பரங்கி சாம்பிராணி
பாசுவெல்லியா செரேட்டா (Boswellia serrata) என்னும் தாவரப்பெயர் கொண்ட பரங்கி சாம்பிராணி ஆசியா மற்றும் ஆப்பிரிக்கா நாடுகளில் காணப்படும் மருத்துவ குணம் கொண்ட ஒரு வகை மரமாகும். இந்தியா மற்றும் பாக்கித்தான் நாடுகள் இதன் தாயகமாகும்.[1]இதனை பால் சாம்பிராணி , குந்துருக்கம், குந்தலிங்கம், நறும்பிசின், குமைஞ்சான், தூபவர்க்கம் என்றும் கூறலாம். பரங்கி சாம்பிராணிக்கு இந்தியன் ஃப்ரன்கின்சென்ஸ் என்ற பெயரும் உண்டு. பர்செராவே குடும்பத்தைச் சார்ந்தது. இது உலகின் பழமையான ஆயுர்வேதத்தில் பயன்படுத்தப்படும் ஒரு மூலிகை தீர்வாகும். மூட்டு முடக்குவாதத்திற்கு அருமருந்தாக கருதப்படுகிறது.
.jpg)
வாழிடம்
தொகுஇந்தியாவில் பீகார், ஒரிசா, ராஜஸ்தான், குஜராத், அஸ்ஸாம் ஆகிய மாநிலங்களில் காணப்படுகிறது. தமிழ்நாட்டில் கல்வராயன், சேர்வராயன் மலைப்பகுதிகளில் காணப்படுகிறது . மலைச்சரிவுகளில் 500-700 மீ உயரப்பகுதியில் வளரும்.
இம்மரம் 15 மீ உயரம் வளரும் . முதிர்ந்த பட்டை வெள்ளையாக வழவழப்பாக இருக்கும் . தண்டு உடையக்கூடியது.
இலையோரம் சாய்வாகவும், இலை நுனி கூர்மையாக இருக்கும். இலை காம்பு 2-6 செமீ நீளம் உடையது . பூக்காம்பு தனியாகவோ, கொத்தாகவோ இருக்கும் .
இத்தாவரம் தற்போது நீடித்து நிலைக்க முடியாத நடைமுறைகளால் அழிக்கப்படும் அபாயத்தில் உள்ளது.[2]
மேற்கோள்கள்
தொகு- ↑
- USDA, ARS, GRIN. பரங்கி சாம்பிராணி in the மூலவுயிர்முதலுரு வளவசதிகள் தகவற் வலையகம், ஐக்கிய அமெரிக்காவின் வேளாண்துறை ஆராய்ச்சி சேவையகம். Accessed on 15 October 2014.
- ↑ Bongers, Frans; Groenendijk, Peter; Bekele, Tesfaye et al. (2019). "Frankincense in peril". Nature Sustainability 2 (7): 602–610. doi:10.1038/s41893-019-0322-2. பன்னாட்டுத் தர தொடர் எண்:2398-9629. Bibcode: 2019NatSu...2..602B.