பேச்சு:கலை

கலை என்னும் கட்டுரை தமிழ் விக்கிப்பீடியாவின் மேம்பாடு கருதி உருவாக்கப்பட்ட தொடர்பங்களிப்பாளர் போட்டி மூலம் விரிவாக்கப்பட்டது ஆகும்.

கலை என்பதற்குப் பொருள்:

1. மதியின் பங்கு
2. சீலை
3. கல்வி, விஞ்ஞை, வித்தை, ஊதியம், சாலம், ஓதி, உறுதி, கேள்வி
4. நூல்
5. கலைமான்
6. மேகலை
7. ஊதுகொம்பு
8. அசுவினி நட்சத்திரம்
9. ஆசினி
10. சேகு
11. காழ்ப்பு
12. மரத்தின் வயிரம்
13. மகரமீன், சுறா, மீனேறு
14. இரலை, வச்சயம், புல்வாய், கருமான்
15. காலநுட்பத்தின் பெயர்
16. துடி
17. திதி

அகத்தியர், தன் பாக்களிலே, யோகம் ஞானம் வரும்போது கலைஞானமென சூரிய, சந்திர, அக்கினி கலைகளைத்தான் கூறிவந்துள்ளார்.

"பீடமடா முதல் பீடம் ரவிதான் சூரியன் பிலத்ததொரு கோடாகோடி பிரபை வீசும் மாடமடா மதிசந்திரனிரண்டாம் பீடம் மகத்தான கோடாக்கோடி கலை தானாகும் ஏடமாமிரவி அக்கினிதான் மைந்தா யென்மகனே மூன்றாம் பீடமியல்பதாகும் ஆடமாமதிக செகச் சோதியான அக்கினிதான் கோடா கோடி அடவிதாமே." இங்கே நாடிகலைகளைக் குறிப்பிட்டுள்ளார்.

"ஆதியந்தஞ் சோதியொளி ரவியில் நின்ற அகண்ட பரிபூரணத்தின் மதியே போற்றி வேதியனும் மாலயனும் பணிந்து போற்றும் விந்து நாத பீடபிரம்மம் போற்றி சாதியெனுமாயி சரசுவதியே யம்பாள் சகலகலை வாமியுடைக் கமலம் போற்றி நாதியெனும் மறைநாலு வேதமான நாதாந்த கணேச குண்டலி காப்பாமே." இங்கு சகலகலையென 64கலைகளக் குறிப்பிடுகிறார்.

சோதிடம் கூறும்போது அசுவினியையும், திதிகளையும் குறிக்கிறார். மருத்துவம், பஞ்சபட்சி சொல்லும்போது மறைபொருள் குறிக்கும் சொற்களைப் பயன்படுத்துகிறார்.

ஆக, சொல்லும் சாற்றிறத்திற்கேற்ப கலைஞானத்தின் பொருள் மாறுகிறது .

கலை

புவியியற் தகவற் தொழில் நுட்பத்தில் கலை = Minute என்றவாறு வரவேண்டும் என்று நினைக்கின்றேன். யாராவது சரிபார்க்கவும் தமிழில் புவியியற் தகவற் தொழில்நுட்பம் சம்பந்தமாகத் தற்போது நூல்கள் என்னிடம் இல்லை. கூகிள் ஏர்த் கட்டுரை இங்கு சுட்டுவதால் வழிமாற்றுப்பக்கம் அமைக்கலாம் அல்லது கூகிள் ஏர்த் கட்டுரையில் மாற்றத்தை ஏற்படுத்தலாம். --Umapathy 08:04, 24 ஜூன் 2007 (UTC)