க. இரா. பழனிசுவாமி
கள்ளிப்பட்டி இராமசாமி பழனிசுவாமி (K. R. Palaniswamy) என்பவர் பத்மசிறீ விருதுபெற்ற இந்திய இரைப்பை குடல் மருத்துவர் ஆவார். மருத்துவக் கல்வியாளர் மற்றும் எழுத்தாளரான பழனிசுவாமி சென்னை அப்பல்லோ மருத்துவமனையின் மூத்த ஆலோசகர் ஆவார்.[1][2] இவர் இந்தியன் இரைப்பைக் குடலியல் சமூகத்தின் முன்னாள் தலைவர் (2004-05)[3] மற்றும் அதன் தமிழ்நாடு பிரிவின் புரவலர் ஆவார்.[4]
| க. இரா. பழனிசுவாமி | |
|---|---|
| பிறப்பு | தமிழ்நாடு, இந்தியா |
| பணி | இரைப்பைக் குடலியல் மருத்துவர் மருத்துவக் கல்வியாளர் |
| அறியப்படுவது | இரைப்பைக் குடலியல் |
| வாழ்க்கைத் துணை | பத்மினி |
| விருதுகள் | பத்மசிறீ |
கல்வி & பணி
தொகுபழனிசுவாமி, 1972-ல் கர்நாடக மாநிலம் தாவண்கரே ஜே. ஜே. எம். மருத்துவக் கல்லூரியில் (மைசூர் பல்கலைக்கழகம்) இளநிலை மருத்துவப் பட்டம் பெற்றார். இதன் பிறகு, 1977-ல் பொது மருத்துவத்தில் முதுநிலைப் பட்டத்தையும், 1981-ல் இரையகக் குடலியவியலில் பட்டங்களைச் சென்னைப் பல்கலைக்கழகத்தின் மூலம், பேராசிரியராகப் பணியாற்றிக்கொண்டே பெற்றார்.[5] 1986-ல், உதவிப் பேராசிரியராகப் பணிபுரிந்தபோது, சென்னையில் உள்ள இசுடான்லி மருத்துவக் கல்லூரியில் பேராசிரியராகப் பணியமர்த்தப்பட்டார். இங்கு இவர் இரைப்பை குடல் மருத்துவர் துறையை நிறுவினார்.[3]
இரைப்பைக் குடலியல் குறித்துப் பல கட்டுரைகளை எழுதியுள்ள பழனிசாமி,[6][7] 1986 முதல் 1996 வரை சஞ்சய் காந்தி முதுகலை மருத்துவ அறிவியல் கழகத்தின் கல்வி வாரியத்தின் உறுப்பினராகவும், 1997-ல் தமிழ்நாடு டாக்டர் எம். ஜி. ஆர். மருத்துவப் பல்கலைக்கழகத்தின் உறுப்பினராகவும் பணியாற்றினார். 1986-ல் ஜெர்மனிக்கும் 1987-ல் சோவியத் ஒன்றியத்திற்கும் கல்வி பரிமாற்ற திட்டங்களுக்கான இந்தியப் பிரதிநிதி குழுவின் உறுப்பினராகவும் செயல்பட்டுள்ளார். 2014-ல்[8] இந்திய இரைப்பை குடலியல் மருத்துவ சமூகத்தின் இடைக்கால மாநாட்டிற்குத் தலைமை தாங்கி நடத்தினார். இவர் இந்திய உறுப்பு மாற்று அறுவை சிகிச்சை சங்கத்தின் தேசிய பேராசிரியராகவும் பணியாற்றுகிறார்.[9]
விருது & பெருமை
தொகுகிளாஸ்கோவின் ராயல் மருத்துவக் கல்லூரியின் சகாவான இவருக்கு 2014ஆம் ஆண்டில்[10] தமிழ்நாடு டாக்டர் எம்ஜிஆர் மருத்துவப் பல்கலைக்கழகம் அறிவியல் முனைவர் பட்டம் வழங்கியது. மருத்துவ அறிவியலுக்கான இவரது பங்களிப்புகளுக்காக இந்திய அரசு 2007ஆம் ஆண்டில் பத்மசிறீ என்ற நான்காவது உயரிய குடிமகன் விருதை இவருக்கு வழங்கியது.[11]
குடும்பம்
தொகுபழனிசுவாமியின் மனைவி பெயர் பத்மினி என்பதாகும். இவர்கள் சென்னையில் வசித்து வருகின்றனர்.[3]
மேற்கோள்கள்
தொகு- ↑ "Dr Palaniswamy K R". Apollo Hospitals. 2016. பார்க்கப்பட்ட நாள் 26 August 2016.
- ↑ "Apollo launches Centre for Colorectal Diseases". Indian Express. 21 June 2016. பார்க்கப்பட்ட நாள் 26 August 2016.
- ↑ 3.0 3.1 3.2 "President, President, Indian Society of Gastro Indian Society of Gastroenterology" (PDF). MedIndia. 2016. Archived from the original (PDF) on 5 மார்ச் 2017. பார்க்கப்பட்ட நாள் 26 August 2016.
{{cite web}}: Check date values in:|archive-date=(help) - ↑ "Patrons". CMC Vellore. 2011. பார்க்கப்பட்ட நாள் 26 August 2016.
- ↑ "Dr. Palaniswamy K R - Apollo Chennai" (in அமெரிக்க ஆங்கிலம்). பார்க்கப்பட்ட நாள் 2022-03-20.[தொடர்பிழந்த இணைப்பு]
- ↑ Thavaredevarakoppalu Manje Gowda Amruthesh; Paramasivan Piramanayagam; Kallipatti Ramasamy Palaniswamy; Rama Mani (2011). "An Unusual Cause for Iron Deficiency Anemia in an Elderly Male". Journal of Digestive Endoscopy 2 (4): 234–35. http://www.sgei.co.in/journal/oct-dec-2011/234.pdf. பார்த்த நாள்: 2022-03-20.
- ↑ Mohan K V K; Thyagarajan S P; Murugavel K G; Mathews S; Jayanthi V; Rajanikanth; Srinivas V; Mathiazhagan et al. (1999). "Significance of recombinant immunoblot assay (RIBA 3.0)reactivity pattern in the diagnosis of HCV infection". Biomédicine 19 (1): 15–21. http://medind.nic.in/imvw/imvw6015.html. பார்த்த நாள்: 2022-03-20.
- ↑ "Mid-Term ISG Conference, 2014" (PDF). VGM Hospitals. 2016. Archived from the original (PDF) on 9 மே 2015. பார்க்கப்பட்ட நாள் 26 August 2016.
- ↑ "National Faculty Details". Indian Society of Organ Transplantation. 2016. Archived from the original on 5 மார்ச் 2017. பார்க்கப்பட்ட நாள் 26 August 2016.
{{cite web}}: Check date values in:|archive-date=(help) - ↑ "Awards and Accolades". Apollo Hospitals. 2016. பார்க்கப்பட்ட நாள் 26 August 2016.
- ↑ "Padma Awards" (PDF). Ministry of Home Affairs, Government of India. 2013. Archived from the original (PDF) on 15 November 2014. பார்க்கப்பட்ட நாள் 20 August 2016.
வெளி இணைப்புகள்
தொகு- "Not enough docs to treat rising gastric problems". Times of India. 16 April 2011. பார்க்கப்பட்ட நாள் 26 August 2016.