சூல்பை நீர்க்கட்டி
சூல்பை நீர்க்கட்டி (ovarian cyst) அல்லது சினைப்பை நீர்க்கட்டி என்பது சூல்பையினுள் உண்டாகக்கூடிய திரவம் நிறைந்த பை போன்ற உள்ளமைவு உடைய நீர்க்கட்டியாகும்.[1] பெரும்பாலும் இவை இருப்பதற்கான எந்த அறிகுறியும் ஏற்படுவதில்லை.[1] எப்பொழுதாயினும் அவற்றில் வீக்கம், அடிவயிற்றுவலி, கீழ் முதுகு வலி ஆகியன தோன்றலாம்.[1] பெரும்பாலான சூல்பை நீர்க்கட்டிகள் தீங்கற்றவை.[1] இக்கட்டிகள் வெடிக்கும் பொழுது அல்லது சூல்பை முறுக்கம் ஏற்படும்பொழுதோ மிகக் கடுமையான வலியைத் தோற்றுவிக்கும்.[1] இதனால் வாந்தி அல்லது தலைச்சுற்றல் இருக்கும்.[1]
| சூல்பை நீர்க்கட்டி | |
|---|---|
 | |
| சிறப்பு | மகளிர் மருத்துவவியல் |
| அறிகுறிகள் | கீழ் முதுகு வலி, லேசான வயிற்றுவலி |
| சிக்கல்கள் | சூல்பைச் சிதைவு, சூல்பை முறுக்கம்[1] |
| வகைகள் | சினைக்கட்டி, கருப்பையகப்படலக் கட்டிகள், சூல்பைப் புற்றுநோய்[1] |
| நோயறிதல் | மீயொலி[1] |
| நிகழும் வீதம் | 8% மாதவிடாய் நிறுத்தம்[1] |
பெரும்பாலான சூல்பை நீர்க்கட்டிகள் கருமுட்டை தொடர்பாக ஏற்படுபவை. சூல்பையின் சுரப்பிப்பை நுண்ணறை(Follicular cyst of ovary) அல்லது பருவ கருமுட்டை பைத்துகள் (Corpus luteum cyst)கட்டி ஆகியவற்றில் ஏதேனுமொன்றில் இவை ஏற்படலாம் [1] மற்றொன்று கருப்பை உட்படலத்தில் ஏற்படும் கட்டிகள் அல்லது உள்தோல் கட்டிகள் அல்லது சுரப்பிக்கட்டிகள் ஆகியவையாகும்.[1] இரண்டு பக்க சினைப்பையிலும் தோன்றும் பல சிறிய நீர்க்கட்டிகளால் சினைப்பை நோய்க்குறி ஏற்படக்கூடும்.[1] சூல்பை நீர்க்கட்டிகள் ஏற்பட்டதன் காரணத்தால் இடுப்பு அழற்சி நோய்க்கூட ஏற்படலாம்.[1] மிக அரிதாக இந்நீர்க்கட்டிகள் சூல்பை புற்றுநோயின் காரணமாகத் தோன்றிய ஒரு வடிவாகவும் இருக்கக்கூடும்.[1] இடுப்பெலும்பு பரிசோதனை, மீயொலிச்சோதனை அல்லது விவரஙக்ளைச் சேகரிக்க மேற்கொள்ளப்படும் பிற சோதனைகள் மூலமும் கண் கண்டறியலாம்.[1]
பெரும்பாலும் நீர்க்கட்டிகள் தொடர்ந்து கண்காணிக்கப்படுவதன் மூலம் சிகிச்சை செய்யப்படுகிறது.[1] வலி ஏற்பட்டால் பாராசிட்டமால் அசிட்டாமினோபின் அல்லது ஐபுரூபன் மருதுகள் பயன்படுத்தப்படுகின்றன.[1] அடிக்கடி இக்கட்டியால் பாதிக்கப்படுவோர்களுக்கு பிறப்புக்கட்டுப்பாட்டுச் சுரப்பி சிகிச்சை மேற்கொள்ளலாம்.[1] ஆயினும் பிறப்புக்கட்டுப்பாட்டுச் சுரப்பி சிகிச்சை இக்கட்டிகளுக்கான சரியான சிகிச்சைமுறை என்று இன்னும் நிரூபிக்கப்படவில்லை.[2] பல மாதங்களாகியும் கட்டிகள் கரைந்து வெளியேறவில்லை என்றாலோ, பெரிதானாலோ, வழக்கத்தைவிட மாறுபட்டுக் காணப்பட்டாலோ அறுவை சிகிச்சை மூலம் அகற்றப்படலாம்.[1]
இனப்பெருக்க வயதுடைய பெண்களில் அதிகமானோருக்கு ஒவ்வொரு மாதமும் சிறிய நீர்க்கட்டிகள் உருவாகின்றன.[1] மாதவிடாய் நிறுத்த காலத்திற்கு முன்புள்ள எட்டு விழுக்காடு பெண்களுக்கு பெரிய அளவிலான நீர்க்கட்டிகள் ஏற்படுகின்றன.[1]மாதவிடாய் நிறுத்த காலத்திற்குப் பின் 16 % பெண்களுக்கு சூல்பை நீர்க்கட்டிகள் உருவாகின்றன. இதனால் புற்றுநோய் ஏற்படும் வாய்ப்பும் உள்ளது.[1][3]
நோயறிகுறிகள்
தொகுகீழ்க்கண்ட அறிகுறிகள் தோன்றலாம் அல்லது சில தோன்றாமலுமிருக்கலாம்.[4]
- அடிவயிற்று வலி. குறிப்பாக பாலுறவின் போது ஏற்படும் இடுப்பெலும்பு அல்லது அடிவயிறு வலி.
- குருதிப்போக்கு மாதவிடாய்க்காலத்தில் அல்லது அதற்கு முன்னரோ, பின்னரோ ஏற்படும் வலி: ஒழுங்கற்ற மாதவிடாய், அசாதாரணமாக கருப்பையிலிருந்து குருதி வெளியேறுதல்
- அடிவயிறு நிரம்பியிருத்தல், எடை கூடியிருத்தல், அழுத்தம், வீக்கம் அல்லது அடிவயிறு ஊதியிருத்தல் ஆகியன.
- சினைப்பையில் நீர்க்கட்டியானது வெடித்திருந்தால் கீழ் அடிவயிற்றில் ஒரு பக்கமாகத் திடீரென கூர்மையான வலி ஏற்படும்
- சிறுநீர்க் கழித்தலில் மாற்றம் அல்லது அடிக்கடி சிறுநீர் வெளியேறுதல் (சிறுநீரை முழுதுமாக வெளியேற்ற இயலாமை) அல்லது இடுப்பகுதிகளில் ஏற்படும் அழுத்தம் காரணமாக குடலியக்கங்களில் கடினத் தன்மை ஏற்படுதல்.
- சோர்வு, தலைவலி
- குமட்டல், வாந்தி
- உடல் எடை அதிகரித்தல்
நீர்க்கட்டிகள் காரணமாக ஏற்படும் பிற அறிகுறிகள்:[4]
- சினைப்பை நோய்க்குறி காரணமாக நீர்க்கட்டிகள் உருவாயிருந்தால் முகத்தில் முடிவளருதல், அல்லது உடலில் முடிவளர்ச்சி, முகப்பரு, உடற்பருமன், ஒழுங்கற்ற மாதவிடாய் அல்லது மாதவிலக்கே வராமல் போவது மலட்டுத்தன்மை
- கருப்பை அகப்படலத்தில் கட்டிகள் தோன்றியிருப்பின் மாதவிடாயின் போது அதிகமான குருதிப்போக்கு, பாலுறவின் போது வலி ஆகியவை ஏற்படும்.
சினைப்பைக் கட்டிகளல்லாத நீர்க்கட்டிகளால் ஏற்படும் கருத்தரிப்புத் தொடர்பான விளைவுகள் தெளிவாக இல்லை.[5]
மேற்கோள்கள்
தொகு- ↑ 1.00 1.01 1.02 1.03 1.04 1.05 1.06 1.07 1.08 1.09 1.10 1.11 1.12 1.13 1.14 1.15 1.16 1.17 1.18 1.19 1.20 1.21 1.22 "Ovarian cysts". Office on Women's Health. November 19, 2014. Archived from the original on 29 June 2015. பார்க்கப்பட்ட நாள் 27 June 2015.
- ↑ Grimes, DA; Jones, LB; Lopez, LM; Schulz, KF (29 April 2014). "Oral contraceptives for functional ovarian cysts.". The Cochrane Database of Systematic Reviews 4 (4): CD006134. doi:10.1002/14651858.CD006134.pub5. பப்மெட்:24782304.
- ↑ Mimoun, C; Fritel, X; Fauconnier, A; Deffieux, X; Dumont, A; Huchon, C (December 2013). "[Epidemiology of presumed benign ovarian tumors].". Journal de Gynecologie, Obstetrique et Biologie de la Reproduction 42 (8): 722–9. doi:10.1016/j.jgyn.2013.09.027. பப்மெட்:24210235.
- ↑ 4.0 4.1 Ovarian Cysts at eMedicine
- ↑ Legendre, G; Catala, L; Morinière, C; Lacoeuille, C; Boussion, F; Sentilhes, L; Descamps, P (March 2014). "Relationship between ovarian cysts and infertility: what surgery and when?". Fertility and Sterility 101 (3): 608–14. doi:10.1016/j.fertnstert.2014.01.021. பப்மெட்:24559614.