உமரியா சின்கவன்சா
உமரியா பிந்தி ஆயிசா சின்கவன்சா ( Umaria Binthy Ayesha Sinhawansa ) (சிங்களம்: උමාරියා සිංහවංශ, பிறப்பு 5 ஜனவரி 1991), உமரியா என்ற தனிப்பெயரால் பிரபலமாக குறிப்பிடப்படும் இவர் ஓர் இலங்கை பரப்பிசை, ரிதம் அண்ட் புளூஸ் மற்றும் ஜாஸ் பாடகர் ஆவார். இலங்கை ஒலிபரப்புக் கூட்டுத்தாபனத்தினால் ஏ-தரம் பெற்ற இளைய இசைக்கலைஞராவார். இலங்கையின் இசைத்துறைக்கு இவர் ஆற்றிய பங்களிப்பிற்காக 'கலா கீர்த்தி அபிமானி' விருதை வென்றுள்ளார்.[2][3]
| உமரியா சின்கவன்சா | |
|---|---|
 | |
| தாய்மொழியில் பெயர் | උමාරියා සිංහවංශ |
| பிறப்பு | உமரியா பிந்தி ஆயிசா சின்கவன்சா 5 சனவரி 1991[1] கொழும்பு, இலங்கை |
| தேசியம் | இலங்கையர் |
| கல்வி | இசையில் இளங்கலை |
| படித்த கல்வி நிறுவனங்கள் | கேட்வே சர்வதேசப் பள்ளி, கொழும்பு முஸ்லிம் பெண்கள் கல்லூரி, கொழும்பு |
| பணி |
|
| வாழ்க்கைத் துணை | திமித்ரி பொன்சேகா (தி. 2018) |
| உறவினர்கள் | உமரா சின்கவன்சா (சகோதரி) ருக்மணி தேவி (அத்தைப் பாட்டி) |
| இசை வாழ்க்கை | |
| இசை வடிவங்கள் | |
| இசைக்கருவி(கள்) | குரலிசை |
| இசைத்துறையில் | 2005–தற்போது வரை |
| இணைந்த செயற்பாடுகள் | டபிள்யூ. டி. அமரதேவா, டி. எம் செயரத்னே, ஆஷா போஸ்லே, பதியா மற்றும் சந்தூசு, ரந்தீர் விட்டானா |
சுயசரிதை
தொகுஆரம்ப வாழ்க்கை மற்றும் கல்வி
தொகுஉமரியா சின்கவன்சா, 1991 ஆம் ஆண்டு சனவரி 5 ஆம் நாள் இலங்கையின் கொழும்பில் இசைக்கலைஞர்களான டோனி சின்கவன்சா மற்றும் ஆயிசா சின்கவன்சா ஆகியோரின் மகளாகப் பிறந்தார். உமரியா தனது வாழ்க்கையின் ஆரம்பத்திலேயே இசையைக் கற்றுக் கொண்டார். [4] இவர் இலங்கையின் கொழும்பில் உள்ள முஸ்லிம் பெண்கள் கல்லூரி மற்றும் கேட்வே பன்னாட்டு பள்ளியில் படித்தார். இசையில் இளங்கலை பட்டமும், உட்புற வடிவமைப்பு மற்றும் ஒளிப்பதிவில் சான்றிதழ் பட்டமும் பெற்றுள்ளார்.[5]
குடும்பம்
தொகுஇவருக்கு சுபந்திரியோ மற்றும் ஆர்தோனோ என்ற இரண்டு மூத்த சகோதரர்கள் உள்ளனர். ஆர்தோனோ ஒரு இசை தயாரிப்பாளர் மற்றும் தொழில்முனைவோராக இருக்கிறார். இவரது மூத்த சகோதரி உமரா சின்கவன்சாவும் ஒரு இசைக்கலைஞர். உமரியாவின் பாட்டி ராணி பெரேரா இலங்கைத் திரைப்படங்களில் நடிகையாக இருந்தவர். இவர் மறைந்த பாடகியும் இலங்கைத் திரைப்பட நடிகையுமான ருக்மணி தேவியின் பேத்தியும் ஆவார். [6] [7]
இசை வாழ்க்கை
தொகுஉமரியா தனது 11 வயதில் தனது இசை வாழ்க்கையை 2005 இல் தொடங்கினார். பல்வேறு நிலைகளில் தனது சகோதரியுடன் இணைந்து நிகழ்ச்சிகளை நடத்தினார். ஆசை மண் பியாபன்னா படத்தில் பின்னணி பாடகியாக அறிமுகமானார். மேலும் இவர் பான் ஆசிய இசை பன்னாட்டு இசைப் போட்டி மற்றும் கிரிமியா மியூசிக் ஃபெஸ்ட் பன்னாட்டுப் போட்டியில் வெள்ளி விருதுகளை வென்றுள்ளார்.[8][9][10]
2020 ஆம் ஆண்டில், இவரது தனிப்பாடலான மண்ட பாமா இலங்கையில் பெரிய வெற்றி பெற்றது. மேலும் மிகக் குறுகிய காலத்தில் 10 மில்லியன் பார்வைகளை எட்டியது. 22 மில்லியன் பார்வைகளுடன் யூடியூப்ப்பில் அதிகம் பார்க்கப்பட்ட பெண் கலைஞர்களில் இவர் பட்டியலிடப்பட்டார். [11] மேலும் இவர் இன்ஸ்ட்டாகிராமில் அதிகம் பின்தொடரும் இலங்கை பாடகியாக இருக்கிறார். இசையில் இவர் ஆற்றிய பங்களிப்பிற்காக "அயா பிரணாம விருது" இவருக்கு வழங்கப்பட்டது. மேலும் 2021 ஆம் ஆண்டின் பாடலுக்காக 2021 நீல்சன் மக்கள் விருதும் வழங்கப்பட்டது [12]
பன்னாட்டுப் போட்டிகள்
தொகு2010 ஆம் ஆண்டில், 16 வயதில், உமரியா, சீனாவின் பெய்சிங்கில் நடைபெற்ற இலங்கையைப் பிரதிநிதித்துவப்படுத்தும் பான் ஆசியா இசை விழா 2010 இல் சர்வதேசப் பாடும் போட்டியில் பங்கேற்றார்.[13] போட்டியில், இவர் அடெலின் " ஹலோ " மற்றும் பியோன்சேவின் " கேள் " பாடலைப் பாடினார். [14] பின்னர் அவர் அரையிறுதியில் முதல் இடத்தைப் பிடித்தார். மேலும் போட்டியில் வெள்ளிப் பதக்கத்தை வென்றார். பின்னர் துருக்கியில் நடந்த ஒரு சர்வதேச போட்டியில் கலந்து கொண்டு வெண்கலப் பதக்கம் வென்றார். பின்னர் அவர் தனது சகோதரியுடன் உக்ரைனில் நடந்த கிரிமியா இசை விழாவில் பங்கேற்றார். இவர்கள் இருவரும் மை ட்ரீம்ஸ் என்ற அசல் பாடலை பாடினர். [8] மேலும் அவர்கள் பியான்சே நோல்சின் ஹாலோ பாடலை பாடினர். [9] 2010 இல், உமரியா சர்வதேச இந்திய திரைப்பட அகாதமி விருது வழங்கும் நிகழ்ச்சியில் பாடினார். [15] அங்கு இவர் இந்திய இசைக்கலைஞர்களான ஆஷா போஸ்லே [16] மற்றும் சங்கர்-எசான்-லாய் ஆகியோருடன் மேடையைப் பகிர்ந்து கொண்டார்.
கௌரவம்
தொகு2018 ஆம் ஆண்டில், காந்தியின்150வது பிறந்தநாளுக்கு இசை அஞ்சலியாக பாடப்பட்ட வைஷ்ணவ ஜன தோ என்ற பாடலுக்காக உமரியா இந்தியப் பிரதமர் நரேந்திர மோதியால் கௌரவிக்கப்பட்டார். [17] [18]
மேற்கோள்கள்
தொகு- ↑ Birthday (in ஆங்கிலம்), archived from the original on 2021-09-04, பார்க்கப்பட்ட நாள் 2021-01-15
- ↑ "Umaria Sinhawansa - So today I received the honorary title "කලා කීර්ති අභිමාණි" from the All Ceylon cultural and environmental protecting organization. Thankyou for this honor ❤️ | Facebook". www.facebook.com (in ஆங்கிலம்). பார்க்கப்பட்ட நாள் 2021-11-27.
- ↑ Staff Writer (2020-01-19). "Umaria receives 'Kala Keethi Abhimani' title". NewsHub (in அமெரிக்க ஆங்கிலம்). Archived from the original on 2021-09-04. பார்க்கப்பட்ட நாள் 2021-11-27.
- ↑ Gunaratne, Rochelle (2019-05-31). "Sensational Sisters: Umara and Umaria!". ChelleShock.org (in அமெரிக்க ஆங்கிலம்). Archived from the original on 2021-09-04. பார்க்கப்பட்ட நாள் 2021-09-04.
- ↑ "Umariya Sinhawansa – Jazz Unlimited" (in அமெரிக்க ஆங்கிலம்). Archived from the original on 2021-09-04. பார்க்கப்பட்ட நாள் 2021-09-04.
- ↑ "See What Umaria Sinhawansa did after her Marriage | Umaria Hot Gossips". Star Friends (in அமெரிக்க ஆங்கிலம்). 2018-12-06. பார்க்கப்பட்ட நாள் 2021-09-04.
- ↑ ""I am not Sinhalese. We are all Sri Lankans"- Umariya Sinhawansa - Hiru Gossip English Edition". gossip.hirufm.lk. பார்க்கப்பட்ட நாள் 2021-09-04.
- ↑ 8.0 8.1 Umara & Umaria - My Dreams ( Original Song ) (in ஆங்கிலம்), பார்க்கப்பட்ட நாள் 2021-09-28
- ↑ 9.0 9.1 Umara & Umaria - Halo (in ஆங்கிலம்), பார்க்கப்பட்ட நாள் 2021-09-28
- ↑ Umaria Sinhawansa - Semi-final - Pan Asia Music Festival 2010 - Beijing (in ஆங்கிலம்), பார்க்கப்பட்ட நாள் 2021-09-28
- ↑ Manda Pama - Umaria | මන්ද පමා - උමාරියා (in ஆங்கிலம்), பார்க்கப்பட்ட நாள் 2021-09-28
- ↑ "News : Umaria Bags Song Of The Year Award As SLIM". Decibel (in அமெரிக்க ஆங்கிலம்). 2021-03-24. பார்க்கப்பட்ட நாள் 2021-09-04.
- ↑ Umaria Sinhawansa - Semi-final - Pan Asia Music Festival 2010 - Beijing (in ஆங்கிலம்), பார்க்கப்பட்ட நாள் 2021-09-28
- ↑ Listen - by Umaria from Sri Lanka (Pan Asia Music Festival 2010), Beijing (in ஆங்கிலம்), பார்க்கப்பட்ட நாள் 2021-09-28
- ↑ IIFA Awards Sri Lanka 2010 Part 1 (in ஆங்கிலம்), பார்க்கப்பட்ட நாள் 2021-09-28
- ↑ Asha Bhosle Live with Bathiya & Santhush (Pathu Pem Pathum) (in ஆங்கிலம்), பார்க்கப்பட்ட நாள் 2021-09-28
- ↑ "Bathiya and Santhush (BNS)... - Bathiya and Santhush (BNS)". www.facebook.com (in ஆங்கிலம்). பார்க்கப்பட்ட நாள் 2021-09-28.
- ↑ "Bathiya and Santhush (BNS)... - Bathiya and Santhush (BNS)". www.facebook.com (in ஆங்கிலம்). பார்க்கப்பட்ட நாள் 2021-09-28.