எலும்பு நோய்: திருத்தங்களுக்கு இடையிலான வேறுபாடு

விபத்துகளின் காரணமாக உடல் உறுப்புகளில் அடிபட்டதால் உண்டாகும் குருதிக் கட்டிகள், எலும்பு முறிவுகள் போன்றவை அதிகம் ஏற்படுகின்றன. குருதிக் கட்டிகள், சாதாரணமாகத் தோலுக்கு அடியில் ஏற்படும். மூடியுள்ள கால், கை, எலும்புகளில் அதிகம் ஏற்படுகிறது. இவற்றிற்கு ஓய்வு கொடுத்துக் குளிர்ச்சியான மருந்துகளையும், அழுத்தங்களையும் தரலாம். உள்ளுக்கு அயோடைடுகள் கொடுப்பர். எலும்பு முரிதல் அல்லது உடைதல் பல காரணங்களால், பல வகைகளில் உண்டாகிறது. அடிபட்ட இடத்திலாவது, அல்லது மற்றோரிடத்திலாவது முரிவு நேரிடலாம். தசைகளின் வேகத்தாலும் எலும்பு உடையலாம். நோய்களால் ஏற்கெனவே நொந்து போன எலும்புகள் தாமாகவோ அல்லது வெகு சிறிய தாக்குதலாலோ உடையலாம்.<ref>https://www.medicalnewstoday.com/articles/173312.php</ref>

 

விபத்தின் போது எலும்பு நீளத்திலாவது, குறுக்கிலாவது உடையும் போதும், உடற் கோணலிலாவது உடையும் போதும், எளிய முரிவு ஏற்படும் போதும், பலவித கலப்பு முரிவுகளின் போதும், விப்த்தின் போது ஏற்படும் தாக்கத்தால், எலும்பின் பக்கத்தில் இருக்கும் உறுப்புக்களும் சிதைவடையும் போதும், முற்றும் முரியாமல் பிளவு ஏற்பட்டிருந்த சூழ்நிலையிலும், அதற்கு ஏற்றாற் போல, மருத்துவ நடைமுறைகள் பின்பற்றப் படுகின்றன. குழந்தைகளின் எலும்பில் உண்டாகும் இளமுரிவும், பல சிறு துண்டுகளாக முரியும் நொறுங்கு முரிவும், துண்டுகள் ஒன்றுக்குள் ஒன்று புதைந்து மாட்டிக் கொள்ளும் ஒட்டுமுரிவும் சிக்கலான மருத்துவ நடைமுறைகளைக் கொண்டிருக்கின்றன.