பஹ்மிதா உசைன்

முனைவர் பஹ்மிதா உசைன் (இயற்பெயர் பஹ்மிதா மேமன்) ( Fahmida Hussain ) பாக்கித்தானின் நன்கு அறியப்பட்ட எழுத்தாளரும், அறிஞரும், மொழியியலாளரும், அறிவுஜீவியும் ஆவார். இலக்கியம், மொழியியல், பெண் ஆய்வுகள் மற்றும் மானுடவியல் ஆகிய துறைகளில் இவரது பணிகள் இருந்தன. இவர் இலக்கிய விமர்சனம், சிந்தி மொழியின் பல்வேறு அம்சங்கள், ஷா அப்துல் லத்தீஃப் பிட்டாயின் கவிதைகள் மற்றும் பாலினப் பிரச்சினைகள் பற்றிய சிறப்புக் குறிப்புடன், இலக்கிய விமர்சனம், மொழியியல் ஆகிய தலைப்புகளில் பல ஆய்வுக் கட்டுரைகளுடன் 15 க்கும் மேற்பட்ட புத்தகங்களை எழுதியுள்ளார். கடந்த 40 ஆண்டுகளாக பல்வேறு செய்தித்தாள்கள் மற்றும் பத்திரிகைகளில் பத்திகள், கட்டுரைகள் மற்றும் விமர்சனங்களை எழுதி வருகிறார்.

சொந்த வாழ்க்கை

பாக்கித்தானின் ஐதராபாத் சிந்து மாவட்டத்தில் உள்ள டாண்டோ ஜாமில் ஜூலை 5, 1948 இல் இலக்கியக் குடும்பத்தில் பிறந்தார். இவரது தந்தை முகமது யாக்கோன் "நியாஸ்" ஹபீஸ் ஷிராசியின் கவிதைகளை பாரசீக மொழியிலிருந்து சிந்தி மொழிக்கு மொழிபெயர்த்த அறிஞர் ஆவார். அவரது சகோதரர் சிராஜுல் ஹக் மேமனும் நன்கு அறியப்பட்ட எழுத்தாளர் மற்றும் ஆராய்ச்சியாளர் ஆவார். சிறந்த பாரம்பரிய மாயக் கவிஞரான ஷா அப்துல் லத்தீப் பித்தாய் பற்றிய ஆய்வும் மேற்கொண்டார். மே 2008 முதல் மார்ச் 2015 வரை சிந்தி மொழி ஆணையத்தின் தலைவராக இருந்தார். அதற்கு முன் இவர் கராச்சி பல்கலைக்கழகத்தின் ஷா அப்துல் லத்தீஃப் இருக்கையின் இயக்குநராக பத்து ஆண்டுகள் பணியாற்றினார். அதற்கு முன்பு அதே பல்கலைக்கழகத்தில் சிந்தி துறையின் பேராசிரியராகவும் தலைவராகவும் பணியாற்றினார். சிறுவயதிலிருந்தே சிறுகதைகள் மற்றும் கவிதைகள் எழுதத் தொடங்கினார். அப்துல் உசேன் என்பவருடன் திருமணமாகி 3 குழந்தைகள் உள்ளனர்.

வெளி இணைப்புகள்

• https://web.archive.org/web/20080819184811/http://www.presidentofpakistan.gov.pk/NationalAwards.aspx
• https://web.archive.org/web/20080527221947/http://www.sindhtoday.net/world/328.htm
• http://www.uok.edu.pk/faculties/sindhi/index.php
• Dawn Review: Profile on Fahmida Hussain (1999) [1]
• Shah Latif Chair Publications [2]
• Dawn, June 5, 2008: Dr Fahmida appointed SLA Chairperson [3]