ஐதராபாத் உயர்வு விரைவுப்பாதைகள்

ஐதராபாத் உயர்வு விரைவுப்பாதைகள்(Hyderabad Elevated Expressway) ஆந்திர மாநிலத் தலைநகர் ஐதராபாத் நகரில் கட்டப்பட்டுவரும் இரண்டு மேலே செல்லும் விரைவுப்பாதைகளைக் குறிக்கும்.

தகவல்
வகை	உயர்ந்த விரைவுவழி
தடவழிகள்	2
தடவழி பெயர்கள்	பி.வி.நரசிம்மராவ் உயர்வு விரைவுப்பாதை, ராசீவ் உயர்வு விரைவுப்பாதை
இயக்கம்
நுட்பம்
தொலைவு	11.6 கிலோமீட்டர் (7 மை) ( பி.வி.நரசிம்மராவ் ) 20 கிலோமீட்டர் (12 மை) ( ராசீவ்)
வழிப்பாதை	4
திசை	இருவழிப் போக்குவரத்து
அக்டோபர் 2009 [PVNR]

திட்டப்பணி விவரங்கள்

பி.வி. நரசிம்மராவ் உயர்வு விரைவுப்பாதை: மேதிப்பட்டணம் — ஆராம்கர் சந்திப்பு [11.6 கிமீ]

இது ஐதராபாத் நகரத்தை பன்னாட்டு விமானநிலையத்தை இணைக்கும் 11.6கிமீ நீளமுள்ள உயர்ந்த நிலையில் உள்ள விரைவுப்பாதை யாகும்.இதனை இரண்டு கட்டங்களாக ஐதராபாத் ஊரக மேம்பாட்டு ஆணையம் கட்டமைத்து வருகிறது.

கட்டம் 1:

மேதிப்பட்டணத்திலிருந்து ஐதர்குடா வரை 5.1கிமீ தொலைவிற்கு கட்டப்படும்.வட்டார போக்குவரத்து அலுவலகம் முன்னர் இறங்கும்.

கட்டம் 2:

ஐதர்குடாவிலிருந்து ஆராம்கர் சந்திப்பு வரை 6.5கிமீ தொலைவிற்கு கட்டப்படும்.

2007ஆம் ஆண்டு துவங்கப்பட்ட இப்பணித்திட்டம் பல இயற்கை மற்றும் நிர்வாக தடங்கல்களால் திட்டமிட்ட நாட்களில் முடிக்கப்பட வியவிலை. 2009 அக்டோபர் 2 அன்று மறைந்த முதல்வர் வை.எஸ்.ஆரால் திறக்கப்பட விருந்தது. அவரது மறைவிற்குப் பிறகு, முதல்வர் கே ரோசையாவினால் அக்டோபர் 19,2009 அன்று பொதுமக்கள் சேவைக்கு திறக்கப்பட்டது. இதன்பின்னர் 30 கிமீ தொலைவில் சம்சதாபாத்தில் உள்ள பன்னாட்டு விமானநிலையத்தை அடைய 45 நிமிடங்களே எடுக்கின்றது.

இந்தியாவின் மிக நீளமான 17.2 மீட்டர் அகலமுள்ள இந்த நான்குவழிப்பாதையைக் கட்டுவதற்கு இந்திய ரூபாய் 6 மில்லியன் செலவாகியுள்ளது.

ராசீவ் உயர்வு விரைவுப்பாதை: பரேட் மைதானம் — சாமீர்பேட்டை [20 கிமீ]

இது அணிவகுப்பு மைதானத்திலிருந்து (பரேட் கிரௌண்ட்ஸ்)சாமீர்பேட்டை வரை அமைக்கப்படும் 20 கிமீ நீளமுள்ள உயர்ந்த நிலையில் அமைந்த விரைவுப்பாதை யாகும்.

திட்டப்பணி நிகழ்நிலை

செப் 2008 அன்று இத்திட்டப்பணி ஆந்திர அரசினால் அனுமதிக்கப்பட்டுள்ளது. இது கட்டு,இயக்கு,மாற்று அடிப்படையில் கட்டமைக்கப்படுகிறது.