இயற்பியல்: திருத்தங்களுக்கு இடையிலான வேறுபாடு

குவாண்டம் கோட்பாட்டின்படி, அலைச்சார்பு மூலமாக அறிந்துகொள்ளக்கூடிய அடிப்படைத் துகள்களின் கவனிக்கப்படும் பண்புகளை குவாண்டம் விசையியல் [[நிகழ்தகவு]] அல்லது [[புள்ளியியல்| புள்ளிநிலை]] கணக்குகள் மூலமே நிரூபிக்கிறது. மரபார்ந்த விசையியலின் மையமாக [[நியூட்டனின் இயக்க விதிகள்|நியூட்டனின் இயக்க விதிகளும்]] [[ஆற்றல் அழிவின்மை]]யும் அமைந்துள்ளதைப் போன்று குவாண்டம் விசையியலில் [[சுரோடிங்கர் சமன்பாடு]] மையமாக உள்ளது. ஓர் இயங்கு அமைப்பின் வருங்கால நடத்தையை முன்னறியவும் பகுத்தாய்ந்து நிகழ்வுகளின் அல்லது முடிவுகளின் சரியான நிகழ்தகவுகளை [[அலை இயக்கம்|அலை இயக்க]] சார்புகள் மூலம் தீர்மானிக்கவும் இச்சமன்பாடு உதவுகிறது.

 

மரபார்ந்த விசையியலில் பொருட்கள் குறிப்பிட்ட தனித்தன்மையான வெளியை நிரப்பியிருப்பதுடன் தொடர்ந்து இயங்குகிறது. ஆனால் குவாண்டம் விசையியலில் ஆற்றல் துணுக்கங்களாக வெளியிடப்பட்டும் உட்கொள்ளப்பட்டும் இயங்குகிறது. இந்த சத்திச்சொட்டு சில நேரங்களில் அணு உட்கூற்றுத் துகள்களைப் போன்றே நடந்து கொள்கின்றன. மேலும் சில துகள்கள் நகரும்போது அலைப் பண்புகளை வெளிப்படுத்துகின்றன; இவை வெளியிடத்தில் குறிப்பிட்ட இடத்தை எடுத்துக்கொள்ளாது பரவி உள்ளது. குறிப்பிட்ட [[அதிர்வெண்]]களில் (அல்லது [[அலைநீளம்| அலைநீளங்களில்]]) உள்ள [[ஒளி]]யை அல்லது பிற கதிர்வீச்சை [[அணு]]க்கள் வெளியிடவோ உன்கொள்ளவோ செய்கின்றன; இவற்றை அந்த அணுக்களால் ஆன [[தனிமம்|தனிமத்தின்]] அலைக்கற்றைக் கோட்டிலிருந்து அறிய முடிகிறது. குவாண்டம் கோட்பாடு இந்த அதிர்வெண்கள் குறிப்பிட்ட ஒளி குவாண்டம்களுக்கு ([[ஒளியணு]]) ஒத்திருப்பதாக காட்டுகிறது. இது அணுவிலுள்ள [[எதிர்மின்னி]]கள் குறிப்பிட்ட ஆற்றல் மதிப்புக்களையே கொள்ள அனுமதிக்கப்படுவதால் ஏற்படுகிறது. ஒர் எதிர்மின்னி தனது ஆற்றல் நிலையிலிருந்து அடுத்த நிலைக்கு மாறும்போது இவ்விரு ஆற்றல் மதிப்புக்களுகிடையே ஆன ஆற்றல் சத்திச்சொட்டாக வெளியிடப்படுகிறது அல்லது உட்கொள்ளப்படுகிறது. இந்த ஒளியலையின் அதிர்வெண் ஆற்றல் வேறுபாட்டிற்கு நேரடித் தொடர்புடன் உள்ளது.

 

[[20ம் நூற்றாண்டு|20ஆம் நூற்றாண்டின்]] துவக்கத்தில் கண்டறியப்பட்ட குவாண்டம் விசையியல் இயற்பியலில் ஓர் புரட்சியாக அமைந்தது. தற்கால இயற்பியலின் ஆய்வுகளில் அடிப்படையாக குவாண்டம் விசையியல் அமைந்துள்ளது.

==நவீன இயற்பியல்==

மரபார்ந்த இயற்பியல் வழமையான அளவுகளில் காணப்படும் பொருட்கள் மற்றும் ஆற்றலின் பண்புகளைக் குறித்து விவரிக்கையில் நவீன இயற்பியல் மிகவும் வழக்கத்திற்கு மாறான அளவுகளில், மிகப்பெரும் அளவுகளில் அல்லது மிகச்சிறிய அளவுகளில் காணப்படும் பொருட்கள் மற்றும் ஆற்றலின் நடத்தையை விவரிக்கிறது. காட்டாக, [[அணுவியல்|அணு]] மற்றும் [[அணுக்கருவியல்]] ஆய்வுகள் ஓர் [[தனிமம்|தனிமத்தின்]] மிக மிகச் சிறிய அளவில் ஆய்கின்றன. [[துகள் இயற்பியல்|அடிப்படைத் துகள்களைக்]] குறித்த ஆய்வுகளில் இவற்றைவிட சிறிய அளவிலான பொருட்கள் ஆராயப்படுகின்றன. மாபெரும் [[துகள் முடுக்கி]]களில் இத்துகள்களை உருவாக்க மிக மிக உயர்ந்த நிலையில் ஆற்றல் வழங்கப்பட வேண்டி உள்ளதால் இந்த இயற்பியல் பிரிவு ''மிக உயர் ஆற்றல் இயற்பியல்'' எனவும் அறியப்படுகிறது. இந்த அளவுகளில் நாம் வழக்கமாக கொள்ளும் வெளியிடம், நேரம், பொருள், ஆற்றல் குறித்த நிலைப்பாடுகள் ஏற்கக் கூடியனவாக இல்லை.

== இயற்பியலின் பிரிவுகள் ==

இயற்பியலுடன் சார்ந்த அல்லது உட்பிரிவுகள் என கருதப்படும் இயல்கள் பின்வருமாறு:

== இயற்பியல் அளவுகளும் பரிமாணங்களும் ==

நேரடியாகவோ பிற வழிமுறைகளின் மூலமாகவோ அளவிடப்படும் [[இயற்பியல் அளவுகள்]] இரு வகைப்படும். ஒரு பொருள் ஒன்றின் நீளம், அகலம், உயரம், நிறை ஆகியவை பொருத்தமான அளக்கும் கருவிகளினால் அளக்கப்படக்கூடியவை. எனவே இவை [[அடிப்படை அளவுகள்]] என அழைக்கப்படும். அப்பொருளின் பரப்பளவு, கன அளவு, அடர்த்தி போன்றவற்றை கணித்தல் சமன்பாடுகள் மூலம் பெறக்கூடியவையாகும். இவை [[வழி அளவுகள்]] எனவும் அழைக்கப்படும். அடிப்படை அளவுகள் [[நீளம்]], [[காலம்]], [[நிறை]], [[மின்னோட்டம்]], [[வெப்பநிலை]], [[ஒளிச்செறிவு]], [[பொருளின் அளவு]] ஆகிய ஏழு ஆகும். வழி அளவுகள் [[வேகம்]], [[முடுக்கம்]], [[விசை]], [[வேலை]], [[ஆற்றல்]], [[பரப்பளவு]] மற்றும் பல.