்டிலும் ஈத்திரோசன் இருப்பதைக் காண்கையில் ஈத்திரோசன் பாலின இயக்குநீர்கள் கூர்ப்பின் தொன்மையான காலந்தொட்டே இருந்துள்ளதை அறிய முடிகின்றது.

பெண்களில் இயற்கையாகக் காணப்படும் மூன்று முதன்மையான ஈத்திரோசன்களின் வடிவங்கள் பின்வருமாறு: ஈஸ்திரோன் (E1), ஈஸ்திரடையோல் (E2), ஈஸ்திரியோல் (E3). இன்னொரு வகையான ஈத்திரோசன் வடிவமான ஈஸ்ததிரோல் (E4) மகப்பேறுகாலங்களில் மட்டும் உருவாகிறது. ஒப்பீட்டளவில், ஆண், பெண் இருபாலரிலும் ஆண்மை இயக்குநீர்களைக் காட்டிலும் ஈத்திரோசன்கள் குறைந்த அளவே இரத்தத்தில் காணப்படுகிறன[4]. பெண்களைக் காட்டிலும் ஆண்களில் குறிப்பிடத்தக்க அளவில் குறைவான ஈத்திரோசன்கள் இருந்தாலும், இவை ஆண்களின் உடலியக்கத் தொழிற்பாடுகளில் இன்றியமையாத பங்களிப்பினை அளிக்கின்றன[5].

பிற இசுடீராய்டுகளைப் போலவே, ஈத்திரோசனும் உயிரணு மென்சவ்வின் ஊடாக தடையின்றி பரவக்கூடியது. உயிரணுக்களின் உள்ளே, ஈத்திரோசன் அதன் ஏற்பிகளுடன் (estrogen receptors; ERs) இணைந்து அவற்றைத் தூண்டுகின்றன. இதனால், பல மரபணுக்களில் அவற்றின் வெளிப்பாடு நெறிமுறைப்படுத்தப்படுகிறது[6]. இதைத்தவிர உயிரணு மென்சவ்வில் உள்ள, துரித சமிக்ஞைகளைத் தரக்கூடிய, ஜி-புரதம் பிணைந்த சமிக்ஞை ஏற்பிகளைப் (GPR30) போன்ற[7] மென்சவ்வு ஈத்திரோசன் ஏற்பிகளுடன் (membrane estrogen receptors; mERs) ஈத்திரோசன்கள் இணைந்து அவற்றை விரைவாகத் தூண்டுகின்றன[8][9].

ஈத்திரோசன், புரோஜெஸ்ட்டிரோன் இயக்குநீர்களுக்கிடையேயுள்ள சமநிலையைப் பொருத்து தன்னெதிர்ப்பு நோய்களின் தாக்கம் அல்லது வெளிப்பாடு இருக்கலாம் என்று கருதப்படுகிறது[10].

மேற்சான்றுகள் தொகு

  1. "estrogen (CHEBI:50114)". ChEBI. பார்க்கப்பட்ட நாள் 13 August 2016.
  2. Ryan KJ (August 1982). "Biochemistry of aromatase: significance to female reproductive physiology". Cancer Res. 42 (8 Suppl): 3342s–3344s. பப்மெட்:7083198. 
  3. Mechoulam R, Brueggemeier RW, Denlinger DL (September 2025). "Estrogens in insects". Cellular and Molecular Life Sciences 40 (9): 942–944. doi:10.1007/BF01946450. http://www.springerlink.com/content/tr77034552r222m1/fulltext.pdf. பார்த்த நாள்: 2014-06-13. 
  4. "Androgen production in women". Fertility and Sterility 77 Suppl 4: S3–5. 2002. doi:10.1016/S0015-0282(02)02985-0. பப்மெட்:12007895. 
  5. "Estrogens and health in males". Molecular and Cellular Endocrinology 178 (1-2): 51–5. 2001. doi:10.1016/S0303-7207(01)00420-8. பப்மெட்:11403894. 
  6. Endocrinology: an integrated approach. Oxford: BIOS: Taylor & Francis. 2001. பன்னாட்டுத் தரப்புத்தக எண்:1-85996-252-1. http://www.ncbi.nlm.nih.gov/books/bv.fcgi?call=bv.View..ShowTOC&rid=endocrin.TOC&depth=10. 
  7. "GPR30: A G protein-coupled receptor for estrogen". Mol. Cell. Endocrinol. 265–266: 138–42. 2007. doi:10.1016/j.mce.2006.12.010. பப்மெட்:17222505. 
  8. "Membrane estrogen receptors - is it an alternative way of estrogen action?". J. Physiol. Pharmacol. 64 (2): 129–42. April 2013. பப்மெட்:23756388. 
  9. "Membrane estrogen receptor regulation of hypothalamic function". Neuroendocrinology 96 (2): 103–10. 2012. doi:10.1159/000338400. பப்மெட்:22538318. 
  10. Hughes GC and Choubey D (26, ஆகத்து 2014). "Modulation of autoimmune rheumatic diseases by oestrogen and progesterone". Nature Reviews Rheumatology. doi:10.1038/nrrheum.2014.144. http://www.nature.com/nrrheum/journal/vaop/ncurrent/full/nrrheum.2014.144.html?WT.mc_id=FBK_NatureReviews. 


புற இணைப்புகள் தொகு

"https://ta.wikipedia.org/w/index.php?title=ஈத்திரோசன்&oldid=3702397" இலிருந்து மீள்விக்கப்பட்டது