ஜான் கிறிஸ்டியன் பெய்லர்
ஜான் கிறிஸ்டியன் பெய்லர் இளையர் (John Christian Bailar Jr.)(மே 27, 1904[1] – அக்டோபர் 17, 1991)என்பவர் இலினொய் பல்கலைக்கழகத்தில் கனிம வேதியியல் பேராசிரியராகப் பணிபுரிந்தவர் ஆவார். இவர் தனது இளங்கலைப் பட்டத்தை கொலராடோ பல்கலைக்கழகத்திலும் தனது முனைவர் பட்டத்தை மிக்சிகன் பல்கலைக்கழகத்திலும் பெற்றார்.
| ஜான் கிறிஸ்டியன் பெய்லர் இளையர் | |
|---|---|
| பிறப்பு | மே 27, 1904 கோல்டன், கொலராடோ |
| இறப்பு | அக்டோபர் 17, 1991 (அகவை 87) அர்பானா, இலினொய் |
| துறை | கனிம வேதியியல் |
| கல்வி கற்ற இடங்கள் | மிச்சிகன் பல்கலைக்கழகம் |
| முனைவர் பட்ட மாணவர்கள் |
|
| ஏனைய குறிப்பிடத்தக்க மாணவர்கள் |
|
| விருதுகள் | பிரீஸ்ட்லீ பதக்கம் (1964) |
இலினொய் பல்கலைக்கழகத்தில் அணைவுச் சேர்மங்கள் தொடர்பான ஆராய்ச்சியை மேற்கொண்டார். இவர் ஐக்கிய அமெரிக்க நாடுகளில் “அணைவு வேதியியலின் தந்தை” எனவும் அழைக்கப்பட்டார். ஐக்கிய அமெரிக்க நாடுகளில் இவரது காலத்திற்குச் சற்று முன்னராகத் தான் அணைவு வேதியியல் சிறிதளவு கவனத்தைப் பெறத் தொடங்கியிருந்தது.[2] அணைவுச் சேர்மங்களில் ஏற்படும் ஒரு விதமான முறுக்கு அல்லது திருகல் இவரது பெயராலேயே பெய்லர் திருகல் என அழைக்கப்பட்டது. “கரிம வேதியியல் தொகுப்பு” என்ற புத்தகத் தொடர் மற்றும் கனிம வேதியியல் என்ற பருவ இதழ் வெளிவருவதற்கும் இவர் உதவிகரமாக இருந்தார்.[3] இவரது பணிகள் பரவலாக அங்கீகரிக்கப்பட்டு அமெரிக்க வேதியியல் குமுகத்தால் பிரீஸ்ட்லி பதக்கமும் வழங்கப்பட்டது. இதே அமைப்பிற்கு இவர் தலைவராகவும் இருந்தார். [4][5] இவருக்கு இரு மகன்கள் உண்டு. அவர்களில் ஒருவர் ஜான் கிறிஸ்டியன் பெய்லர் III ஆவார்.[6]
மேற்கோள்கள்
தொகு- ↑ "Bailar, John Christian Jr.". Who was who in America : with world notables, v. XI (1993–1996). New Providence, N.J.: Marquis Who's Who. 1996. p. 12. பன்னாட்டுத் தரப்புத்தக எண் 0837902258.
- ↑ Kauffman, G. B.; Girolami, G. S.; Busch, D. H. (1993). "John C. Bailar Jr. (1904–1991): Father of Coordination Chemistry in the United States". Coord. Chem. Rev. 128 (1–2): 1–48. doi:10.1016/0010-8545(93)80022-W.
- ↑ "காப்பகப்படுத்தப்பட்ட நகல்". Archived from the original on 2011-10-06. பார்க்கப்பட்ட நாள் 2021-05-27.
- ↑ Girolami, Gregory S. (1992). "John C. Bailar Jr. 1904–1991 in memoriam". Inorg. Chem. 31 (15): 3183–3184. doi:10.1021/ic00041a001.
- ↑ "Noyes Laboratory at the University of Illinois, Urbana-Champaign". National Historic Chemical Landmarks. American Chemical Society. Archived from the original on December 20, 2012. பார்க்கப்பட்ட நாள் June 28, 2012.
- ↑ Kauffman, George B. (1994). "John C. Bailar Jr. (1904–1991)". ACS Symposium Series 565: 74–80. doi:10.1021/bk-1994-0565.ch006. பன்னாட்டுத் தரப்புத்தக எண்:0-8412-2950-3.