நாசிகா அல்-துலைமி

நாஜிஹா ஜாவ்தெட் அஷ்கா அல் துலைமி (Naziha Jawdet Ashgah al-Dulaimi ) (பிறப்பு:1923, பாக்தாத் – இறப்பு: 2007 அக்டோபர் 9, ஹெர்டெக் ) இவர் ஈராக்கிய பெண்ணிய இயக்கத்தின் ஆரம்ப முன்னோடியாக இருந்தார். இவர் ஈராக்கிய மகளிர் அமைப்பின் [1] முதல் தலைவராகவும், ஈராக்கின் நவீன வரலாற்றில் முதல் பெண் அமைச்சராகவும், அரபு உலகில் முதல் பெண் தனி துறை அமைச்சராகவும் இருந்தார் [2] .

சுயசரிதை தொகு

அல்-துலைமி 1923 இல் பிறந்தார். பின்னர், இவரது தாத்தா அல்-மமமுதியாவை விட்டுவிட்டு, 19 ஆம் நூற்றாண்டின் பிற்பகுதியில் பாக்தாத்தில் குடியேறினார். இவர் அரச மருத்துவக் கல்லூரியில் மருத்துவம் பயின்றார். (பின்னர் பாக்தாத் பல்கலைக்கழகத்துடன் இணைக்கப்பட்டது). [2]மருத்துவக் கல்லூரியில் பயின்ற ஒரு சில பெண் மாணவிகளில் இவரும் ஒருவர். அந்த நேரத்தில் இவர் "பாசிசம் மற்றும் நாசிசத்தை எதிர்ப்பதற்கான மகளிர் சங்கத்தில்" சேர்ந்தார் . மேலும், அதன் பணிகளில் தீவிரமாக ஈடுபட்டார். பின்னர், சமூகம் அதன் பெயரை "ஈராக் பெண்கள் சங்கம்" என்று மாற்றியபோது, இவர் அதன் நிர்வாகக் குழுவில் உறுப்பினரானார்.

மருத்துவர் தொகு

1941இல் இவர் மருத்துவராக பட்டம் பெற்றார். பட்டம் பெற்ற பிறகு, பாக்தாத்தில் உள்ள அரச மருத்துவமனையில் மருத்துவராக நியமிக்கப்பட்டார். பின்னர் கார்க் மருத்துவமனைக்கு மாற்றப்பட்டார். அங்கு பணி புரிந்த் காலம் முழுவதும் இவர் முடியாட்சியின் பாதுகாப்பு எந்திரத்தால் துன்புறுத்தலுக்கு ஆளானார். ஏனெனில் ஏழைகள் மீதான இவரது அனுதாபம் மற்றும் ஷவாக்கா மாவட்டத்தில் உள்ள தனது மருத்துவமனையில் அவர்களுக்கு வழங்கிய இலவச மருத்துவ சிகிச்சை ஆகிய காரணங்களால் துன்புறுத்தப்பட்டார். சுலமானியாவுக்கு ( குர்திசுதான் ) மாற்றப்பட்ட பின்னர், இவரது மருத்துவமனை மீண்டும் தனது கவனிப்பையும் ஆதரவையும் ஆதரவற்ற நோயாளிகளுக்கு அடைக்கலமாக மாறியது. சுலமானியாவிலிருந்து இவர் கர்பலா, உமாரா போன்ற பல்வேறு நகரங்களுக்கும் மற்றும் மாகாணங்களுக்கும் மாற்றப்பட்டார்.

1948ஆம் ஆண்டில் இவர் ஈராக் கம்யூனிஸ்ட் கட்சியின் முழு உறுப்பினரானார். அந்த நேரத்தில் ஆளும் முடியாட்சியை எதிர்த்தார். 1948 சனவரியில், மருத்துவர் நாசிகா காலனித்துவ போர்ட்ஸ்மவுத் ஒப்பந்தத்திற்கு எதிரான மக்கள் எழுச்சியான "அல்-வாத்பா" மற்றும் பிற தேசபக்தி போராட்டங்களில் தீவிரமாக ஈடுபட்டார்.

நூல் தொகு

1952இல் இவர் ஈராக் பெண் என்ற தலைப்பில் ஒரு புத்தகத்தை எழுதினார். அதில் இவர் விவசாய வர்க்கத்தைச் சேர்ந்த பெண்களைப் பற்றி எழுதினார். அவை ஆண்கள் அடக்குமுறை மற்றும் வர்க்க ஒடுக்குமுறை ஆகியவற்றின் அடிப்படையில் அனைத்து உரிமைகளையும் பறித்தன. [3] உயர் வகுப்புகளைச் சேர்ந்த பெண்களைப் பற்றியும் இவர் எழுதியுள்ளார். அவை உயர்ந்த பொருள் அந்தஸ்தைக் கொண்டிருந்தன. ஆனால் ஆண்களால் பெண்கள் சொத்தாக கருதப்பட்டன, உண்மையான மனிதனாக அல்ல.

மகளிர் விடுதலை சங்கம் தொகு

இவர் ஈராக் பெண்கள் சங்கத்தை புதுப்பிக்க முயன்றார். மேலும் பன்னிரெண்டுக்கும் மேலான பெண்கள் ஆர்வலர்களின் ஆதரவுடன், "மகளிர் விடுதலை சங்கம்" அமைக்க அதிகாரிகளுக்கு விண்ணப்பித்தார். ஆனால் விண்ணப்பம் நிராகரிக்கப்பட்டது. இதற்கு பதிலளிக்கும் விதமாக, மருத்துவர் நாசிகா தலைமையிலான கையொப்பமிட்டவர்கள், ஈராக்கிய பெண் உரிமைகளைப் பாதுகாப்பதற்கான அமைப்பு என அதன் பெயரை மாற்றிய பின்னர், இரகசியமாக இருந்தாலும், எப்படியும் இந்த அமைப்பை அமைக்க முடிவு செய்தனர். [4] இதனால் இந்த அமைப்பு 1952 மார்ச் 10 அன்று நடைமுறைக்கு வந்தது. அமைப்பின் நோக்கங்களில் பின்வருமாறு: [5]

  • தேசிய விடுதலை மற்றும் உலக அமைதிக்கான போராட்டம்;
  • ஈராக் பெண்கள் உரிமைகளைப் பாதுகாத்தல்;
  • ஈராக் குழந்தைகளின் பாதுகாப்பு.

இறப்பு தொகு

பல ஆண்டுகளாக பலவீனப்படுத்திய பக்கவாதத்தின் விளைவுகளை எதிர்த்துப் போராடிய இவர், தனது 84 வயதில் 2007 அக்டோபர் 9 அன்று ஹெர்டெக்கில் இறந்தார்.

குறிப்புகள் தொகு

  1. Al-Ali, Nadje (2012-07-01), Arenfeldt, Pernille; Golley, Nawar Al-Hassan (eds.), "The Iraqi Women's Movement: Past and Contemporary Perspectives", Mapping Arab Women's Movements, American University in Cairo Press, p. 107, doi:10.5743/cairo/9789774164989.003.0005, ISBN 978-977-416-498-9, பார்க்கப்பட்ட நாள் 2020-03-08
  2. 2.0 2.1 "Dr. Naziha Jawdet Ashgah al-Dulaimi | Women as Partners in Progress Resource Hub". pioneersandleaders.org. Archived from the original on 2020-03-17. பார்க்கப்பட்ட நாள் 2020-03-08.
  3. Ali, Zahra (2018-09-13) (in en). Women and Gender in Iraq: Between Nation-Building and Fragmentation. Cambridge University Press. பன்னாட்டுத் தரப்புத்தக எண்:978-1-107-19109-9. https://books.google.com/books?id=xrBoDwAAQBAJ&pg=PA57&dq=Naziha+al-Dulaimi&hl=en&newbks=1&newbks_redir=0&sa=X&ved=2ahUKEwiOzP-ym4voAhWvj3IEHWCvBFEQ6AEwAnoECAMQAg#v=onepage&q=Naziha%20al-Dulaimi&f=false. 
  4. Women and Gender in Iraq: Between Nation-Building and Fragmentation. https://books.google.com/books?id=xrBoDwAAQBAJ&pg=PA57&dq=Naziha+al-Dulaimi&hl=en&newbks=1&newbks_redir=0&sa=X&ved=2ahUKEwiOzP-ym4voAhWvj3IEHWCvBFEQ6AEwAnoECAMQAg#v=onepage&q=Naziha%20al-Dulaimi&f=false. 
  5. "تأريخ الرابطة - رابطة المرأة العراقية". iraqiwomensleague.com. பார்க்கப்பட்ட நாள் 2020-03-08.
"https://ta.wikipedia.org/w/index.php?title=நாசிகா_அல்-துலைமி&oldid=3818849" இலிருந்து மீள்விக்கப்பட்டது