எத்தில்தொலுயீன்
எத்தில்தொலுயீன் (Ethyltoluene) என்பவை CH3C6H4CH2CH3 என்ற மூலக்கூற்று வாய்ப்பாட்டைக் கொண்ட கரிமச் சேர்மங்களை குறிக்கும். 1,2- 1,3- மற்றும் 1,4- எத்தில்தொலுயீன் என இதே வாய்பாட்டில் மூன்று மாற்றியங்கள் காணப்படுகின்றன. இவை மூன்றும் நிறமற்ற நீர்மங்கள். இவை நீருடன் கலக்காது. அரோமாட்டிக் ஐதரோகார்பன்கள் எனவும் இவை வகைப்படுத்தப்படுகின்றன. ஒரு மெத்தில் குழு , ஒரு எத்தில் குழு என இரண்டு பதிலீடுகள் பென்சீன் வளையத்தில் இடம்பெற்றுள்ளன.[1]
| Cymenes | |||
| பெயர் | 2-எத்தில்தொலுயீன் | 3-எத்தில்தொலுயீன் | 4-எத்தில்தொலுயீன் |
|---|---|---|---|
| கட்டமைப்பு வாய்ப்பாடு |  |
 |
|
| சிஏஎசு எண் | 611-14-3 | 620-14-4 | 622-96-8 |
| உருகுநிலை | -80.8 | -95.5 | -62.3 |
| கொதிநிலை (°C) | 165 | 161.3 | 162 |
தயாரிப்பு
தொகுஎத்திலீனுடன் தொலுயீனைச் சேர்த்து ஆல்க்கைலேற்ற வினையை நிகழ்த்துவதன் மூலம் எத்தில்தொலுயீனை தயாரிக்கலாம்.
- CH3C6H5 + CH2=CH2 → CH3C6H4CH2CH3
அலுமினியம் முக்குளோரைடு போன்ற பல்வேறு இலூயிசு அமிலங்களால் இந்த ஆல்க்கைலேற்ற வினை வினையூக்கப்படுகிறது. 3- மற்றும் 4-எத்தில்தொலுயீன்கள் முக்கியமாக மெத்திசிடைரீன்கள் தயாரிப்பில் முன்னோடிச் சேர்மங்களாக உள்ளன:
- CH3C6H4CH2CH3 → CH3C6H4CH=CH2 + H2
இந்த ஐதரசன் நீக்க வினை துத்தநாக ஆக்சைடு வினையூக்கியின் முன்னிலையில் நடத்தப்படுகிறது.[1]
மேற்கோள்கள்
தொகு- ↑ 1.0 1.1 Schmidt, Roland; Griesbaum, Karl; Behr, Arno; Biedenkapp, Dieter; Voges, Heinz-Werner; Garbe, Dorothea; Paetz, Christian; Collin, Gerd; Mayer, Dieter; Höke, Hartmut (2014). "Hydrocarbons". Ullmann's Encyclopedia of Industrial Chemistry. pp. 1–74. எண்ணிம ஆவணச் சுட்டி:10.1002/14356007.a13_227.pub3. பன்னாட்டுத் தரப்புத்தக எண் 9783527306732.