சாரா எருல்கர்
சாரா எருல்கர் (Sarah Erulkar, 2 மே 1923 - 29 மே 2015) என்பவர் ஒரு சிறந்த, பல விருதுகளைப் பெற்ற இந்திய வம்சாவளியைச் சேர்ந்த யூத பிரித்தானிய திரைப்படப் படைப்பாளி ஆவார். இவர் நிதியுதவி செய்யப்பட்ட ஆவணப்பட குறும்படங்களை உருவாக்குவதில் நிபுணத்துவம் பெற்றவர்.[1]
ஆரம்ப ஆண்டுகள்
தொகுஇந்தியாவின் கல்கத்தாவில் ஃப்ளோரா மற்றும் டேவிட் எருல்கர் என்ற யூத இணையருக்கு மகளாக எருல்கர் பிறந்தார்.[1] இவரது தந்தை மகாத்மா காந்தி மற்றும் முகம்மது அலி ஜின்னாவைப் பாதுகாத்ததற்காக கறுப்புப்பட்டியலில் சேர்க்கப்பட்ட ஒரு பாரிஸ்டர் ஆவார்.[2] இவரது குடும்பம் 1928 இல் இங்கிலாந்தின் லண்டனுக்கு குடிபெயர்ந்தது. அங்கு இவர் பெட்ஃபோர்ட் கல்லூரியில் சமூகவியல் பயின்றார்.
தொழில்
தொகுஏறக்குறைய நாற்பது ஆண்டுகள் (1944-1983) பிரித்தானிய திரைப்படத் துறையில் பணியாற்றிய எருல்கர், 80க்கும் மேற்பட்ட ஆவணப் படங்களைத் தயாரித்துள்ளார்.[3] இவர் வெனிஸ் திரைப்பட விழாவில் (1952, 1971) இரண்டு பரிசுகளைப் பெற்றார். அதே நேரத்தில் அஞ்சல்தலைகளின் வடிவமைப்பு பற்றிய இவரது ஆவணப்படம், பிக்சர் டு போஸ்ட் (1969), 1970 இல் இவரது முதல் சிறந்த குறும்படத்திற்கான பிரித்தானிய அகாடமி ஆஃப் ஃபிலிம் அண்ட் டெலிவிஷன் ஆர்ட்சின் (BAFTA) விருதைப் பெற்றது. இவரது இரண்டாவது ஆவணப்படமான, தி லிவிங் சிட்டி (1977), இவர் பிறந்த ஊரான கொல்கத்தாவைப் பற்றியது ஆகும்.
எருல்கர் ஷெல் படக்குழுவில் தனது வாழ்க்கையைத் தொடங்கினார். அங்கு இவர் ஏர்கிராப்ட் டுடே அண்ட் டுமாரோ (1946) படத்தில் இயக்கினார். இவர் பணிபுரிந்த இரண்டாவது படமான ஃப்ளைட் ஃபார் டுமாரோ (1947) ஐ இயக்கினார். அடுத்து இவர் லார்ட் சிவா டான்ஸ் (1947) ஐ இயக்கினார், இதில் பிரபல இந்திய நடனக் கலைஞரும் நடன இயக்குனருமான ராம் கோபால் நடித்தார். அது இந்தியாவிலும் பிரிட்டனிலும் நல்ல வரவேற்பைப் பெற்றது. 1952 இல் சக எருல்கர் ஷெல் படக்குழுவின் திரைப்படப் படைப்பாளியான பீட்டர் டி நார்மன்வில்லை மணந்த பிறகு ஷெல்லை விட்டு வெளியேற வேண்டிய கட்டாயம் இவருக்கு ஏற்பட்டது.[4] பிரித்தானிய உற்பத்தித் திறன் குழு, மத்திய தகவல் அலுவலகம் (COI), எரிவாயு குழு மற்றும் பொது அஞ்சல் அலுவலகம் (GPO) உட்பட பல நிதியுதவியாளர்களுக்காக இயக்குவதற்கான பணியைத் மீண்டும் தொடங்குவதற்கு முன், தேசிய நிலக்கரி வாரியத் திரைப்படப் பிரிவில் படத் தொகுப்பாளராக பணிபுரிந்தார்.
எருல்கர் தொலைக்காட்சி அல்லது திரைப்படப் பணிகளுக்கு மாற வேண்டாம் என்று முடிவு செய்தார். இவரது ஆவணப்படங்கள் 'பெண்கள் பிரச்சனைகள்' உட்பட பல்வேறு விஷயங்களை உள்ளடக்கியது. இவரது பிரித்தானிய ஆவணப்பட முன்னோடிகளைப் போலவே, எருல்கர் தனது படங்களில் சமூக உணர்வை ஊட்டினார்.
தனிப்பட்ட வாழ்க்கை
தொகுஎருல்கர் அறிவியல் திரைப்பட தயாரிப்பாளர் பீட்டர் டி நார்மன்வில்லை மணந்தார். ஷெல் படக் குழுவில் ஒன்றாக பணிபுரிந்த போது அவர்கள் சந்தித்தனர்;[1] அவர்களுக்கு சிரி மற்றும் பியர்ரெட் என்ற இரண்டு மகள்கள் இருந்தனர்.[1]
பகுதி படத்தொகுப்பு
தொகு- Aircraft Today and Tomorrow (1946; SFU)
- Flight for Tomorrow (1947; SFU)
- Lord Siva Danced (1947; SFU)
- New Detergents (1949; SFU)
- Night Hops (1950; SFU)
- The History of the Helicopter (1951; SFU)
- District Nurse (1952; Foreign Office & Commonwealth Relations Office)
- Birthright (1958; Family Planning Association)
- Spat System (1960; GKN sponsor)
- Woman's Work (1961; Samaritan Films)
- Mary Lewis - Student Nurse (1961; Ministry of Health-sponsored COI film)
- Anaesthesia with Methohexitone (1961)
- Depression - Its Diagnosis in General Practice (1963)
- The Smoking Machine (1963)
- Physics and Chemistry of Water (1965)
- Korean Spring (1966: Caltex)
- Something Nice to Eat (1967; Gas Council)
- The Hunch (1967)
- Land of the Red Dragon (1968; British Movietone)[5]
- Picture to Post (1969; GPO)
- Ready for the Road (1970; COI)
- The Air My Enemy (1971; Gas Council)
- Never Go With Strangers (1971; COI)
- The Living City (1977, co-directed with de Normanville)[6]
- Male and Female (1980)[7]
- Teenage Talk-In (1977–82)
- A Disease Called Leprosy (1985)
விருதுகள்
தொகு- 1952 இல் இஸ்டிரி ஆப் ஹெலிகாப்டர் படத்துக்காக வெனிஸ் திரைப்பட விழாவில் ஆவணப்படம் குறும்பட விருது பெற்றார்.
- 1966 இல் பிசிக்ஸ் அண்ட் கெமிஸ்ட்ரி ஆப் வாட்டர் படத்திற்கு வெனிஸ் திரைப்பட விழாவில் விருது
- 1967 இல் ரைட்டர்ஸ் கில்ட் ஆஃப் கிரேட் பிரிட்டன் சிறந்த பிரித்தானிய ஆவணப்படம் அல்லது தி ஹன்ச்சிற்கான சிறு எழுத்தாக்கம்
- 1970 இல் பிக்சர் டூ போஸ்ட் படத்திற்காக பி.ஏ.எப்.டி.ஏ குறும்பட விருது [8]
- 1971 ஆம் ஆண்டு த ஏர் மை எனிமி ஆவணப் படத்திற்கு வெனிஸ் திரைப்பட விழாவில் பதக்க விருது
- 1978 இல் தி லிவிங் சிட்டி ஆவணப் படத்திற்கு சிறந்த உண்மைத் திரைப்படத்திற்கான பாஃப்டா விருது
மேற்கோள்கள்
தொகு- ↑ 1.0 1.1 1.2 1.3 McGahan, Katy (15 June 2015). "Sarah Erulkar obituary". பார்க்கப்பட்ட நாள் 11 December 2016.
- ↑ Sarah Erulkar (de Normanville). The British Entertainment History Project
- ↑ "BFI Screenonline: Erulkar, Sarah (1923-) Biography". பார்க்கப்பட்ட நாள் 2019-10-11.
- ↑ Bell, Melanie (2018-10-01). "Rebuilding Britain: Women, Work, and Nonfiction Film, 1945–1970" (in en). Feminist Media Histories 4 (4): 33–56. doi:10.1525/fmh.2018.4.4.33. பன்னாட்டுத் தர தொடர் எண்:2373-7492.
- ↑ "Watch Land of the Red Dragon". BFI Player (in ஆங்கிலம்). பார்க்கப்பட்ட நாள் 2019-10-14.
- ↑ "BFI Screenonline: Picture to Post (1969)". www.screenonline.org.uk. பார்க்கப்பட்ட நாள் 2019-10-14.
- ↑ Her Century Scottish Women on Film (Captioned) (in ஆங்கிலம்), பார்க்கப்பட்ட நாள் 2019-10-14
- ↑ Film | Short Film in 1970. British Academy of Film and Television Arts