பிளம்பைட்டு

பிளம்பைட்டு (Plumbite) என்பது PbO₂⁻² என்ற ஆக்சியெதிர்மின் அயனியைக் கொண்டிருக்கும் எந்தவொரு உப்பையும் குறிக்கும். இந்த உப்புகளில் ஈயம் +2 என்ற ஆக்சிசனேற்ற நிலையில் காணப்படுகிறது. பிளம்பேட்டு(II) என்ற ஐயுபிஏசி பெயருக்கு பாரம்பரியமாக பிளம்பைட்டு என்ற பெயர் வழங்கப்பட்டு வந்தது.

உதாரணமாக ஈய(II) ஆக்சைடு (PbO) நீர்க்காரத்தில் கரைந்து HPbO⁻₂ என்ற எதிர்மின் அயனியைக் கொண்ட உப்பை உருவாக்குகிறது. :

PbO + OH⁻ → HPbO⁻₂

ஈய(II) ஐதராக்சைடும் மிகையளவு நீர்க்காரத்தில் கரைந்து Pb(OH)⁴⁻₆ என்ற எதிர்மின் அயனியைத் தருகிறது.

Pb(OH)₂ + 4 OH⁻ → Pb(OH)⁴⁻₆

பிளம்பைட்டு அயனி ஒரு வலிமை குறைந்த ஒடுக்கும் முகவராகும். இம்முகவராகச் செயல்படும் போது இது பிளம்பேட்டாக ஆக்சிசனேற்றம் அடைகிறது.