பிரெட்ரிக் போர்சித்
ஃபிரெட்ரிக் ஃபோர்சித் அல்லது ஃபிரெட்ரிக் ஃபார்சித் (Frederick Forsyth, ஆகஸ்ட் 25, 1938) ஒரு ஆங்கில எழுத்தாளர். இவரது உளவுப்புனைவு மற்றும் பரபரப்புப் புனைவுப் புதினங்கள் உலகப் புகழ் பெற்றவை.[1][2][3]
ஃபிரெடரிக் ஃபோர்சித் | |
|---|---|
| பிறப்பு | 25 ஆகத்து 1938 ஆஷ்ஃபோர்ட், கென்ட், இங்கிலாந்து |
| தொழில் | எழுத்தாளர் |
| தேசியம் | பிரிட்டானியர் |
| காலம் | 1969 – நடப்பு |
| வகை | உளவுப்புனைவு, பரபரப்புப் புனைவு |
| இணையதளம் | |
| http://www.frederickforsyth.co.uk/ | |
இங்கிலாந்தில் கெண்ட் மாநிலத்தில் பிறந்த ஃபோர்சித் தன் இள வயதில் பிரிட்டனின் வேந்திய வான்படையில் சேர்ந்து விமானியாகப் பணியாற்றினார். பின்னர் பத்திரிக்கையாளராக மாறி ராய்ட்டர்ஸ், பிபிசி போன்ற நிறுவனங்களில் வேலை செய்தார். 1967ல் நைஜீரிய உள்நாட்டுப் போரைப் பற்றி செய்தி சேகரிக்க நைஜீரியாவில் பிபிசி நிருபராகப் பணியாற்றினார். உள்நாட்டுப் போரில் ஒரு தரப்பான பயாஃபராவுக்கு சார்பாகச் செய்திகளை வெளியிட்டார் என்ற குற்றாச்சாட்டு எழுந்ததால் பிபிசியை விட்டு வெளியேறினார். தனது நைஜீரிய அனுபவங்களை தி பயாஃபரா ஸ்டோரி (The Biafra Story) என்ற பெயரில் 1969ல் அபுனைவு புத்தகமாக வெளியிட்டுள்ளார்.
அமைப்பு சார்பற்ற எழுத்தாளராகப் பணியாற்றிய போது இதழாளர்கள் பயன்படுத்தும் புலனாய்வு முறைகளை பயன்படுத்தி ஒரு புதினம் எழுதும் எண்ணம் அவருக்குத் தோன்றியது. அதன்படி எழுதப்பட்ட தி டே ஆஃப் தி ஜாக்கால் (The Day of the Jackal) 1971ல் வெளியாகி பெருவெற்றி பெற்றது. பிரெஞ்சு அதிபர் சார்லஸ் டி கோலைப் படுகொலை செய்ய மேற்கொள்ளப் படும் ஒரு (கற்பனை) சதிமுயற்சியைக் களமாகக் கொண்டு எழுதப்பட்ட இப்புதினம், ஆங்கில பரபரப்புப் பாணியில் ஒரு திருப்பு முனையாக அமைந்தது. உலகெங்கும் லட்சக்கணக்கான படிகள் விற்பனையாகி சிறந்த எழுத்தாளுருக்கான எட்கர் ஆலன் போ விருதையும் ஃபோர்சித்துக்குப் பெற்றுத் தந்தது. உண்மையாக நிகழ்ந்திருக்கக் கூடிய சம்பவங்களின் அடிப்படையில் பன்னாட்டு அரசியல், உளவுத் துறைகள், போர்கள் போன்ற விஷயங்களைக் களமாகக் கொண்டு ஃபார்சித் மேலும் பல புதினங்களை எழுதினார். அவையும் வாசகர்களிடையே பலத்த வரவேற்பைப் பெற்றன. பல மொழிகளில் மொழிபெயர்க்கப் பட்ட அவற்றுள் சில திரைப்படங்களாகவும் தொலைக்காட்சித் தொடர்களாகவும் எடுக்கப்பட்டுள்ளன.
ஃபோர்சித் ஒரு பழமைவாதக் கட்சி ஆதரவாளர். ஐரோப்பிய ஒன்றியத்துடன் பிரிட்டன் இணையக் கூடாது என்ற நிலையைக் கொண்டவர்.
எழுதிய புத்தகங்கள்
தொகு| வருடம் | புத்தகம் | தலைப்பு |
|---|---|---|
| 1969 | தி பயாஃபரா ஸ்டோரி | அபுனைவு |
| 1971 | தி டே ஆஃப் தி ஜாக்கால் | |
| 1972 | தி ஒடிசா ஃபைல் | |
| 1974 | தி டாக்ஸ் ஆஃப் வார் | |
| 1975 | தி ஷெப்பெர்ட் | சிறுகதை |
| 1979 | தி டெவில்ஸ் ஆல்டர்நேட்டிவ் | |
| 1982 | எமெக்கா | வாழ்க்கை வரலாறு |
| 1982 | நொ கம்பாக்ஸ் | சிறுகதைத் தொகுப்பு |
| 1984 | தி ஃபோர்த் புரோட்டாக்கால் | |
| 1989 | தி நெகோஷியேட்டர் | |
| 1991 | தி டிசீவர் | |
| 1991 | கிரேட் ஃபிளயிங் ஸ்டோரீஸ் | தொகுப்பாசிரியர் |
| 1994 | தி ஃபிஸ்ட் ஆஃப் காட் | |
| 1996 | ஐக்கன் | |
| 1999 | தி ஃபாண்டம் ஆஃப் தி மன்ஹாட்டன் | |
| 2001 | தி வெடரன் | சிறுகதைத் தொகுப்பு |
| 2003 | தி அவெஞ்சர் | |
| 2006 | தி ஆஃப்கன் | |
| 2010 | தி கோப்ரா |
வெளி இணைப்புகள்
தொகுமேற்கோள்கள்
தொகு- ↑ Leeman, Sue (3 September 2006). "Forsyth Looks at World of Al-Qaida". Associated Press. https://news.google.com/newspapers?nid=2199&dat=20060903&id=XWxUAAAAIBAJ&pg=6521,848695&hl=en.
- ↑ "No. 40902". இலண்டன் கசெட் (Supplement). 16 October 1956. p. 5846.
- ↑ "No. 41165". இலண்டன் கசெட் (Supplement). 3 September 1957. p. 5169.