ஈரயோடோசில் சல்பேட்டு

ஈரயோடோசில் சல்பேட்டு (Diiodosyl sulfate) என்பது (IO)₂SO₄ என்ற மூலக்கூற்று வாய்ப்பாட்டால் விவரிக்கப்படும் ஒரு கனிம வேதியியல் சேர்மமாகும். அயோடினும் கந்தக அமிலமும் சேர்ந்து இந்த கார உப்பு உருவாகிறது. மஞ்சள் நிறத்தில் படிகங்களாக ஈரயோடோசில் சல்பேட்டு உருவாகிறது.

ஈரயோடோசில் சல்பேட்டு

பெயர்கள்
வேறு பெயர்கள் அயோடோசில் சல்பேட்டு
இனங்காட்டிகள்
சிஏஎசு எண்	25041-70-7
யேமல் -3D படிமங்கள்	Image
SMILES [I+]=O.[I+]=O.[O-]S([O-])(=O)=O
பண்புகள்
மூலக்கூறு வாய்பாடு	(IO)2SO4
வாய்ப்பாட்டு எடை	381.87 கி/மோல்
மாறுதலாக ஏதும் சொல்லவில்லை என்றால் கொடுக்கப்பட்ட தரவுகள் யாவும் பொருள்கள் அவைகளின் இயல்பான வெப்ப அழுத்த நிலையில் (25°C, 100kPa) இருக்கும். வார்ப்புரு மேற்கோள்கள்

தயாரிப்பு

அயோடிக் அமிலமும் கந்தக அமிலமும் சேர்ந்து வினைபுரிந்து ஈரயோடோசில் சல்பேட்டு உருவாகிறது:

2 HIO₃ + H₂SO₄ → (IO)₂SO₄ + O₂ + 2 H₂O

கந்தக அமிலத்திலுள்ள அயோடின் கரைசல் வழியாக ஓசோனாக்கப்பட்ட ஆக்சிசனைச் சேர்த்தால் வினை நிகழ்ந்து ஈரயோடோசில் சல்பேட்டு உருவாகிறது.

I₂ + 3 O₃ + H₂SO₄ → (IO)₂SO₄ + 3 O₂ + H₂O

இயற்பியல் பண்புகள்

ஈரயோடோசில் சல்பேட்டு மஞ்சள் நிறத்தில் நீருறிஞ்சும் படிகங்களாக உருவாகிறது. குளிர்ந்த நீரில் குறைவாகக் கரைகிறது.

அடர் கந்தக அமிலத்தில் ஈரயோடோசில் சல்பேட்டு கரையும். பின்னர் இதை இக்கரைசலில் இருந்து மறுபடிகமாக்கலாம்.

வேதிப் பண்புகள்

வளிமண்டல ஈரப்பதத்தின் செல்வாக்கினால் ஈரயோடோசில் சல்பேட்டு நீராற்பகுப்புக்கு உட்பட்டு அயோடின், அயோடிக் அமிலம் மற்றும் கந்தக அமிலமாக சிதைகிறது.

ஈரயோடோசில் சல்பேட்டை சூடுபடுத்தினாலும் சிதைவடைகிறது:

4(IO) ₂ SO ₄ → 2I₂O₅ + 2I₂ + 4SO₃ + O₂

கந்தக(VI) ஆக்சைடுடன் ஈரயோடோசில் சல்பேட்டு வினையில் ஈடுபடுகிறது:

(IO)₂SO₄ + 2SO₃ → I₂(SO₄)₃

அடர் கந்தக அமிலத்துடன் சேர்ந்து ஓர் அமில உப்பை ஈரயோடோசில் சல்பேட்டு உருவாக்குகிறது:

(IO)₂SO₄ + H₂SO₄ → 2 IOHSO₄