கார்கல்

கார்கல் (Karhal) என்பது இந்தியாவின் உத்தரப்பிரதேச மாநிலத்தில் இருக்கும் மைன்புரி மாவட்டத்தில் உள்ள ஒரு நகரம் மற்றும் நகரப் பஞ்சாயத்தும் ஆகும். ஆக்ரா பிரிவில் இருக்கும் மைன்புரி மாவட்டத்தில் இது ஒரு தாலுக்கா ஆகும். மைன்புரி பாராளுமன்றத் தொகுதிக்குட்பட்ட ஐந்து சட்டப்பேறவைத் தொகுதிகளில் கார்கல் தொகுதியும் ஒன்றாகும். தெற்கில் சைஃபை, யசுவந்நகர் தாலுக்காக்களும் வடக்கில் மைன்புரி தாலுக்காவும் கார்கல்லைச் சூழ்ந்துள்ளன. சிர்சகஞ், இடாவா, சிகோகாபாத் மற்றும் பார்த்தானா முதலிய நகரங்கள் கார்கல்லுக்கு அருகாமையில் அமைந்துள்ளன.

கார்கல் Karhal Karhal करहल
நகரம்
நாடு	இந்தியா
மாநிலம்	உத்தரப் பிரதேசம்
மாவட்டம்	மைன்புரி
ஏற்றம்	159 m (522 ft)
மக்கள்தொகை  (2001)
• மொத்தம்	24,529
மொழிகள்
• அலுவல்பூர்வம்	இந்தி
நேர வலயம்	ஒசநே+5:30 (இ.சீ.நே)
அஞ்சல் குறியீட்டு எண்	205264
தொலைபேசிக் குறியீடு	05677
வாகனப் பதிவு	up 84

27.03° வ 78.94° கி என்ற ஆள்கூறுகளில் கார்கலின் அமைவிடம் அமைந்துள்ளது. மேலும் இந்நகரம் சராசரியாக 159 மீட்டர் (521 அடி) உயர்வு தோற்றம் கொண்டுள்ளது.

மக்கள் தொகையியல்

2001 ஆம் ஆண்டு எடுக்கப்பட்ட இந்திய மக்கள் தொகை கணக்கீட்டின்படி இந்நகரின் மக்கள் தொகை 24,529 ஆகும். இம்மக்கள் தொகையில் 52 விழுக்காடு நபர்கள் ஆண்கள் மற்றும் 48 விழுக்காடு நபர்கள் பெண்கள் ஆவர். கார்கல் நகரின் படிப்பறிவு சதவீதம் 55% ஆகும். இது நாட்டின் சராசரி படிப்பறிவு சதவீதமான 59.5% என்பதை விட குறைவாகும். படிப்பறிவில் ஆண்களின் சதவீதம் 61% மற்றும் பெண்களின் படிப்பறிவு சதவீதம் 49% ஆகும். மக்கள் தொகையில் 18 சதவீதத்தினர் ஆறு வயதிற்கு உட்பட்டவர்களாக உள்ளனர்.