பயனர்:K Ragul Karthikeyan 2110187/மணல்தொட்டி

அறிமுகம்

சிலப்பதிகாரம், ஆரம்பகால தமிழ் காவியம்.  இது கிட்டத்தட் 5,730 வரிகளை கொண்ட கவிதை.  இக்காவியம் கன்னகி மற்றும் அவளது கணவர் கோவல்வனின் சோகமான காதல் கதை.  தமிழ் பாரம்பரியத்தில் சிலப்பதிகரம் மிகவும் பழமையான வேர்களைக் கொண்டுள்ளது, ஏனெனில் கன்னகி மற்றும் கதையின் பிற கதாபாத்திரங்கள் நற்றிணையில் உள்ள சங்க இலக்கியங்களில் குறிப்பிடப்பட்டுள்ளன,  இதணை இலங்கோ அடிகளார் இயற்றியதாக கூறப்படுகிறது, மேலும் இது   கி.மு. 5 அல்லது 6 ஆம் நூற்றாண்டில் இயற்றப்பட்டிருக்கலாம்.

கதை:

புகார்க் காண்டம்

சிலப்பதிகாரம் முற்காலச் சோழ இராச்சியத்தின் செழித்தோங்கிய துறைமுக நகரில் அமைந்துள்ளது. கண்ணகியும் கோவலனும் புதுமணத் தம்பதிகள், காதலித்து, ஆனந்தமாக வாழ்கிறார்கள். நாளடைவில் கோவலன் மாதவியை (மாதவி) சந்திக்கிறான். அவள் மீது விழுந்து, கண்ணகியை விட்டுவிட்டு மாதவியுடன் நகர்கிறான். அவன் அவளிடம் பெருந்தன்மையாகச் செலவு செய்கிறான். கண்ணகி மனம் உடைந்து போகிறாள். ஆனால் கற்புள்ள பெண் என்ற முறையில் கணவனின் துரோகத்திற்கு மத்தியிலும் அவள் காத்திருக்கிறாள். மழைக் கடவுளான இந்திரனுக்கு திருவிழாவின் போது கானல் வரிப் பாடலைப் பாடினாள். பாடலின் பொருளைத் தவறாகப் புரிந்து கொண்ட கோவலன், மாதவியை விட்டுப் பிரிந்தான், பிரிந்தவன் தன் மனைவி கண்ணகியிடம் சென்றான்.

மதுரைக் காண்டம்

தான் இழந்த செல்வத்தை ஈட்ட எண்ணினான். வணிகம் செய்தற்பொருட்டு கண்ணகியுடன் மதுரைக்குச் சென்றான். அவர்களுக்கு வழித்துணையாகக் கவுந்தியடிகள் என்னும் சமணத் துறவியும் சென்றார். அவர், மதுரை நகர்ப்புறத்தில் மாதரி என்னும் இடைக்குல மூதாட்டியிடம் அவ்விருவரையும் அடைக்கலப்படுத்தினார். கோவலன் சிலம்பு விற்று வர மதுரை நகரக் கடை வீதிக்குச் சென்றான். விலை மதிப்பற்ற காற்சிலம்பு ஒன்றை கோவலன் விற்பதைப் பாண்டிய மன்னனின் பொற்கொல்லன் அறிந்தான்.

பாண்டிமாதேவியின் காற்சிலம்பைக் களவாடிய பொற்கொல்லன், பொய்யான பழியைக் கோவலன் மேல் சுமத்தினான். அதனை , சிலம்பைக் கொணர்க என்று ஆணையிட்டான். கோவலன் கொலை செய்யப்பட்ட செய்தியை மாதரி மூலம் அறிந்த கண்ணகி; பெருந்துயருற்றாள். அவள் தன் கணவன் கள்வன் அல்லன் என்பதை மன்னனுக்கும் உலகோர்க்கும் உணர்த்த எண்ணினாள். மன்னனின் அனுமதியோடு, வாயிற்காவலன், கண்ணகியை பாண்டிய மன்னனிடம் அழைத்துச் சென்றான். மன்னன் கண்ணகியை நோக்கி " நீரொழுகும் கண்களுடன் எம்முன் வந்து நிற்கும் நீ, யார்?" என வினவினான். கண்ணகி மன்னனை நோக்கி, "ஆராய்ந்து நீதி வழங்காத மன்னனே! உன்னிடம் கூறுவது ஒன்றொண்டு என உரைக்கத் தொடங்கினாள்.

"புறாவின் துன்பத்தைப் போக்கிய சிபி மன்னனும் தன் அரண்மனை மணி ஒலித்ததைக் கேட்டுப் பசுவின் துயர் அறிந்து தன் ஒப்பற்ற மகனையே தேர்ச்சக்கரத்திலிட்டுக் கொன்ற மனுநீதிச் சோழனும் வாழ்ந்த, பெரும்புகழுடைய புகார் நகரமே, யான் பிறந்த ஊர். அப்புகார் நகரில் பழியில்லாத சிறப்பினையுடைய புகழ்மிக்க குடியில் தோன்றிய மாசத்துவான் மகனை மணம் புரிந்தேன். வீரக்கழலணிந்த மன்னனே! ஊழ்வினைப் பயனால் வாழ்வதற்காக நின் மதுரை நகரத்திற்கு வந்து, என் காற்சிலம்பினை விற்க முயன்று, உன்னால் கொலை செய்யப்பட்ட கோவலன் மனைவி, நான். கண்ணகி என்பது என் பெயர் " என்று கூறினாள்.

பாண்டிய மன்னன் கண்ணகியிடம்" கள்வனைக் கொலை செய்தல் கொடுங்கோலன்று. அதுவே அரச நீதி என்று கூறினான். அதற்குக் கண்ணகி "அறநெறியில் செல்லாத அரசனே! என் காற்சிலம்பு, மாணிக்கப் பரல்களைக் கொண்டது" என்றாள். அதற்கு அரசன் "நீ கூறியது, நல்லதே! எம்முடைச் சிலம்பின் பரல்கள் முத்துகளே" என்றான். கோவலனிடமிருந்து கைப்பற்றிய சிலம்பைத் தருவித்து, அவள் முன் வைத்தான். வைத்த அச்சிலம்பினைக் கண்ணகி எடுத்து ஓங்கி உடைத்தாள். அதிலிருந்து வெளிப்பட்ட மாணிக்கப்பரல் ஒன்று பாண்டிய மன்னனின் உதட்டில்பட்டுத் தெறித்தது.

அம்மாணிக்கப் பரல்களைக் கண்ட பாண்டிய மன்னன் தாழ்வுற்ற குடையனாய், சோர்வுற்ற செங்கோலனாய், "பொன் தொழில் செய்யும் கொல்லனின் பொய்யுரை கேட்டு, அறநெறி தவறிய, நானோ அரசன்! நானே கள்வன். அறந்தவறாது குடிமக்களைக் காக்கும் தொன்மையாட்சி என் முதல் தவறியது. என் வாழ்நாள் அழியட்டும்" என்றவாறே மயங்கி வீழ்ந்தான். மன்னனின் மனைவி உள்ளங்கலங்கி, உடல் நடுங்கி, கணவனை இழந்த மகளிர்க்கு, எவ்விதத்திலும் ஆறுதல் கூற இயலாது என்று கூறித் தன் கணவனின் திருவடிகளை வணங்கி நிலத்தில் வீழ்ந்து இறந்தாள்.

கண்ணகி மதுரை மக்களைச் சபிக்கிறாள், அவளுடைய மார்பைக் கிழித்து, கூடியிருந்த பொது மக்கள் மீது எறிந்து, நகரமெங்கும் ஒரு தீப்பிழம்பைத் தூண்டினாள்.  அவள் சாபத்தால் மதுரை எரிந்து விழுகிறது.  கண்ணகி தீயின் வன்மம் பார்ப்பனர்கள், நல்லவர்கள், பசுக்கள், உண்மையுள்ள பெண்கள், ஊனமுற்றோர், முதியவர்கள், குழந்தைகள் தவிர அனைவரையும் கொன்றுவிடுகிறது.

வஞ்சிக் காண்டம்

கண்ணகி மதுரையை விட்டு வெளியேறி சேர நாட்டின் மலைப்பகுதிக்கு செல்கிறாள்.  தேவர்களும் தெய்வங்களும் கண்ணகியைச் சந்திக்கின்றன, தேவர்களின் ராஜா இந்திரன் தன் தேருடன் வருகிறான், கண்ணகி இந்திரனுடன் சொர்க்கத்திற்குச் செல்கிறாள்.  சேர சாம்ராஜ்யத்தின் அரச குடும்பம் அவளைப் பற்றி அறிந்து, கண்ணகியைக் கொண்ட ஒரு கோயிலைக் கட்டத் தீர்மானித்தது.  அவர்கள் இமயமலைக்குச் சென்று, ஒரு கல்லைக் கொண்டு வந்து, அவளுடைய உருவத்தைச் செதுக்கி, அவளுடைய தேவியை பத்தினி என்று அழைக்கிறார்கள், ஒரு கோவிலை பிரதிஷ்டை செய்கிறார்கள், தினசரி பூஜைக்கு உத்தரவிடுகிறார்கள், அரச யாகம் செய்கிறார்கள்.

நூலமைப்பு

காப்பியங்களுக்கான இலக்கண அமைப்பு அனைத்தும் பொருந்தி வரும்படி இயற்றப்பட்ட காப்பியமாகும். காவிரி, வைகை முதலான ஆறுகளும் புகார், உறந்தை, மதுரை, வஞ்சி முதலான நகரங்களும், குரவைக் கூத்து முதலிய கூத்துகளும், திருமால் முதலிய தெய்வங்களும், அடர்ந்து வளர்ந்த பெருங்காடுகளும் இந்நூலில் நன்கு வருணிக்கப்பட்டுள்ளன. அக்காலத் தமிழ் மக்களின் வாழ்க்கை பற்றிய செய்திகள் இதில் இடம் பெற்றுள்ளன. சிலப்பதிகாரப் பதிகம் இதனை உரையிடையிட்ட பாட்டுடைச் செய்யுள் எனக் குறிக்கின்றது. இடையிடையே உரைகளும் வரிப்பாட்டுகளும் கலந்து வந்துள்ளன. பொருட்செறிவு, தெளிவான இனிய எளிய நடையுடன், அணிகள் பல பொதிந்த தமிழின் வளமான நூலாகும். இறையனார் களவியல் உரைகாரர், இளம்பூரனார் போன்ற உரையாசிரியர்களால் மேற்கோளாக எடுத்தாளப்பட்ட பெருமை உடையது. தமிழறிஞர்களால் மிகுதியாக ஆய்வுக்கு உட்படுத்தப்பட்ட நூல் இதுவேயாகும். சிலப்பதிகாரம், நூல் முகத்தில் உரைப் பாட்டினையும், கானல் வரி, வேட்டுவ வரி, ஆற்றுவரி, ஊசல்வரி, கண்புகுவரி என்னும் இசைப்பாட்டுகளும் நிறைந்தது. புகார்க் காண்டம், மதுரைக் காண்டம் மற்றும் வஞ்சிக் காண்டம் எனும் உட்பகுப்புகளால் பிரிக்கப்பட்டுள்ளது.

காண்டங்கள்

புகார்க் காண்டம்

மதுரைக் காண்டம்

வஞ்சிக் காண்டம்

ஆசிரியர்: இளங்கோவடிகள்

இவர் இளவரசுப் பட்டத்தை விடுத்துத் துறவு வாழ்க்கையை மேற்கொண்டார். தன் அண்ணன் செங்குட்டுவனுடன் மலை வளம் காணச் சென்றபோது, கண்ணகியைப் பற்றிய செய்தியை சீத்தலைச் சாத்தனார் எனும் புலவர் மூலமாக அறிந்தார் இளங்கோ. கண்ணகியின் கற்பொழுக்கமும், பாண்டிய மன்னன் நெடுஞ்செழியனின் நேர்மையும் அரசியல் நடுநிலைமையும் அவரை மிகவும் கவர, மூவேந்தர்களுக்கும் உரிய தமிழின் உயர் காவியமாக சிலப்பதிகாரத்தை கவிபுனைந்தார் அவர்.

சிலப்பதிகாரம் கோவலன், கண்ணகி மற்றும் கோவலனின் துணைவி மாதவி ஆகியோரது வரலாற்றை விவரிக்கின்றது. இதன் இரட்டைக் காப்பியமாகத் திகழும் மணிமேகலை, ஆடலரசி மாதவியின் மகள் மணிமேகலையின் வரலாற்றை உரைக்கும் காவியமாகும். இதனை எழுதியவர் கூலவாணிகன் சீத்தலைச் சாத்தனார் என்னும் புலவர் ஆவார்.

குறிப்புகள்தொகு

https://indianculture.nvli.in/stories/silappadikaram-tale-anklet

Wikipedia contributors. (2022, September 6). Cilappathikaram. In Wikipedia, The Free Encyclopedia. Retrieved 14:39, November 11, 2022, from https://en.wikipedia.org/wiki/Cilappatikaram

• இப்பக்கத்தைக் கடைசியாக 16 நவம்பர் 2022, 14:08 மணிக்குத் திருத்தினோம்.