குரவில் தமிழ் வித்தியாலயம்

குரவில் தமிழ் வித்தியாலயம் இலங்கையில் வட மாகாணத்தில் முல்லைத்தீவு மாவட்டத்தில் பரந்தன் முல்லைத்தீவு வீதியில் 25ஆவது கிலோமீட்டர் கல்லிலிருந்து (A35) தெற்குத்திசையில் 3 கிலோமீட்டர் தூரத்தில் அமைந்துள்ள அரசினர் தமிழ்க் கலவன் பாடசாலையாகும். இங்கு தரம் 1 இலிருந்து தரம் 11 வரை மாணவர்கள் பயில்கின்றனர். 2018 ஆம் ஆண்டு வடமாகாணசபை உறுப்பினர் கௌரவ ஆண்டியையா - புவனேஸ்வரன் அவர்களின் நிதி ஒதுக்கீட்டில் இப்பாடசாலைக்கான ஒரு திறன் வகுப்பறை அமைத்துக்கொடுக்கப்பட்டது.

மு/குரவில் தமிழ் வித்தியாலயம்
முகவரி
குரவில் அம்மன் கோவில் வீதி உடையார்கட்டு, வட மாகாணம் இலங்கை
அமைவிடம்	9°20′20.87″N 80°36′23.87″E
தகவல்
வகை	மாகாணப் பாடசாலை 2
நிறுவல்	23.01.1997
பள்ளி மாவட்டம்	முல்லைத்தீவுக் கல்வி வலயம்
ஆணையம்	கல்வி அமைச்சு, இலங்கை
அதிபர்	சி. மோகஜீவன்

வரலாறு

இப்பாடசாலை 1997 இல் 10 மாணவர்களுடனும் 2 தொண்டர் ஆசிரியர்களுடனும் ஆரம்பிக்கப்பட்டது. 2006 ஆம் ஆண்டு முந்நூறு வரையிலான மாணவர்களுடன் வளர்ச்சி கண்டது.

அதிபர்கள்

• செல்லையா மேகநாதன் (1997-2015)
• மங்களேஸ்வரன் (2016)
• தாமோரதம்பிள்ளை மங்களரூபன்(2017)
• சிவபாதம் மோகஜீவன்(2017 இலிருந்து)

பாடசாலைக்கீதம்

பல்லவி
குரவில் தமிழ் வித்தியாலயம்
குவலயம் புகழ்ந்திட வாழ்க
குரவில் விளையும் கொழுநெல்லும் வாழையும்
உபபயிரும் பரந்தோங்க (குரவில்)

அனுபல்லவி
எங்கள் உழைப்பில் எழுந்திட்ட பள்ளியில்
சங்கத் தமிழைப் பயில்வோம்
பொங்கும் மனதுடன் ஆரம்பக்கல்வியும்
ஆங்கிலமும் விஞ்ஞானமும் கற்போம் (குரவில்)

சரணம்
ஒழுக்கத்தில் சமயமும் ஓங்கிடக் கணிதமும்
சமூகக் கல்வியும் கற்போம்
அழகியல் ஆக்கம் ஆற்றிடும் உடற்கல்வி
ஆர்வமுடன் தினமும் கற்போம் (குரவில்)

நாளைய உலகில் நாயகர் நாமென
நன்குணர்ந்து கல்வி கற்போம்
ஆளும் அதிபர் அதி உயர் ஆசான்
அனைவரையும் பணிகிண்றோம்

இயற்றியவர்:திரு. நா. தியாகராசா
முன்னாள் பிரதிக் கல்விப் பணிப்பாளர் (திட்டமிடல்)
முல்லைத்தீவுக் கல்வி வலையம்