கிப்பன் பண்டம்: திருத்தங்களுக்கு இடையிலான வேறுபாடு

'''கிப்பன் பண்டம்''' (''Giffen good'') என்பது [[விற்பனை விலை]] ஏறும்போது நுகரப்படும் அளவு மிகுதியாகும் தன்மையுடைய [[இழிவுப்பண்டம்|இழிவுப்பண்டத்தைக்]] குறிக்கும். கிப்பன் பண்டங்கள் அனைத்து சூழல்களிலும் இத்தன்மையைப் பெற்றிருக்க வேண்டுமென்பதில்லை. இவை உலகில் இருக்க வேண்டுமென்பதுகூட இல்லை. குறிப்பிட்ட மெய்யுலகு அல்லது கருத்தளவு சூழல்களில் மட்டும் இவை இத்தன்மையைக் கொண்டிருக்கலாம்.

 

பொதுவாக, [[விலை நெகிழ்திறன்]] (''price elasticity'') [[நுகர்தேவை]]யுடன் (''demand'') எதிர்மறை உறவு கொண்டிருக்கும். இவ்வழக்கத்திற்கு மாறாக கிப்பன் பண்டங்கள் நேர் விலை-நிகழ்திறன் உறவு கொள்வன. இதன் பின்புலச் சூழல்களின் [[பொருளியல் மாதிரி]]யை இயற்றியவர் [[சர்]]<ref name="sir">[http://www.royalsoc.ac.uk/DServe/dserve.exe?dsqIni=Dserve.ini&dsqApp=Archive&dsqCmd=Show.tcl&dsqSearch=RefNo=='EC/1892/13'&dsqDb=Catalog Royal Society Citation]</ref> [[இராபர்ட்டு கிப்பன்]] என [[ஆல்பிரடு மார்சல்]] என்பவர் தனது ''பிரின்சிப்பில்ஸ் ஆப் எகனாமிக்ஸ்'' ("[[பொருளியல்]] [[கோட்பாடு]]கள்") என்ற நூலில் தெரிவித்துள்ளார்.<ref name="PoE">{{cite book

| last = Marshall

}}</ref> கிப்பனின் நினைவாகவே இப்பொருளியல் நிகழ்வு '''கிப்பன் விளைவு''' என்றும் இப்பண்டங்கள் கிப்பன் பண்டங்கள் என்றும் அழைக்கப்படுகின்றன.

 

இவ்விளைவை விளக்குவதற்கு மார்சல் எடுத்துக்கொண்ட முன்மாதிரி வெகுவான ஏழ்மைநிலை உள்ள சூழலில் அன்றாட உணவில் பயன்படும் (பொதுவாகத் தரம் குன்றிய) தானியங்களாவன. இத்தானியங்களின் விலை மிகும்போது மக்களின் [[வாங்குதிறன்]] குன்றுகிறது. ஏற்கெனவே ஏழ்மைநிலையில் உள்ள மக்களால் [[வாங்குதிறன்]] குன்றிய சூழலில் நயம் உணவுப்பொருட்களை வாங்க முடிவதில்லை. இதனால் நயம் பண்டங்களின் [[நுகர்வு]] குறைகிறது. இதனால் விளையும் [[ஊட்டக்குறைபாடு|ஊட்டக்குறைவை]] ஈடுகட்டும் வகையில் மக்கள் அன்றாட நுகர்வுப் பொருளான உணவு தானியத்தைக் கூடுதலாக நுகர்கின்றனர். இதன்மூலம் விலை ஏறிவரும் ஒரு பொருளின் நுகரப்படும் அளவும் வழக்கத்திற்கு மாறாக ஏறுகிறது.

 

முதலாவதான பிரதியீட்டு விளைவு X என்ற பண்டத்தின் நுகர்தேவையை Xa எனும் புள்ளியிலிருந்து Xb எனும் புள்ளிவரை ஏற்றுகிறது. அதே வேளையில், இரண்டாவதான வருவாய் விளைவு அதை Xb இலிருந்து Xc என்ற புள்ளிக்கு இறக்குகிறது. நிகர விளைவாக X பண்டத்தின் நுகர்தேவை அளவு Xa இலிருந்து Xc ஆகக் குறைகிறது. பிரதியீட்டு விளைவைக் காட்டிலும் கூடுதலாகத் தாக்கம் ஏற்படுத்தும் அளவிற்கு வருவாய் விளைவு இருக்கும் சூழலில் உள்ள பண்டம் கிப்பன் பண்டம் ஆகும்.

 

1845 முதல் 1849 வரை ஏற்பட்ட [[அயர்லாந்துப் பஞ்சம்|அயர்லாந்துப் பஞ்சத்தின்போது]] [[உருளைக் கிழங்கு|உருளைக் கிழங்கின்]] விலை ஏறிய வண்ணமிருந்தும் கொள்முதலில் ஏற்றமிருந்ததை வெகுநாட்களாக கிப்பன் விளைவுக்கு எடுத்துக்காட்டாக சுட்டி வந்தனர். ஆனால், இது தவறு என 1999-ம் ஆண்டு [[சிகாகோ பல்கலைக்கழகம்|சிகாகோ பல்கலைக்கழகத்தைச்]] சேர்ந்த செர்வின் ரோசன் என்பவர் தனது ''முரணொத்த உருளைக்கிழங்கு மெய்ம்மைகள்'' ("Potato paradoxes") என்ற தலைப்பிலான கட்டுரையில் நிறுவினார்.<ref name="potato">{{cite journal

| author = செர்வின் ரோசன்

}}</ref> ஆனால் அவரது இந்த முன்கூற்றின் சார்பாக போதிய அளவு தரவுகள் அமையவில்லை.

 

 

== மேற்கோள்கள் ==

 

{{பண்டங்கள்}}

[[பகுப்பு:பண்டங்கள்]]

[[பகுப்பு:முரணொத்த பொருளியல் மெய்மைகள்]]

[[it:Beni di Giffen]]

[[ja:ギッフェン財]]

[[ko:기펜재]]

[[lt:Gifeno prekės]]