பாம்பு இளவரசன் (கதை)
பாம்பு இளவரசன் என்பது ஒரு இந்திய விசித்திரக் கதை, இது ஃபெரோஷெபூரில் மேஜர் காம்ப்பெல் என்பவரால் சேகரிக்கப்பட்ட ஒரு பஞ்சாபி கதை ஆகும். ஆண்ட்ரூ லாங் அதை ஆலிவ் தேவதை புத்தகத்தில் (1907) சேர்த்துள்ளார். [1] [2]
கதைச் சுருக்கம்
தொகு
ஒரு ஏழை மூதாட்டி, சாப்பிட எதுவும் இல்லாமல், கடைசியாக ஆற்றில் குளித்து விட்டு மீன்பிடித்து சாப்பிட எண்ணி ஆற்றுக்குச் செல்கிறாள். அவள் ஆற்றில் இருந்து வெளியே வந்தபோது, அவளுடைய மீன்கூடையில் ஒரு விஷ பாம்பு இருப்பதைக் காண்கிறாள். அது அவளைக் கடித்து அவளுடைய துயரத்தை முடிவுக்குக் கொண்டுவரவேண்டும் என்று ஆசைப்பட்டு அதை வீட்டிற்கு எடுத்துச் செல்கிறாள், ஆனால் வீட்டிற்கு சென்று கூடையைத் திறந்தவுடன், பாம்பிற்கு பதில் ஒரு விலையுயர்ந்த நகையை காண்கிறாள், அந்த நகையை எடுத்து சென்று அந்நாட்டு அரசனிடம் விற்றுவிடுகிறாள். அரசனும் அந்த நகையை தன மார்பில் அணிந்து கொள்கிறான். விரைவில், அதை அவர் ராணியைக் காண்பிப்பதற்காக திறந்தபோது, அங்கே நகைக்கு பதிலாக அவர்கள் ஒரு ஆண் குழந்தையைக் காண்கிறார், அவரை ராஜாவும் அவரது மனைவியும் தங்கள் மகனாக, இளவரசனாக வளர்க்கிறார்கள், மேலும் வயதான பெண்ணையே அந்த இளவரசனுக்கு செவிலியராக பணியாற்ற செய்கிறார்கள். அவன் வளர்ந்து விவரம் தெரிந்ததும், அந்த மூதாட்டி அந்த பையன் எப்படியாக வந்தான் என்று அவள் விளக்கினாள்.
இந்த அரசன், தனது அண்டை நாட்டு மன்னரின் மகளை, இளவரசனுக்கு திருமணம் செய்து கொடுக்க எண்ணி இருவரும் ஒப்புக்கொள்கிறார்கள். ஆனால் அண்டை நாட்டு மன்னனின் மகள் திருமணம் செய்யச் செல்லும்போது, அவளுடைய தாயார் அந்த இளவரசனின் ரகசியத்தை பற்றி கேட்கும்படி எச்சரிக்கிறார். திருமணம் முடிந்த இரவே அந்த இளவரசன் மீண்டும் பாம்பாக மாறிவிட்டான். இளவரசனைக் காணாத அந்த இளவரசி யாரிடமும் பேசாமல் இளவரசன் காணாமல் போன இடத்திலேயே நின்று புலம்புகிறார், பாம்பாக மாறிய இளவரசனோ அவளிடம் வந்து, அறையின் நான்கு மூலைகளிலும் பால் மற்றும் சர்க்கரைக் கிண்ணங்களை வைத்தால், பாம்பு ராணியின் தலைமையில் பல பாம்புகள் வரும் என்றும் அப்படியே அந்த ராணியின் வழியில் பயப்படாமல் சென்றால், அவள் கணவனைக் கேட்கலாம்; ஆனால் அவள் பயந்து தன் பயணத்தை தொடரவில்லை என்றால், அவளால் அவனை ஒருபோதும் திரும்ப பெற முடியாது என்று கூறியுள்ளான்.
இளவரசி அவன் சொன்னபடி பாம்பு ராணிக்கு பயப்படாமல் பின்சென்று, தன் கணவனை மீண்டும் உருவம் மாற்றி கூட்டி வந்து நல்லபடியாக வாழ்கிறார்கள். [3]
பகுப்பாய்வு
தொகுகதை வகை
தொகுஇந்தக் கதை ஆர்னே-தாம்சன்-உதர் வகைப்பாட்டில் ATU 425A வகையாக வகைப்படுத்தப்பட்டுள்ளது, " இழந்த கணவனுக்கான தேடல் ". [4] எனப்படும் இந்தக் கதைகள் ஒரு மிருகக் கணவனை மணந்த ஒரு மனிதக் கன்னியைப் பற்றிக் குறிப்பிடுகின்றன, அது உண்மையில், ஒரு மாயாஜால மாறுவேடத்தில் ஒரு மனித இளவரசன். அவர் மறைந்துவிடுகிறார், அவள் அவனைத் திரும்பப் பெற வேண்டும். [2] என்பதே கதையின் கருவாகும்.
தொடர்புடைய கதைகள்
தொகுஇந்திய நாட்டுப்புறக் கதைகள் மற்றும் தொடர்புடைய கதைகளின் தொகுப்பான பஞ்சதந்திரத்தில் ஒரு கன்னிப் பெண் பாம்பை மணந்த கதை சான்றளிக்கப்பட்டிருப்பதாகவும் புலமைப்பரிசில் சுட்டிக்காட்டுகிறது.
உருவகங்கள்
தொகுஸ்டித் தாம்சன் மற்றும் ஜோனாஸ் பையெஸ் ஆகியோரின் கருத்துப்படி இந்திய இலக்கியம் மற்றும் வாய்வழி நாட்டுப்புறக் கதைகள் பற்றிய ஆய்வு, கதை D432 "உருமாற்றம்: ஒரு நபருக்கு கனிம வடிவம்" (இந்த கதையில், ஒரு நகை ) என்ற மையக்கருத்தைக் கொண்டுள்ளது.
மேலும் பார்க்கவும்
தொகுமேற்கோள்கள்
தொகு- ↑ Lang, Andrew. The Olive Fairy Book,"The Snake Prince"
- ↑ 2.0 2.1 Lang, Andrew; Philip, Neil. A World of fairy tales. New York: Dial Books, 1994. p. 254.
- ↑ Lang, Andrew. The Olive Fairy Book. London; New York: Longmans, Green. 1907. pp. 247-255.
- ↑ Silver, Carole G. "Animal Brides and Grooms: Motif B600 and Animal Paramour, Motif B610". In: Jane Garry and Hasan El-Shamy (eds.). Archetypes and Motifs in Folklore and Literature. A Handbook. Armonk / London: M.E. Sharpe, 2005. p. 96.