ஒட்டக்குடி திருநங்காளீசுவரர் கோயில்

ஒட்டக்குடி திருநங்காளீசுவரர் கோயில் திருவாரூர் மாவட்டத்தில் உள்ள சிவன் கோயிலாகும்.

அமைவிடம்

இக்கோயில் திருவாரூர் மாவட்டத்தில் குடவாசல் வட்டத்தில்அமைந்துள்ளது.

இறைவன், இறைவி

இக்கோயிலின் மூலவராக திருநங்காளீசுவரர் உள்ளார். இங்குள்ள இறைவி காமக்கோட்டத்து நாச்சியார் ஆவார்.

அமைப்பு

இக்கோயிலின் ராஜ கோபுரத்தின் கிழக்கே வாயில் அமைந்துள்ளது. நுழைவாயிலின் இடப்புறம் காளி சன்னதி தனியாக காணப்படுகிறது. செல்வ கணபதி, பைரவர், வள்ளி தெய்வானையுடன் கூடிய சுப்பிரமணியர், தட்சிணாமூர்த்தி, துர்க்கை, சனீசுவரன் ஆகியோர் காணப்படுகின்றனர். ஈசான மூலையில் சண்டிகேசுவரரும், சண்டிகேசுவரியும் உள்ளனர்.

திருவிழாக்கள்

பிரதோஷம், பௌர்ணமி, அமாவாசை, ஆருத்ரா தரிசனம், பங்குனி உத்திரம், சிவராத்திரி, மாசி மகம் போன்ற விழாக்கள் இக்கோயிலில் கொண்டாடப்படுகின்றன.