பக்த நாராயணா
பக்த நாராயணா (Bhatta Narayana) என்பவர் நிஷாநாராயணா என்றும் பத்த நாராயணா ம்ருகரஜலக்ஷ்மன் என்றும் அறியப்படுபவர், பிராமணர்களின் சாண்டில்ய குடும்பத்தின் பஞ்சராத்ர ராரி கிளையைச் சேர்ந்த சமஸ்கிருத அறிஞர் மற்றும் எழுத்தாளர் ஆவார். இவர் கிபி 800க்கு முன் வாழ்ந்துள்ளார். ஏனெனில் இவர் கி. பி 800-ல் வாமனனால் (iv.3.28) மேற்கோள் காட்டப்படுகிறார். மேலும் இவரை ஒன்றுக்கு மேற்பட்ட முறை ஆனந்தவர்தனால் குறிப்பிடப்படுகிறது. எட்டாம் நூற்றாண்டின் மத்தியில் பால வம்சம் ஆட்சிக்கு வருவதற்கு முன்பு ஆட்சி செய்த ஆதிசூர மன்னரால் கன்னியாகுப்ஜாவிலிருந்து (கன்னோசி) வங்காளத்திற்கு வரவழைக்கப்பட்டதாகவும், கி.பி 671-ல் கன்னியாகுப்ஜத்தை ஆண்ட மாதவகுப்தனின் மகனான ஆதித்யசேனனின் சமகாலத்தவராகவும் இருந்ததாக நம்பப்படுகிறது.
பௌத்த மதத்திற்கு மாறியதாக நம்பப்படும் பக்த நாராயணர், தர்மகீர்த்தியின் சீடராவார். இவருடன் இணைந்து நாராயணர் ரூபாவதாரத்தை எழுதியுள்ளார். தண்டின் தனது அவந்திசுந்தரிகாதாவில் பக்த நாராயணரை மூன்று புத்தகங்களின் ஆசிரியராகக் குறிப்பிடுகிறார். ஆனால் மகாபாரதத்தின் சில சம்பவங்களை ஆறு சட்டங்களில் நாடகமாக்கிய வேணிசம்ஹாரத்தின் ஆசிரியர் என்று பரவலாக அறியப்படுகிறார்.[1] இந்த நாடகத்தின் அமைப்பு சரியில்லாமல் இருக்கலாம் ஆனால் குணாதிசயமானது வீரியம் வாய்ந்தது; நாடக பாணியில் நீண்ட விவரிப்புத் திசைதிருப்பல்களில் விவரிக்கப்பட்டுள்ளன. இருப்பினும் கவிதையின் ஆற்றல், கசப்பான மற்றும் ஆவேசமான விளக்கங்கள், ஈர்க்கக்கூடிய சொல்நடை, பிரிக்கப்பட்ட காட்சிகள் மற்றும் சூழ்நிலைகளின் தெளிவான சித்தரிப்பு மற்றும் வீரியமான குணாதிசயங்கள் கொண்டுள்ளன. தாகூர் குடும்பம் மற்றும் நதியா ராஜ் குடும்பம் பக்த நாராயணரின் வம்சாவளியைச் சேர்ந்ததாகக் கூறுகின்றனர்.[1][2]
மேற்கோள்கள்
தொகு- ↑ 1.0 1.1 Datta, Amaresh (1987). Encyclopaedia of Indian Literature: A-Devo (in ஆங்கிலம்). Sahitya Akademi. பன்னாட்டுத் தரப்புத்தக எண் 978-81-260-1803-1.
- ↑ Murphy, Anne (2012-03-12). Time, History and the Religious Imaginary in South Asia (in ஆங்கிலம்). Routledge. பன்னாட்டுத் தரப்புத்தக எண் 978-1-136-70729-2.