குத்தி
குத்தி அல்லது கோஸ்தி (Guthi or Gosthi)[a] என்பது நேபாளத்தில் உள்ள நேவார் மக்களின் சமூக அமைப்பாகும். நில அறக்கட்டளைகள் மூலம், குத்திகள் தங்கள் சமூகங்களின் சமூக-பொருளாதார நிலையை ஆதரிக்கின்றனர்.[1] குத்திகள் வைத்திருக்கும் நிலம் பல்வேறு திட்டங்களுக்கும் வருவாய் ஈட்டுவதற்கும் பயன்படுத்தப்படுகிறது. இந்த அமைப்பு கிமு 5 ஆம் நூற்றாண்டில் தொடங்கியது. மேலும் பெரும்பாலான குத்திகள் இப்போது செயலிழந்துள்ளது. 2019 ஆம் ஆண்டில், அனைத்து குத்திகளையும் தேசியமயமாக்க முன்மொழியப்பட்ட குத்தி மசோதா - காத்மாண்டு பள்ளத்தாக்கில் நேவார்களின் எதிர்ப்பைத் தொடர்ந்து திரும்பப் பெறப்பட்டது.
கட்டமைப்பு
தொகுகுத்தி என்பது நேவார்கள் மத்தியில் நிலவும் ஒரு சமூக அமைப்பாகும். இந்த அமைப்பு சமூகங்களிடையே கட்டமைப்பில் ஒருங்கிணைக்கப்படுகிறது.[2] இது ஒரு தகலி அல்லது குத்தியில் மூத்த நபரைக் கொண்டுள்ளது. குத்தியில் பெரும்பாலான விதிமுறைகளை வகுக்க தகலியின் ஒப்புதல் அவசியம். குத்தியின் உறுப்பினர் ஒரு குத்தியார் என்று அழைக்கப்படுகிறார்.
குத்தி அமைப்பு பல்வேறு சாதிகளை அடிப்படையாகக் கொண்ட குழுக்களால் உருவாக்கப்பட்ட சங்கங்களைக் கொண்டுள்ளது. சமூகங்களின் சமூக கட்டமைப்பில் ஏற்படும் மாற்றங்களால் குத்தி அமைப்பின் பெரும்பகுதி அழிக்கப்பட்டு வருகிறது. குத்தி முறையை தேசியமயமாக்க முன்மொழியப்பட்டதாலும் நிலச் சீர்திருத்த பிரச்சாரங்களாலும் குறிப்பிடத்தக்க மாற்றங்கள் ஏற்பட்டுள்ளன.
ஏப்ரல் 2019 இல் நேபாள நாடாளுமன்றத்தின் தேசிய சபையில் தாக்கல் செய்யானது. இந்த மசோதாவுக்கு எதிராக பொது மக்களின் எதிர்ப்புக்களைத் தூண்டியது. குறிப்பாக காத்மாண்டு சமவெளியில் அதிக அளவில் எதிப்பு கிளம்பியது.
சமூகத்தில் வரலாறும் பங்கும்
தொகுகிமு 5 ஆம் நூற்றாண்டிலிருந்து காத்மாண்டு பள்ளத்தாக்கில் உள்ள நேவார் சமூக அமைப்பின் ஒரு பகுதியாக குத்தி இருந்து வருகிறது. இது கிராத இராச்சியம் மற்றும் லிச்சாவி காலங்களிலிருந்து செயல்பாட்டில் இருப்பதாக கருதப்படுகிறது. சங்கு நாராயணன் கோயிலில் அமைக்கப்பட்ட தூண்களில் இதைப் பற்றிய குறிப்புகள் காணப்படுகின்றன. வேதங்களில் பதிவு செய்யப்பட்ட முதல் நடைமுறையுடன், இது நேபாளத்தின் பழமையான கல்வெட்டாகக் கருதப்படுகிறது.[2]
குத்தியில் நிலங்கள் நன்கொடையாக வழங்கப்படும் அறக்கட்டளை அடங்கும். இந்த அமைப்பின் மூலம் கிடைக்கும் வருவாய் சமூகத்தின் பொருளாதாரத்தை உயர்த்துகிறது . மேலும் கோயில்கள், தர்மசாலை மடங்கள் மற்றும் கல் நீர் குழாய்கள் ஆகியவற்றை மறுசீரமைப்பது உட்பட பல்வேறு திட்டங்களுக்கு பயன்படுத்தப்படுகிறது. திருவிழாக்கள், பழக்கவழக்கங்கள், சடங்குகள் மற்றும் பூசைகள் போன்ற பல்வேறு சந்தர்ப்பங்களுக்கும் இந்த வருவாய் பயன்படுத்தப்படுகிறது.
இந்த அமைப்பு நிலத்தை உழுவதன் மூலமும், கிராத இராச்சியம் மற்றும் லிச்சாவி காலங்களில் கோயில்கள், தூண்கள் மற்றும் கோயில்களில் பணிபுரிந்த நேவார் பூர்வீகவாசிகள் போன்ற குழுக்களை ஈடுபடுத்துவதன் மூலமும் உள்ளூர் சமூகத்துடன் இணைக்கப்பட்டது. மேலும், அவர்கள் லலித்பூர், பக்தபூர் மற்றும் காத்மாண்டு ஆகிய பகுதிகளைச் சுற்றியுள்ள கோயில்களில் மரம், உலோகம் மற்றும் செம்பு ஆகியவற்றைக் கொண்டு சிற்பங்களை செதுக்கினர்.
நேவாரி அல்லது நேபாள கலாச்சாரத்தில், குத்திக்கு நிலத்தை நன்கொடையாக வழங்குவது மிகவும் தாராளமான செயலாகக் கருதப்படுகிறது. மேலும் இது ஒரு வகையான மதத் தகுதியைக் கொண்டிருப்பதாக நம்பப்படுகிறது. வரலாற்று ரீதியாக, மன்னர்கள், அரச குடும்பத்தினர் மற்றும் சாதாரண மக்கள் ஏழு தலைமுறைகளுக்கு ஆன்மீக விடுதலையைக் கொண்டுவரும் என்று நம்பி குத்திகளுக்கு நிலத்தை நன்கொடையாக வழங்கினர். குத்திக்கு நிலத்தை நன்கொடையாக வழங்குவது சமூகத்தில் ஒரு அந்தஸ்தின் அடையாளமாக இருந்தது. மேலும் மிகவும் மதிக்கப்பட்டது. குத்தி நிலத்தை பறிமுதல் செய்வது ஒரு பெரிய குற்றமாகக் கருதப்பட்டதால், அரசு அதை பறிமுதல் செய்வதைத் தடுக்க மக்கள் தங்கள் நிலத்தை வழங்கினர். நில நன்கொடைகள் பல்வேறு பணிகளை மேற்கொள்ள இடத்தையும், வழக்கமான வருமானத்தை உருவாக்கக்கூடிய ஒரு தளத்தையும் வழங்கியது.
குறிப்பு
தொகு- ↑ நேபாளி: गुठी; Newar: गुथि, romanized: guthi; etymologically from சமக்கிருதம்: गोष्ठी
மேற்கோள்கள்
தொகு- ↑ Title:नेपाली संस्कृतिका छटाहरु, Author:Mangala Devi Singh, Publisher:Dr.Meeta Singh
- ↑ 2.0 2.1 "Guthi Sansthan, Government of Nepal". Archived from the original on 2024-07-13. பார்க்கப்பட்ட நாள் 2024-09-09.
மேலும் சில ஆதாரங்கள்
தொகு- Regmi, Mahesh Chandra (1976). Landownership in Nepal. University of California Press. pp. 252. பன்னாட்டுத் தரப்புத்தக எண் 9780520027503.
- Bernhard Kölver and Hemraj Śakya, Documents from the Rudravarna-Mahävihära, Pätan. 1. Sales and Mortgages (1985), esp. disc. on pp. 18–21.
- U. N. Sinha, Development of Panchayats in Nepal (Patna, 1973), chapter IV.
- Mary Slusser in Nepal Maṇḍala (1982).
- John K. Locke, Buddhist Monasteries of Nepal (Kathmandu: Sahayogi Press, 1985), esp. pp. 10, 14, and passim.
- Phanindra Ratna Vajracharya, "Role of Guthi in Newar Buddhist Culture” (1998 conference paper summary).