தொதல்

தொதல் அல்லது தொடோல் (சிங்களம்: දොදොල්), (ஆங்கில மொழி: dodol) என்பது இலங்கைச் சோனகர் சமையலில் இடம்பெறும் ஒரு இனிப்புவகை உணவு ஆகும். இது இலங்கையின் தென்மாகாணத்தில் தோன்றிய ஒரு இனிப்புவகை. இது மலாயா வழியாக இலங்கை வந்திருக்கலாம் எனவும் கருதப்படுகிறது. இப்பண்டம் யாழ்ப்பாணத்தில் தோன்றியதாகவும் கூறப்படுகிறது. இதனைப் பச்சரிசி, தேங்காய், சீனி, பயறு, முந்திரி, ஏலக்காய் உட்பட்ட பொருட்களைப் பயன்படுத்திச் செய்வர்.

தொதல்

மாற்றுப் பெயர்கள்	இப்பலகாரம் சர்க்கரைக் கழி
வகை	குளிர்ச்சியான
பரிமாறப்படும் வெப்பநிலை	இனிப்புவகை
முக்கிய சேர்பொருட்கள்	இதனைப் பச்சரிசி, தேங்காய், சீனி, பயறு, முந்திரி, ஏலக்காய்

யாழ்ப்பாணத்தில் இப்பலகாரம் 'சர்க்கரைக் கழி' என்று அழைக்கப்படுகிறது. சிங்களவர்கள் இதனைக் களுதொதல் என்பார்கள். அவர்கள் கித்துள்பனங்கட்டியையே தொதல் செய்யப் பயன்படுத்துவார்கள்.

தொதலை நுண்ணலை அடுப்பில் செய்யும் முறை

தேவையானவை

• 500 மி.லிட்டர் தேங்காய்ப் பால் (சுலபமாக 'டின்'னில் கிடைக்கிறது)
• 250 கிராம் சிவத்த அரிசிமா
• 750 இரண்டு கிலோ கித்துள்பனங்கட்டி அல்லது சர்க்கரை அல்லது சீனி (brown suger)
• முந்திரிப்பருப்பு (தேவையான அளவு)
• ஏலம்
• தண்ணீர் (இரண்டு கோப்பை)

செய்முறை

இவற்றை ஒன்றாகக் கலந்து நுண்ணலை அடுப்பில் வைத்து 10 நிமிடங்கள் வேகவைக்கவும். பின்னர் நன்றாகக் கிளறிவிட்டு மீண்டும் 10 நிமிடங்கள் வேகவைக்கவும். இப்படி மேலும் இரு தடவைகள் செய்ய வேண்டும். நான்காவது தடவை கலவையை நன்கு கிளறிய பின்னர் மேலும் 8 நிமிடங்கள் வேகவைக்கவும். இறுதியாகக் கலவையை வெளியே எடுத்து ஏலம், முந்திரிப்பருப்பு ஆகியவற்றைச் சேர்த்துக் கலந்து, உள்ளே வைத்து, மேலும் எட்டு நிமிடங்கள் வேகவைத்து எடுத்தல் வேண்டும்.