சைதி கோடா
சைதி கோடா (Chaiti ghoda) என்பது ஒடிசாவின் பிரபலமான நாட்டுப்புற நடன வடிவங்களில் ஒன்றாகும். இது கியோட் (கைபர்தா) போன்ற பழங்குடியின மீனவர்களால் சிறப்பாக நிகழ்த்தப்படுகிறது. [1] சைதி என்பது ஆண்டின் சைத்ர மாதத்தை (சித்திரை) குறிக்கிறது. அதாவது மார்ச் முதல் ஏப்ரல் வரை வைசாக முழு நிலவு வரை அதாவது ஏப்ரல் முதல் மே வரை. மேலும், கோடா என்றால் ஒடியா மற்றும் இந்தியில் குதிரை என்று பொருள். [2] பழங்குடியினரான கியோட் மீனவர்களின் உதவியுடன் இராமன் ஆற்றைக் கடந்ததாகவும், அதற்கு ஈடாக அவர் மீனவர்களுக்கு குதிரையைக் கொடுத்ததாகவும் ஒரு கதை உள்ளது. [3]
மரத்தால் செய்யப்பட்ட பொய்க்குதிரை, அழகாக வர்ணம் பூசப்பட்டு, வண்ணமயமான துணிகளால் சூழப்பட்ட ஒரு முட்டுக்கட்டையாக பயன்படுத்தப்படுகிறது. அனைத்து மீனவர்களும் நடனமாடுகிறார்கள் . மேலும், அவர்களின் மனைவிகள் இணை நடனக் கலைஞர்களாகவும் பாடகர்களாகவும் இருக்கிறார்கள். இந்த நடனத்தில் ஆண்கள் ரவுதா என்றும், பெண்கள் ரவுதானி என்றும் அழைக்கப்படுகிறார்கள்.
கருப்பு குதிரை மற்றும் வெள்ளை குதிரை என இரண்டு குதிரைகள் பயன்படுத்தப்படுகின்றன. [4] மீனவர் பழங்குடியினரின் முக்கிய தெய்வமான வசுலி தேவியின் நினைவாக எட்டு நாட்கள் திருவிழா கொண்டாடப்படுகிறது.[5] இந்த இனக்குழுவின் தெய்வத்தின் ஆசீர்வாதத்தைப் பெறுவதற்காக இது கொண்டாடப்படுகிறது.
சான்றுகள்
தொகு- ↑ "10 Unique Dance Forms Of Odisha Which Are Spectacular In Their Distinctive Ways! | Mycitylinks- Bhubaneswar | Cuttack | Puri". mycitylinks.in. பார்க்கப்பட்ட நாள் 3 October 2016.
- ↑ "horse - Hindi translation - bab.la English-Hindi dictionary". en.bab.la. பார்க்கப்பட்ட நாள் 3 October 2016.
- ↑ "Chaiti Ghoda Nata". odialinks.com. Archived from the original on 3 October 2016. பார்க்கப்பட்ட நாள் 3 October 2016.
- ↑ "CHAITI GHODA". orissadiary.com. Archived from the original on 10 April 2016. பார்க்கப்பட்ட நாள் 3 October 2016.
- ↑ "Ghoda nacha in Chaitra Purnima". odialive.com. 7 April 2015. பார்க்கப்பட்ட நாள் 3 October 2016.