ஐஆர்என்எஸ்எஸ்-1எச்
ஐஆர்என்எஸ்எஸ்-1எச் (IRNSS-1H) இந்தியப் பகுதிக்கான இடஞ்சுட்டி செயற்கைக்கோள் அமைப்புத் (IRNSS) தொடர் செயற்கைக்கோள் வரிசையில் எட்டாவது செயற்கைக்கோள் ஆகும்.
| திட்ட வகை | செயற்கைக்கோள் கல இயக்கம் |
|---|---|
| இயக்குபவர் | இந்திய விண்வெளி ஆராய்ச்சி நிறுவனம் |
| திட்டக் காலம் | 10 ஆண்டுகள் |
| விண்கலத்தின் பண்புகள் | |
| தயாரிப்பு | இந்திய விண்வெளி ஆராய்ச்சி நிறுவனம் செயற்கைக்கோள் மையம் விண்வெளி பயன்பாட்டு மையம் |
| ஏவல் திணிவு | 1425கிகி |
| உலர் நிறை | 0 கிகி |
| திட்ட ஆரம்பம் | |
| ஏவப்பட்ட நாள் | 31 ஆகத்து 2017, 18:59 UTC |
| ஏவுகலன் | பிஎஸ்எல்வி-எக்ஸ்எல்-C39 |
| ஏவலிடம் | சதீஷ் தவான் விண்வெளி ஆராய்ச்சி மையம் - எஸ்எல்பி |
| ஒப்பந்தக்காரர் | இந்திய விண்வெளி ஆராய்ச்சி நிறுவனம் |
| திட்ட முடிவு | |
| கழிவு அகற்றம் | ஏவுதல் தோல்வி[1] |
இதற்கு முந்தைய ஏழு செயற்கைகோள்கள்: இந்தியப் பகுதிக்கான இடஞ்சுட்டி செயற்கைக்கோள் அமைப்பு-1ஏ, இந்தியப் பகுதிக்கான இடஞ்சுட்டி செயற்கைக்கோள் அமைப்பு-1பி, இந்தியப் பகுதிக்கான இடஞ்சுட்டி செயற்கைக்கோள் அமைப்பு-1சி, இந்தியப் பகுதிக்கான இடஞ்சுட்டி செயற்கைக்கோள் அமைப்பு-1டி, இந்தியப் பகுதிக்கான இடஞ்சுட்டி செயற்கைக்கோள் அமைப்பு-1இ, இந்தியப் பகுதிக்கான இடஞ்சுட்டி செயற்கைக்கோள் அமைப்பு-1எஃப் மற்றும் இந்தியப் பகுதிக்கான இடஞ்சுட்டி செயற்கைக்கோள் அமைப்பு-1ஜி.
ஐஆர்என்எஸ்எஸ்-1எச், இந்தத் தொடரின் கல இயக்க கடைசி ஏவூர்தி ஆகும். இந்த செயற்கைக்கோளானது புவி ஒத்தியக்கப்பாதையில் நிலைநிறுத்தப்பட இருந்தது. இந்த செயற்கைக்கோளானது, பி.எஸ்.எல்.வி.சி- 39 ராக்கெட் மூலம் திட்டமிட்டபடி ஆந்திர மாநிலம், ஸ்ரீஹரிகோட்டாவில் உள்ள, சதீஷ் தவான் விண்வெளி ஆராய்ச்சி மையத்தில் உள்ள இரண்டாவது ஏவுதளத்தில் இருந்து ஆகத்து 31 ஆம் தேதி செலுத்தத் திட்டமிடப்பட்டிருந்தது. ஆனால் இம்முயற்சி தோல்வியடைந்தது [2][3]
இது குறித்து இந்திய விண்வெளி ஆராய்ச்சி நிறுவனத் தலைவர் கிரண்குமார் செய்தியாளர்களுக்கு பேட்டியளித்த போது, செயற்கைக்கோளுக்குப் பாதுகாப்பாக வைக்கப்பட்டிருந்த வெப்பத்தடுப்பு அமைப்பு சரியாகப் பிரியாததால் விண்ணில் செலுத்தப்பட்ட செயற்கைக்கோள் தோல்வி அடைந்ததாக தெரிவித்துள்ளார். மேலும், ஏவூர்தியின் நான்கு நிலைகளில் 3 நிலைகள் நன்கு செயல்பட்டதாகவும். 4-வது நிலையில் வெப்பத்தடுப்பு அமைப்பு சரியாகப் பிரியாததால் செயற்கைக்கோள் நிலை நிறுத்துவதிலும், தொழில் நுட்ப கோளாறு காரணமாகவும் தோல்வி அடைந்ததாகவும், இதனால் திட்டமிட்டபடி 19 நிமிடத்தில் செயற்கைக்கோளை நிலைநிறுத்த முடியாமல் போய்விட்டதாகவும் தெரிவிக்கப்பட்டுள்ளது. தோல்விக்கான காரணங்கள் ஆராயப்பட்டு வருவதாகவும் தெரிவிக்கப்பட்டுள்ளது.[4]
மேற்கோள்கள்
தொகு- ↑ "IRNSS-1H launch from Sriharikota unsuccessful: ISRO". The Indian Express. 31 August 2017. http://indianexpress.com/article/technology/science/isro-pslv-c39-carrying-irnss-1h-series-satellite-to-be-launched-today-live-updates-sriharikota-4821747/. பார்த்த நாள்: 31 August 2017.
- ↑ "ISRO to launch a new navigation satellite on August 31". The Indian Express. 24 August 2017.
- ↑ "PSLV-C39/IRNSS-1H Mission - ISRO" (in ஆங்கிலம்). ISRO. Archived from the original on 2017-09-21. பார்க்கப்பட்ட நாள் 2017-08-31.
- ↑ "ஐ.ஆர்.என்.எஸ்.எஸ்., - 1 எச்'தோல்வி ஏன்? கிரண்குமார் விளக்கம்". தினமலர். பார்க்கப்பட்ட நாள் 31 ஆகத்து 2017.