கீழ்க்கோட்டூர் மணியம்பலநாதர் கோயில்

கீழ்க்கோட்டூர் மணியம்பலநாதர் கோயில் திருவிசைப்பா திருப்பல்லாண்டு திருத்தலங்களில் ஒன்றாகும்.

அமைவிடம்

இத்தலம் திருவாரூர் மாவட்டத்தில் மன்னார்குடி வட்டத்தில் திருத்துறைப்பூண்டிக்கு வடமேற்கில் 15 கிமீ தொலைவில் அமைந்துள்ளது. கோட்டூர் மேலக்கோட்டூர், கீழக்கோட்டூர் என்றுள்ளது. மேலக்கோட்டூர் திருமுறை பாடல் பெற்றது. கீழ்க்கோட்டூர்தான் திருவிசைப்பா பாடல் பெற்றது.

இறைவன், இறைவி

இக்கோயிலில் உள்ள இறைவன் மணியம்பலநாதர், இறைவி மணியம்பலநாயகி.

வழிபட்டோர்

இத்தலத்தில் பிரமனும், ஐராவதமும் வழிபட்டனர் என்பது தொன்நம்பிக்கை.

அருகில் உள்ள கோயில்

இக்கோயிலுக்கு அருகில் மேலக்கோட்டூரில் தேவாரப் பாடல் பெற்ற தலங்களில் காவிரி தென்கரைத் தலங்களில் ஒன்றான கோட்டூர் கொழுந்தீசுவரர் கோயில் உள்ளது.