தோல் நீட்சிக் கோடுகள்
‘ஸ்ட்ரெட்ச் மார்க்ஸ்’ என்று ஆங்கிலத்தில் அழைக்கப்படும் இந்த வகையிலான தோற்றங்கள், தோலில் கோடுகள் அமைந்திருப்பதுபோல் தெரியும். சாதாரண தோலின் நிறத்தினைவிட சற்று பொலிவு குறைந்து தோற்றமளிக்கும் இந்தக் கோடுகள் பற்றி தோல் நோய் பற்றிய துறைகளில் குறிப்பிடப்பட்டுள்ளன. தோலின் அடிப்பகுதியில் உள்ள தோல்பகுதி நலிவடையும்போது சற்று வெளிப்புறத் தோற்றத்தில் காட்சியளிக்கும். ஆனால் அவை முழுமையாக மறையாது.
விரைவாக வளரும் தோல் அல்லது விரைவாக எடை அதிகரித்தல் ஆகியவற்றின் காரணமாக இதுபோன்ற கோடுகள் ஏற்படலாம். இவை தவிர ஹார்மோன்கள் மாற்றமடையும் உடல் நிகழ்வுகளான பருவமடைதல், கர்ப்பமடைதல், உடற்பயிற்சி, ஹார்மோன் மாற்று சிகிச்சை போன்றவற்றினாலும் இவை ஏற்படலாம்.[1] பெண்களின், கர்ப்ப காலத்தின் கடைசி மூன்று மாதங்களில் தொப்பை, மார்பகங்கள், தொடைகள், இடுப்பு, அடிமுதுகு மற்றும் பிட்டம் ஆகிய உடல் பாகங்களில் ஏற்பட வாய்ப்புகள் உண்டு. இவை ‘ஸ்ட்ரியே க்ராவிடரும்’ என்று ஆங்கிலத்தில் அழைக்கப்படுகிறது.[2]
குறிகள் மற்றும் அறிகுறிகள்
தொகுஇவற்றின் நிறம் ஆரம்பத்தில் சிவப்பு அல்லது ஊதா நிறத்தில் தோற்றமளிக்கும், பின்னர் சற்று மங்கத் தொடங்கும். இதனால் பாதிக்கப்பட்ட பகுதிகள் காலியாகவும், தொடுவதற்கு மிருதுவாகவும் தோன்றும்.[3] தோலின் வடிவத்தினைத் தக்கவைத்துக்கொள்ள உதவும் நெகிழ்திறன் கொண்ட நடுத்தர தோல் அடுக்கில் இதன் பாதிப்பு ஏற்படும். அடித்தோலில் தேவையான அளவிற்கு பிடிமானம் இருக்கும்வரை இந்த தோல் நீட்சிக் கோடுகள் பாதிப்பு ஏற்படுவதில்லை. தோலில் ஏற்படும் நீட்சி, எங்கு இந்த கோடுகள் தோன்ற வேண்டும், எத்திசையில் இருக்க வேண்டும், எவ்வளவு தூரம் பரவ வேண்டும் என்பதை முடிவு செய்கின்றன.
இந்த தோல் கோடுகள் உடலில் எங்கு வேண்டுமானாலும் தோன்றலாம். ஆனால், உடலில் எங்கு கொழுப்பு சேருகிறதோ அங்கு இவை தோன்றும் வாய்ப்புகள் அதிகம். அடிவயிற்றுப் பகுதி (குறிப்பாக தொப்புளுக்கு அருகே), மார்பகங்கள், மேற்புற கைகள், கீழ்ப்புற கைகள், தொடைகள் (உள் மற்றும் வெளி இரண்டும்), இடுப்புப் பகுதி மற்றும் பிட்டம் ஆகிய பகுதிகளில் இவை ஏற்படும் வாய்ப்புகள் அதிகம்.[4] இவை உடல் சுகாதாரம் மற்றும் நோய் ஏற்படுத்துதல் என்று எவ்வித தீங்கினையும் விளைவிக்காமல் தாமாகவே சரியாகிவிடுகின்றன.[5]
காரணங்கள்
தொகுஇந்த தோல் கோடுகளை அதிகப்படுத்தும் காரணிகள்: 324 பெண்களுக்கிடையே நட்த்தப்பட்ட ஆய்வு ஒன்றில், பெண்களுக்கு குழந்தை பிறந்தவுடன் உள்ள வயது (தாய்க்குரிய வயது), உயர் உடல் எடை அடர்த்தி, 15 கிலோவிற்கு அதிகமான எடை அதிகரிப்பு (33 பவுண்ட்ஸ்) மற்றும் பிறந்த குழந்தையின் எடை போன்றவை எவ்வித சம்மந்தமுமின்றி தோல் நீட்சிக் கோடுகளை அதிகப்படுத்துகின்றன என்று தெரியவந்துள்ளது. இளைஞர்களுக்கு, அதிகளவிலான தோல் நீட்சிக் கோடுகள் ஏற்படும் வாய்ப்புகளுள்ளன.[6]
கார்டிகோஸ்டெராய்டு கிரீம்கள், திரவ மருந்துகள், மாத்திரைகள் மற்றும் நாள்பட்ட மருந்துகளின் பயன்பாடுகள் போன்றவை தோல் நீட்சிக் கோடுகளைத் தோற்றுவிப்பதற்கான அல்லது அதிகப்படுத்துவதற்கான மருத்துவ ரீதியான காரணங்களாகும்.
உடலில் தொடர்புத் திசுக்களில் உள்ள புரதங்களைத் தொடரவிடாமல் செய்வதன் மூலம் தோல் நீட்சிக் கோடுகள் உருவாகின்றன. இந்தச் செயலை குளூக்கோகார்டிகோய்ட் ஹார்மோன்கள் செய்கின்றன. இதன் மூலம் தோல் விரைவாக வளரவும் செய்யும். இதன் மூலம் தோலினை பிடித்துவைக்கும் செயல் தளர்ந்து, தோல் நீட்சி அடைதல், அடித்தோல் மற்றும் மேற்த்தோல் கிழிதல் போன்றவை நிகழும்.
தடுக்கும் முறைகள்
தொகுபெண்களின் கர்ப்பக காலத்தில் ஏற்படும் தோல் நீட்சிக் கோடுகளைத் தடுக்கும் அல்லது குறைக்கும் கிரீம்கள் மற்றும் எண்ணெய்கள் எதுவும் முறையான ஆய்வுகள்படி இதுவரை கண்டறியப்படவில்லை.[7] குழந்தை பெற்றதற்குப் பிறகு சிலவிதமான சிகிச்சை முறைகள் மூலம் அந்த தோல் நீட்சிக் கோடுகள் அல்லது வடுக்களை குறைக்க இயலும்.[8]
பழங்காலத்துப் பெண்கள் முயற்சி செய்து கர்ப்பக காலத்தில் ஏற்படும் இந்த தோல் நீட்சிக் கோடுகளை குறைப்பதற்கான சில முன்னேற்படுகளைக் கண்டறிந்துள்ளனர். பழங்காலத்திய கிரேக்கர்கள் மற்றும் ரோமனியர்க்ள் ஆலிவ் எண்ணெயினை இதற்காகப் பயன்படுத்தினர். அதேபோல் சோமாலியர்கள் சாம்பிராணியினை இதே நோக்கத்திற்காகப் பயன்படுத்தினார்கள்.[9] இந்த இரு சிகிச்சை முறைகளும் தற்கால வழிமுறைகளில் அதிகமாக பயன்படுத்தப்பட்டு வருகின்றன. இதுகுறித்து செய்யப்பட்ட பல்வேறு ஆய்வுகளின் முடிவுகளில் வித்தியாசமான களிம்புகள் மற்றும் மருந்துகள் பல்வேறுபட்ட முரண்பட்ட விளைவுகளை ஏற்படுத்துவதாக தெரியவந்துள்ளது. சில முறையற்ற சிகிச்சை முறைகளில் ஆமணக்கெண்ணெய், கடற்பாசி, ஹோமியோபதி கிரீம்கள் மற்றும்/அல்லது எண்ணெய்கள் மற்றும் மேற்பூச்சு கிளைகோலிக் அல்லது பழ அமிலங்களை உபயோகித்தனர்.[10] இன்றுவரை தோல் நீட்சிக் கோடுகள் ஏற்படுவதைத் தடுக்கும்படியான முறையான செயல்முறைகள் கண்டுபிடிக்கப்படவில்லை.[11]
தோல் நீட்சிக் கோடுகளைத் தடுக்கும் சில வழிமுறைகள் பின்வருமாறு:
1. அதிக எடையினைக் கொடுக்கும் பொருட்களை உட்கொள்ளக் கூடாது.
2. ஆக்ஸிஜனேற்றம், வைட்டமின்கள் மற்றும் தாதுக்கள் அதிகம் கொண்ட உணவுப்பொருட்களை சரியான அளவில் உட்கொள்ள வேண்டும்.
3. போதுமான அளவு தண்ணீர் எடுத்துக்கொள்வது, தினமும் பயிற்சி செய்வது போன்றவை மிகவும் மலிவாக கிடைக்கக்கூடிய சிகிச்சை முறைகளாகும்.
4. தோலினை ஈரப்பதமாக வைத்திருப்பது தோல் நீட்சிக் கோடுகள் ஏற்படுவதைத் தடுக்கும். ஏனெனில் உலர்ந்த சருமத்தின் தோல், தோல் நீட்சிக் கோடுகளைத் தோற்றுவிக்கவல்லது.
5. ஸ்டீராய்டு மருந்துகளைத் தவிர்க்க வேண்டும்.
6. தோல் நீட்சிக் கோடுகளைத் தடுப்பதற்கும், குறைப்பதற்கும் வைட்டமின் சி மிகவும் உதவும். எனவே வைட்டமின் சி அதிகம் கொண்ட உணவுப் பொருட்களை எடுத்துக்கொள்ளலாம்.
குறிப்புகள்
தொகு- ↑ Bernstein, Eric. What Causes Stretch Marks?. 15 December 2008. The Patient's Guide to Stretch Marks. 30 September 2015
- ↑ "Are Pregnancy Stretch Marks Different?". American Pregnancy Association. Archived from the original on 2013-01-19. பார்க்கப்பட்ட நாள் 2015-09-30.
- ↑ "Stretch Mark". Encyclopædia Britannica. பார்க்கப்பட்ட நாள் 30 September 2015.
- ↑ "Stretch Marks Removal". drbatul.com. பார்க்கப்பட்ட நாள் 30 September 2015.
- ↑ "How to prevent and treat stretch marks". iVillage. Archived from the original on 4 பிப்ரவரி 2010. பார்க்கப்பட்ட நாள் 30 September 2015.
{{cite web}}: Check date values in:|archive-date=(help) - ↑ Atwal, G.S.S.; Manku, L.K.; Griffiths, C.E.M.; Polson, D.W. (2006). "Striae gravidarum in primiparae". British Journal of Dermatology 155 (5): 965–9. doi:10.1111/j.1365-2133.2006.07427.x. பப்மெட்:17034526. https://archive.org/details/sim_british-journal-of-dermatology_2006-11_155_5/page/965.
- ↑ Brennan, M; Young, G; Devane, D (14 November 2012). "Topical preparations for preventing stretch marks in pregnancy.". The Cochrane database of systematic reviews 11: CD000066. doi:10.1002/14651858.CD000066.pub2. பப்மெட்:23152199. http://www.ncbi.nlm.nih.gov/pubmedhealth/PMH0010450/.
- ↑ Tunzi, M; Gray, GR (15 January 2007). "Common skin conditions during pregnancy". American family physician 75 (2): 211–8. பப்மெட்:17263216. https://archive.org/details/sim_american-family-physician_2007-01-15_75_2/page/211.
- ↑ "Botany". பார்க்கப்பட்ட நாள் 30 September 2015.
- ↑ Ash, K; Lord, J; Zukowski, M (1998). "Comparison of topical therapy for striae alba (20% glycolic acid/0.05% tretinoin versus 20% glycolic acid/10% l-ascorbic acid)". Dermatol Surg 24: 849–56. doi:10.1111/j.1524-4725.1998.tb04262.x.
- ↑ Thomas, RGR; Liston, WA (2004). "Clinical associations of striae gravidarum". Journal of Obstetrics and Gynaecology 24 (3): 270–27. doi:10.1080/014436104101001660779.