டைமர் அமிலம்
டைமர் அமிலங்கள் (Dimer acid) அல்லது குறைக்கப்பட்ட கொழுப்பு அமிலங்கள் என்பது டை கார்பாக்சிலிக் அமிலங்கள் ஆகும். இவ்வகை அமிலங்கள் டால் எண்ணெயிலிருந்து களிமண் வினை ஊக்கிகளைப் பயன்படுத்தி குறைப்பதன் மூலம் தயாரிக்கப்படுபவை. இவற்றின் சிஏஎஸ் எண் [61788-89-4] ஆகும். டைமர் அமிலங்கள் பாலிஅமைடு ரெசின்கள் மற்றும் பாலிஅமைடு சூடான உருகிய பசைகள் ஆகியவற்றின் தொகுப்பிற்கு முக்கியமாகப் பயன்படுத்தப்படுகின்றன. டைமர் அமிலங்கள் அல்கைடு ரெசின்கள், பசைகள், சர்பாக்டான்ஸ், எரிபொருள் எண்ணெய் கூட்டுப் பொருட்கள் மற்றும் உயவுப் பொருட்கள் தயாரிக்கப் பயன்படுத்தப்படுகின்றன.[1] இது இலேசான மஞ்சள் அல்லது மஞ்சள் நிற பிசுபிசுப்பபான ஒளி புகக்கூடிய திரவமாகும். இது நச்சுப் பொருள் அல்ல.
டைமர் அமிலத்தில் வழக்கமாக ஸ்டீரியிக் அமிலத்தைப் போன்ற இரட்டை அமைப்பு இருக்கலாம். இது C36 டைமர் அமிலம் என்றும் அழைக்கப்படுகிறது. [2] டிரைமர் அமிலம் என்பது டைமர் அமிலத்தின் தொடர்ச்சியாகும். எனவே, இதில் டைமரைப் போன்று மூன்று மூலக்கூறுகள் இணைந்த கொழுப்பு அமில அமைப்பு இருக்கலாம். இதன் விளைவாக மூன்று மூலக்கூறுகள் இணைந்த கொழுப்பு அமிலமாக உள்ளது. அதன் சிஏஎஸ் எண் [68937-90-6] ஆகும்.
அம்மோனியாவுடன் ஒடுக்க வினைக்கு உட்படும் போது டைமர் அமிலங்கள் டைமர் அமீன்களாக மாற்றமடைகிறது.
மேற்கோள்கள்
தொகு- ↑ [1] பரணிடப்பட்டது திசம்பர் 4, 2008 at the வந்தவழி இயந்திரம்
- ↑ C36 Dimer acid | 61788-89-4