செரா காடிகில்
சலிஹா செரா கடிகில் (Saliha Sera Kadıgil) (பிறப்பு 29 நவம்பர் 1984) ஒரு துருக்கிய அரசியல்வாதியும் வழக்கறிஞரும் ஆவார். இவர் 2018 முதல் துருக்கியின் 27 வது சட்டமன்ற காலத்தில் துருக்கியின் கிராண்ட் நேஷனல் அசெம்பிளியின் உறுப்பினராகப் பணியாற்றினார். தொடக்கத்தில் சிஎச்பி இன் உறுப்பினராக இருந்த அவர், பின்னர் பதவி விலகி 2021 இல் துருக்கியின் தொழிலாளர் கட்சியில் சேர்ந்தார்.[1]
செரா காடிகில் | |
|---|---|
| துருக்கி தொழிலாளர் கட்சியின் கொள்கை விளக்கப் பேச்சாளர் | |
பதவியில் உள்ளார் | |
| பதவியில் 2021 | |
| துருக்கியின் சட்டமன்ற உறுப்பினர் | |
பதவியில் உள்ளார் | |
| பதவியில் 7 சூலை 2018 | |
| தொகுதி | இஸ்தான்புல் (I) (2018 துருக்கி பாராளுமன்றத் தேர்தல், 2023 துருக்கி பாராளுமன்றத் தேர்தல்) |
| தனிப்பட்ட விவரங்கள் | |
| பிறப்பு | 29 நவம்பர் 1984 இசுதான்புல், துருக்கி |
| தேசியம் | துருக்கிய மக்கள் |
| அரசியல் கட்சி | துருக்கி தொழிலாளர் கட்சி (2021–தற்போது) |
| பிற அரசியல் தொடர்புகள் | குடியரசு மக்கள் கட்சி (2010-2021) |
| முன்னாள் கல்லூரி | இசுதான்புல் பல்கலைக்க்ழகம், சட்டப்புலம் |
| வேலை | அரசியல்வாதி, வழக்கறிஞர் |
தொடக்க கால வாழ்க்கை மற்றும் கல்வி தொகு
2003 இல் வெஃபா உயர்நிலைப் பள்ளியில் பட்டம் பெற்ற பிறகு, 2007 இல் இஸ்தான்புல் பல்கலைக்கழக சட்ட பீடத்தில் பட்டம் பெற்றார். இவர் 2010 இல் அதே பல்கலைக்கழகத்தில் தனியார் சட்டத்தில் முதுகலைப் பட்டத்தை முடித்தார். தொடர்ந்து லண்டன் குயின் மேரி பல்கலைக்கழகத்தில் தனது ஆராய்ச்சிக்குப் பிறகு சினிமா பணிகள் குறித்த தனது முதுகலை ஆய்வறிக்கையை எழுதினார். இவர் இஸ்தான்புல் பல்கலைக்கழகத்தில் முனைவர் பட்டம் படித்து வருகிறார். [2]
தொழில் தொகு
இவர் கலாச்சாரம் மற்றும் கலை, சட்டத் துறையில் தனது சட்டப்பூர்வ வாழ்க்கையை கவனம் செலுத்தினார். பல நாடக மற்றும் கலை அமைப்புகளோடு கூடுதலாக, நடிகர் சங்கம் மற்றும் திரைப்படம் மற்றும் தொலைக்காட்சி சங்கம் போன்ற தொழிலாளர் அமைப்புகளின் வழக்கறிஞராக இருந்து வருகிறார். இவர் இஸ்தான்புல் பார் விலங்கு உரிமைகள் ஆணையத்தின் நிர்வாகக் குழுவின் உறுப்பினராக பணியாற்றினார். 2008 ஆம் ஆண்டு முதல் இஸ்தான்புல் வழக்கறிஞர் சங்கத்தில் விலங்குகள் உரிமை ஆணையத்தின் செயற்குழு நிர்வாகக் குழுவில் உறுப்பினராக இருந்து வரும் காடிகில், விலங்கு உரிமைகள் தொடர்பான பல அரசு சாரா நிறுவனங்களில் மேலாளராகப் பணியாற்றியுள்ளார். இவர் துருக்கியின் குடியரசு மக்கள் கட்சியின் மகளிர் கிளையின் மத்திய இயக்குநர்கள் குழுவில் உறுப்பினராக இருந்தார். மேலும், 3 முறை கட்சியின் குழு உறுப்பினராகப் பணியாற்றினார். இவர் பெண்கள் மற்றும் ஆண்களுக்கான டிபிஎம்எம் சம வாய்ப்புக் குழுவில் உறுப்பினராக உள்ளார். இவர் 25 சூன் 2021 வெள்ளிக்கிழமை குடியரசு மக்கள் கட்சியிலிருந்து பதவி விலகி, துருக்கியின் தொழிலாளர் கட்சியில் (TİP) சேர்ந்தார். [1] இவர் 2021-ஆம் ஆண்டில் பாராளுமன்ற பட்ஜெட் விசாரணையின் போது ஃபுவாட் ஒக்டேக்கு எதிராக ஒரு போராட்டத்தை நடத்தினார், அங்கு இவர் "யாலன்" (பொய்) மற்றும் " பலாவ்ரா பலவ்ரா " ஆகிய இரண்டு பாடல்களை ஒலிபெருக்கி மூலம் வாசித்தார். இந்த எதிர்ப்புக்காக அதிகாரப்பூர்வ கண்டனத்தைப் பெற்றார். எதிர்ப்பைத் தொடர்ந்து, துருக்கிய சட்டமன்றத்தின் சபாநாயகர் முஸ்தபா சென்டோப் மூலம் கண்டிக்கப்பட்ட காடிகில், துருக்கிய சட்டமன்றத்தின் உள் விதிமுறைகளுக்கு இணங்க தனது பாதுகாப்பிற்கான உரிமையைப் பயன்படுத்தினார். எனவே துருக்கிய தொழிலாளர் கட்சி சார்பாக பட்ஜெட் விவாதங்களில் பேசினார்.[3]
தனிப்பட்ட வாழ்க்கை தொகு
இவர் 2017 ஆம் ஆண்டில் உதவிப் பேராசிரியர் டாக்டர் டோல்கா சுட்லுவைத் திருமணம் செய்து கொண்டார். [4]
மேற்கோள்கள் தொகு
- ↑ 1.0 1.1 Sazak, Selim. "Turkey's Left-Wing 'Squad' Is Coming for Erdogan". Foreign Policy (in அமெரிக்க ஆங்கிலம்). பார்க்கப்பட்ட நாள் 2021-12-26.Sazak, Selim. "Turkey's Left-Wing 'Squad' Is Coming for Erdogan". Foreign Policy. Retrieved 2021-12-26.
- ↑ "CHP İstanbul Milletvekili Saliha Sera Kadıgil Sütlü, partisinden istifa etti". www.ntv.com.tr (in துருக்கிஷ்). பார்க்கப்பட்ட நாள் 2022-01-07.
- ↑ "TİP milletvekillerinden TBMM'de protesto: Kadıgil'e kınama cezası". www.cumhuriyet.com.tr (in துருக்கிஷ்). பார்க்கப்பட்ட நாள் 2022-01-07.
- ↑ "Sera Kadıgil'in eşi Tolga Sütlü kim, kaç yaşında, ne iş yapıyor?". Damga Gazetesi (in துருக்கிஷ்). 2023-05-11. பார்க்கப்பட்ட நாள் 2023-07-25.