சபீனா ரபி
சபீனா ரபி (Sabeena Rafi)(6 அக்டோபர் 1918 - 22 சூன் 1990) என்பவர் இந்தியக் கட்டுரையாளரும் மலையாள இலக்கிய வரலாற்றாசிரியரும் ஆவார். இவரது படைப்புகள் தத்துவப் படைப்புகள், சுயசரிதை மற்றும் நாடகங்களாகும். இவரது சவிட்டு நாடகம் - ஒரு சரித்திர பாடனம், சவிட்டு நாடகத்தின் முதல் வரலாற்றுத் தொகுப்பு ஆகும். இந்த நாடகம் நடன வடிவத்திலானது. இவரது கணவர் பொஞ்சிக்கார ரபியுடன் இணைந்து எழுதிய கலியுகம் இவரது எழுதிய புத்தகம் ஆகும். இந்த புத்தகம் மூலம் 1972-ல் இதர படைப்புகளுக்கான கேரள சாகித்திய அகாதமி விருது இவருக்குக் கிடைத்தது.
| சபீனா ரபி Sabeena Rafi | |
|---|---|
| பிறப்பு | 6 அக்டோபர் 1918 எர்ணாகுளம் மாவட்டம், கேரளம், இந்தியா |
| இறப்பு | 22 சூன் 1990 (அகவை 65) |
| பணி | கட்டுரையாளர், வரலாற்று ஆசிரியர் |
| குறிப்பிடத்தக்க படைப்புகள் | சவிட்டு நாடகம் - ஒரு சரித்திர பாடனம் கலியுகம் |
| வாழ்க்கைத் துணை | பொஞ்சிக்கார ரபி |
| விருதுகள் | கேரள சாகித்திய அகாதமி, இதர படைப்புகள் |
வாழ்க்கை
தொகுசபீனா 1918ஆம் ஆண்டு அக்டோபர் 6ஆம் தேதி தென்னிந்தியாவின் கேரள மாநிலத்தின் இன்றைய எர்ணாகுளம் மாவட்டத்தின் சுற்றுவட்டாரத்தில் உள்ள கோதுருத் என்ற சிறிய கிராமத்தில் ஜோசப் மற்றும் மரியம்மாளாக்கு மகளாகப் பிறந்தார்.[1] இவர் வரலாறு மற்றும் பொருளாதாரத்தில் இரண்டு முதுகலைப் பட்டங்களைப் பெற்றார். மேலும் ஆசிரியராகக் கல்விப் பணியில் சபீனா சேர்ந்தார். இவர் 1963-ல் காதலன்[2] பொஞ்சிக்கார ரபியை மணந்தார்.[3] இந்த தம்பதியருக்குக் குழந்தை இல்லை.[4] சபீனா 22 சூன் 1990 அன்று தனது 65 வயதில் இறந்தார்.[5] இவரது கணவர் ரபி இரண்டு ஆண்டுகளுக்குப் பிறகு 6 செப்டம்பர் 1992-ல் இறந்தார்.[3]
வெளியீடுகளும் விருதுகளும்
தொகுசபீனா ரபியின் படைப்புகளில் ஐந்து புனைகதை அல்லாத படைப்புகள் மற்றும் இவரது சுயசரிதையான கிருதுமாஸ் சம்மனம் ஆகியவை அடங்கும்.[6] சவிட்டு நாடகம் - ஒரு சரித்திர பாடனம், 1964ஆம் ஆண்டு எர்ணாகுளத்தில் தோன்றிய சவிட்டு நாடகத்தின் வரலாறு குறித்த இவரது வெளியீடு. இது நாடகம் குறித்த முதல் விரிவான புத்தகமாகக் கருதப்படுகிறது.[7] மார்க்சியம், ஒரு திரிஞ்சுனோட்டம், இவரது கணவருடன் இணைந்து எழுதப்பட்ட புத்தகம் ஆகும். இது மார்க்சியக் கோட்பாடு மற்றும் பண்புகளைப் பற்றிய விரிவான ஆய்வு நூல். இந்தப் புத்தகத்தில் மாக்சிம் கார்க்கியின் தாய் பற்றிய விமர்சனமும் உள்ளது.[8] கலியுகம், மீண்டும் பொஞ்சிக்கார ரபி இணைந்து எழுதப்பட்ட படைப்பாகும். இது ஆரம்பக் காலத்திலிருந்தே மனித நடத்தைகளைத் தத்துவ கண்ணோட்டத்துடன் ஆய்வு செய்கிறது.[4] இப்புத்தகம் 1972-ல் இதர படைப்புகளுக்கான கேரள சாகித்திய அகாதமி விருதைப் பெற்றது.[9]
நூல் பட்டியல்
தொகு- Chavittu Nadakam - Oru Charithra Padanam. 1964.
- Christumas sammanam. 1968.[தொடர்பிழந்த இணைப்பு]
- Kaliyugam. 1982.
- Marxism Oru Thirinjunottam, Emmavoosilekkula Yathrayum. 1991.
- Sukradasayude charitram. 1992.
மேற்கோள்கள்
தொகு- ↑ "Biography on Kerala Sahitya Akademi portal". Biography on Kerala Sahitya Akademi portal. 2019-04-09. பார்க்கப்பட்ட நாள் 2019-04-09.
- ↑ ഉണ്ണികൃഷ്ണൻ, കെ. "പോഞ്ഞിക്കര റാഫിയെ മറന്നതെങ്ങനെ ?". Mathrubhumi (in ஆங்கிலம்). Archived from the original on 2019-04-10. பார்க்கப்பட்ட நாள் 2019-04-10.
- ↑ 3.0 3.1 "Sabeena Rafi". Kerala Sahitya Akademi. 2019-04-10. பார்க்கப்பட்ட நாள் 2019-04-10.
- ↑ 4.0 4.1 "Ponjikkara Rafi - Veethi profile". veethi.com. 2019-04-10. பார்க்கப்பட்ட நாள் 2019-04-10.
- ↑ "കേട്ടിട്ടുണ്ടോ പോഞ്ഞിക്കര റാഫിയെന്ന്?". ManoramaOnline. பார்க்கப்பட்ட நாள் 2019-04-10.
- ↑ "List of works". Kerala Sahitya Akademi. 2019-04-09. பார்க்கப்பட்ட நாள் 2019-04-09.
- ↑ "Chavittunatakam: Maritime Dance Drama of Kerala". www.sahapedia.org. பார்க்கப்பட்ட நாள் 2019-04-10.
- ↑ "Marxism Oru Thirinjunottam". www.indulekha.com. 2019-04-10. Archived from the original on 2019-04-10. பார்க்கப்பட்ட நாள் 2019-04-10.
- ↑ "Kerala Sahitya Akademi Award for Miscellaneous Works". Kerala Sahitya Akademi. 2019-04-10. பார்க்கப்பட்ட நாள் 2019-04-10.
வெளி இணைப்புகள்
தொகு- "Portrait commissioned by Kerala Sahitya Akademi". Kerala Sahitya Akademi. 2019-04-05. பார்க்கப்பட்ட நாள் 2019-04-05.
- WEB ONE MEDIA (2019-01-19). "CHAVITTUNADAKAM and SEBEENA RAFI TEACHER". YouTube. பார்க்கப்பட்ட நாள் 2019-04-10.