Theera Punnagai
" சர்வதேச உடல் ஊனமுற்றோர் தினம் 3-12-2018
சிறப்பு பதிவு
"தீரா புன்னகை "
திவ்யா,திருச்சி மாவட்டத்தில் ஒரு கிராமத்தில் விவசாய குடும்பத்தில் பிறந்தவர்.
தண்டுவட பாதிப்பை எதிர் கொண்டு இன்று காதல் திருமணம்,அழகிய குழந்தைக்கு தாய் என்று நிறைவான வாழ்வில் மகிழ்ச்சியாக உள்ளார். இந்த நிலையை அடைவதற்கு முன் பல சவால்களை திவ்யா சந்தித்தார். பிறக்கும்போதே இவரது முதுகில் ஒரு சிறு கட்டி இருந்தது.அப்போது அதனால் எந்த பின் விளைவும் இல்லை.ஆனால் பின்னர் படிப்படியாக இவரது தொடு உணர்ச்சி குறையத் தொடங்கியது. வலது கால் இயக்கம் குறைய ஆரம்பித்தது 7 வயதில் இவரது தொடைப்பகுதியில் ஒரு பெரிய தீக்காயமும் ஏற்பட்டது.
டாக்டர்களின் ஆலோசனைப்படி இவருக்கு 9 வயதில் தண்டுவட அறுவை சிகிச்சை செய்யப்பட்டது. ஆனாலும் பின்னர் படிப்படியாக இவரது கால்களில் இயக்கம் குறைந்தது.கால்களில் அழுத்தப் புண்கள் ஏற்பட்டது.
இந்த சூழ்நிலையிலும் இவர் 10 ம் வகுப்பு படித்து முடித்தார். பல உடல்ரீதியான போராட்டங்களுக்கு பின் விடுதியில் தங்கி படித்து 12 ம் வகுப்பு படித்து தேறினார் பின்னர் சென்னை அண்ணா பல்கலைகழகத்தில் பொறியியல் படிப்பை முடித்தார். வளாகத் தேர்வின் மூலமாக ஒரு பன்னாட்டு நிறுவனத்தில் பணியில் சேர்ந்தார். ஸ்பினா பிஃப்டா ( Spina Bifida) என்ற தண்டுவட பாதிப்பாளரான இவர் உடல்நிலையால் திருமணம் செய்து கொள்வதை பற்றியே நினைக்கவில்லை. இவரை காதலித்த ராஜேஷ் திவ்யாவை திருமணம் செய்து கொள்ள விரும்பினார்.ஆனால் திவ்யாவிற்கு உடல்ரீதியான பிரச்சினைகளால் ராஜேஷின் காதலை ஏற்க பல தயக்கங்கள் இருந்தன. இரண்டு வருடங்களுக்கு பின் வழக்கமாக வரும் குடும்ப எதிர்ப்புகளை சந்தித்து 2017 ம் வருடம் இவர்கள் திருமணம் நடைபெற்றது, 3 மாதங்களில் கர்ப்பமுற்ற திவ்யாவிற்கு மருத்துவரீதியாக வழிகாட்ட முன்னோடி யாரும் இல்லை. திவ்யா - ராஜேஷ் இவர்களின் முதலாவது ஆண்டு திருமண நாளில் ( 29-5-2018)அழகிய பெண் குழந்தைக்கு திவ்யா தாயானார். உடலளவில் பல சோதனைகளை வெற்றிகரமாக கடந்து தன்னம்பிக்கையுடன் பலருக்கு முன்னுதாரமாக வாழும் திவ்யாவையும் ,துணையாக இருக்கும் ராஜேஷையும் வாழ்த்துவோம் இவர்களின் அன்பு மகள் பெயர் "தீராப் புன்னகை"
- TheSpinalFoundation
- SpinalindiaHelpline 1800 425 1210
- SpinalindiaPeer
- Ganesan 90439 48360