உலூனா 4

உலூனா 4 அல்லது ஈ - 6 எண் 4 வ் (Luna 4) or (E-6 No.4) (Ye-6 series) (சில நேரங்களில் மேற்கில் இசுபூட்னிக் 26 என அழைக்கப்படுகிறது) என்பது நிலாவில் முதல் மென்மையான தரையிறக்கத்தை அடைய லூனா திட்டத்தின் கீழ் தொடங்கப்பட்ட சோவியத் விண்கலம் ஆகும். வெற்றிகரமாக ஏவப்பட்டதைத் தொடர்ந்து விண்கலம் தடவழித் திருத்தைச் சரிசெய்யத் தவறிவிட்டது , இதன் விளைவாக அது புவியின் வட்டணையில் இருப்பதற்குப் பதிலாக நிலாவைத் தவறவிட்டது.

திட்டப் பணி

லூனா 4 1963 ஏப்ரல் 2 அன்று 08:16:37 ஒபொநே யில் மோல்னியா - எல் ஏவூர்தியால் ஏவப்பட்டது. பைக்கோனூர் விண்வெளித் தளத்தில் தளம் 1/5 இலிருந்து ஏவப்பட்டது. தொடக்க நிலைநிறுத்த வட்டணையை 167/182 கிலோமீட்டர்கள் (104/113 மைல்) அடைந்த பிறகு , ஏவூர்தியின் மேல் கட்டம் மீண்டும் தொடங்கி உலூனா 4 கலத்தை ஒரு நிலா பெயரும் தடவழியில் நுழைத்தது.

விண்கலம் தேவையான இடைதடவழித் திருத்த முறைகளைச் செய்யவில்லை , இதன் விளைவாக 1963 ஏப்ரல் 5 அன்று 1:24 மணிக்கு 8,336,2 கிலோமீட்டர் (579.9 மைல்) நிலாவைத் தவறவிட்டது. பின்னர் அது புவியின் வட்டணையில் 90,000 ×700,000 கிமீ தொலைவை மையமாகக் கொண்டிருந்தது. ஏப்ரல் 5 அன்று மாலை 7:45 மணிக்கு மாஸ்கோ வானொலியில் ஒளிபரப்ப திட்டமிடப்பட்டிருந்த ஒரு விரிவுரை நிகழ்ச்சி நீக்கப்பட்டது. இந்த விண்கலம் ஏப்ரல் 6 வரை குறைந்ததுட்சம் 183 மெகா எர்ட்சு அலைவெண்ணில் தகவலை செலுத்திவந்தது.

நிலா மேற்பரப்பு நெருக்க ஒளிப்படம்

இந்தச் செய்முறையின் நோக்கம் நிலா மேற்பரப்பின் இயல்புகள் குறித்த தகவல்களைப் பெறுவதாகும். இந்த இயல்புகளில் பள்ளம், கட்டமைப்பு அளவு, பள்ளங்களின் அளவு , பரவலின் அளவு , மேற்பரப்பின் இயக்க இயல்புகளின் அளவுகள் , அதாவது தாங்கும் வலிமை , ஒருங்கியைவு , திண்ணிப்பு போன்றவை அடங்கும். நிலா மேற்பரப்பு கூறுபாடுகளை உருவாக்கும் செயல்முறைகளை தீர்மானித்தல், ஓர்ந்தறிதல் ஆகியவை இந்த ஒளிப்படச் செய்முறை நோக்கங்களில் அடங்கும்.