கோடியார் மாதா
கோடியார் மா அல்லது கோடியார் மாதா (Khodiyar) (பல இந்திய மொழிகளில் மா என்பதன் பொருள் தாய்) இந்தியாவின் குஜராத் மாநிலத்திலும் ராஜஸ்தான் மாநிலத்தின் சில பகுதிகளிலும் வணங்கப்படும் இந்து சமயப் பெண் தெய்வமாகும். [1]
| கோடியார் மாதா | |
|---|---|
 |
புராணக்கதை
தொகுகோடியார் மாதாவின் புராணக்கதை கி.பி 700 இல் தொடங்குகிறது. மாமனியா காத்வி (மமத் ஜி) என்ற நபர் பாவ்நகர் மாவட்டத்தில் உள்ள ரோய்சாலா கிராமத்தில் வசித்து வந்தார் [2] . அப்போதைய ஆட்சியாளரான மகாராஜ் ஷில்பத்ராவுடன் அவருக்கு நல்ல உறவு இருந்தது. ஆட்சியாளரின் அமைச்சர்கள் இந்த விதிவிலக்கான உறவினைப்பொறுக்காமல் பொறாமைகொண்டனர். மமத் ஜியிடமிருந்து அரசர் விடுபடுவதற்கான திட்டத்தை வகுத்தனர். ஆட்சியாளரை வற்புறுத்துவதில் அவர்கள் மிகவும் வெற்றிபெறவில்லை, ஆனால் ஆட்சியாளரின் மனைவி ராணியை வற்புறுத்துவதில் அவர்கள் வெற்றி பெற்றனர்.
ஒரு நாள், வீட்டு வாசகர்கள் அவரை அரண்மனைக்குள் செல்ல விடவில்லை. மமத் ஜி காரணம் கேட்டபோது, குழந்தை இல்லாத ஒரு மனிதன் ராஜாவின் பிரசன்னத்திற்கு தகுதியானவன் அல்ல என்று அவரிடம் கூறப்பட்டது. மமத் ஜி வீடு திரும்பி சிவபெருமானிடம் வரம் கேட்க விரும்பினார். சிவன் தோன்றவில்லை. அவர் தனது வாழ்க்கையை முடித்துக்கொள்ள உயிர்த்தியாகமாக கொடுக்க முடிவு செய்தார். அவர் தற்கொலை செய்துகொள்ளவிருந்த தருணத்தில் சிவன் தோன்றி பாம்புகளின் மன்னான நாகராஜாவைக் காண நாகலோகம் அழைத்துச் சென்றார் -
அவரது கதையைக் கேட்டதும், நாகதேவின் மகள்கள் மமத் ஜிக்கு உதவ முடிவு செய்தனர். எட்டு குழந்தைகளுக்கு எட்டு தொட்டில்களை உருவாக்குமாறு அவர்கள் அவருக்கு அறிவுறுத்தினர். பின்னர் சிவன் மற்றும் நாக்தேவன் ஆகியோரின் வரத்தின் காரணமாக அவருக்கு ஏழு மகள்கள் மற்றும் ஒரு மகன் பிறந்தனர். அந்த மகள்களில் ஒருவர் ஜான்பாய் (கோடியார் மா). அவர்கள் அச்சமூட்டும் வீராங்கனைகளாக வளர்க்கப்பட்டனர், எப்போதும் தங்கள் சொந்த இடமான நாகலோக்கின் நினைவாக, கருப்புத் துணிகளை அணிந்தார்கள். எனவே, அவர்களுக்கு உள்ளூர் மொழியில் கோப்ரா சகோதரிகள் அல்லது நாக்னெச்சி என்று பெயர்கள் வழங்கப்பட்டன, மேலும் முந்தைய மார்வார் மாநிலத்தின் அரச இல்லத்தின் காவல் தெய்வமாகவும் இருந்தனர்.
ஒருமுறை கோடியார் மாவின் சகோதரன் விஷக்கடியால் தாக்கப்பட்டான். எனவே கோடியார் மா நீருக்கடியில் பயணம்செய்து நாகலோகத்திலிருந்து அமிர்தத்தைத் தன்னுடன் எடுத்து வந்து தனது சகோதரனைக் காப்பாற்றினார். அவ்வாறு நீருக்கடியில் செல்லும்போது ஜான்பாய்க்க்ய் பயணத்தில் காலில் காயம் ஏற்பட்டது. நீருக்குள் மூழ்கிய ஜான்பாய் ள் மீண்டும் ஒரு முதலை மீது அமர்ந்து நீரின் மேற்பரப்புக்கு வந்தாள். அதன் பிறகு அவர் கோடியார் மாதா என்று அழைக்கப்பட்டார். அன்று முதல் முதலை அவரது வாகனம் ஆனது.
கோயில்கள்
தொகுமிக முதன்மையான கோடியார் மாதா கோயில்கள் - மேட்டல் (வான்கானேருக்கு அருகில்), ராஜ்புரா கிராமம் ( பாவ்நகருக்கு அருகில்), கல்தாரா (தாரிக்கு அருகில்) மற்றும் டடனியா தாரா ( பாவ்நகருக்கு அருகில்) ஆகிய கோயில்களாகும்.
கோடால்தாம் "மா கோடியார்" தோராயமாக 50 விகா பரப்பளவில் கட்டப்பட்டு வரும் கோயிலாகும். [3] இது NH27 இல் ஜெத்பூர்-விர்பூர் சாலை பிரிவில் இருந்து காக்வாட் [குஜராத், 360370] டுக்கு அருகில் அமைந்துள்ளது. இது கம்பாலிடா பௌத்த குகைகளுக்கு அருகில் அமைந்துள்ளது.
வான்கானேருக்கு அருகிலுள்ள மேட்டலில் உள்ள கோடியரின் கோயில் மிகப்பெரியது, மேலும் கோயிலுக்கு அருகிலுள்ள ஆற்றங்கரையில் மக்கள் ஒன்றுகூடி, தெய்வத்தின் வாகனமான ஒரு முதலையைப் பார்க்கிறார்கள். இந்த இடம் வான்கனேருக்குத் வடக்கே 17-கி.. மீட்டரிலும் மோர்பிக்கு தென்கிழக்கே 26 கி. மீட்டரிலும் அமைந்துள்ளது. .
ராஜ்பாரா கிராமத்தில் (ராஜ்பாரா தாம்) பரந்திருக்கும் கோடியார் மாதாஜி கோயில் மேட்டல் கோயிலுக்குச் சமமாகப் புகழ்பெற்றது. இது பாவ்நகர் நகருக்கு மேற்கே 18 கி.மீ தொலைவில் அமைந்துள்ளது. கோயிலுக்கு அருகில் டடானியா தாரோ என்று அழைக்கப்படும் ஒரு ஏரி உள்ளது, இந்த ஏரியின் பெயரால், தெய்வம் தத்தானியா தாராவளி என்றும் அழைக்கப்படுகிறது.
குஜராத்தின் தாரிக்கு அருகிலுள்ள கலதாரா ஸ்ரீ கோடியார் மந்திர் மற்ற கோயில்களைப் போலவே மிகப்பெரியதும் புகழ்பெற்றதுமாகும்.
ஊடகம்
தொகுகுஜராத்தி திரைப்படமான ஜெய் கோடியார் மா, ஒரு காலத்தில் பாக்ஸ் ஆபிஸில் வெற்றி பெற்றது, ஹேமந்த் சவுகான் அதே தலைப்பைக் கொண்ட ஒரு கர்பா நடனம் குறித்த குறுந்தகட்டினை வெளியிட்டுள்ளார். .
குல்தேவி
தொகுசரண், படேல், போய் போன்ற பல இந்து சாதியினர் கோடியார் மாதாவை தங்கள் குலதேவியாக வணங்குகிறார்கள், மேலும் கோடியாரை தங்கள் குடும்பப்பெயராகவும் பயன்படுத்துகின்றனர். சுதாசமா, பட்டிதார், சர்வையா, ரானா, ரவால் (யோகி) ஆகிய குடும்பங்களில் சில நேரங்களில் கோடியார் மாதாவைக் குலதேவியாக வணங்குகிறார்கள்; தனது பெயருக்குப் பின்னால் கோடியார் என்பதையும் பயனபடுத்துகிறார்கள்.[4]
குறிப்புகள்
தொகு- ↑ "Khodiyar Mata: The goddess rules a stepwell". http://m.timesofindia.com/articleshow/66209330.cms.
- ↑ "Khodiyar Mata: The goddess rules a stepwell". http://m.timesofindia.com/articleshow/66209330.cms.
- ↑ http://khodaldhamtrust.org
- ↑ Kadia Kshatriya Itihas Published by Nutan Prakashan (1895) in Gujarati.