மலேசிய மரத்தவளை

மலேசிய மரத்தவளை
உயிரியல் வகைப்பாடு
உலகம்:	மெய்க்கருவுயிரி
திணை:	விலங்கு
பிரிவு:	முதுகெலும்பி
வகுப்பு:	நீர்நில வாழ்வன
குடும்பம்:	இராணிடே
பேரினம்:	கைலரானா
இனம்:	கை. மலாயானா
இருசொற் பெயரீடு
கைலரானா மலாயானா (செரிடன் மற்றும் இசுடூவர்ட், 2018)
வேறு பெயர்கள்
சில்வீரனா மலையானா (செரிடன் மற்றும் இசுடூவர்ட், 2018)

கைலரானா மலாயானா (Hylarana malayana), மலேசிய ஓடைத் தவளை, மலேசிய மரத்தவளை அல்லது மலேசிய இருண்ட பக்க தவளை, இராணிடே குடும்பத்தில் உள்ள ஒரு தவளை சிற்றினம் ஆகும். இது மியான்மர் மற்றும் இந்தியாவில் மட்டுமே காணப்படும் அகணிய உயிரி.

வகைப்பாட்டியலாளர்கள் இந்த தவளையை சில்விரானா நிக்ரோவிட்டட்டாவின் சகோதர குழுவாகக் கருதுகின்றனர்.

விளக்கம்

வயது முதிர்ந்த ஆண் தவளை 42.2 முதல் 48.8 மி.மீ. உடல் நீளமும், வயது முதிர்ந்த பெண் தவளை 47.2 முதல் 56.8 மி.மீ. நீளமும் உள்ளன. இந்த தவளை நடுத்தர-பழுப்பு நிறத்தில் சிறிய கரும்புள்ளிகளுடன் இருக்கும். இதன் உதடுகள் வெண்மையானவை. இதன் உடலின் ஒவ்வொரு பக்கத்திலும், மூக்கிலிருந்து இடை வரை பரந்த, இருண்ட பட்டை உள்ளது. இதன் வயிறு வெண்மையானது.

இந்த தவளையின் தாடையில் வோமரின் பற்கள் மற்றும் ஏறுவதற்குக் கால்விரல்களில் வட்டுகள் உள்ளன. முதிர்ச்சியடைந்த பெண் தவளையை விட வயது வந்த ஆண் தவளை மிகவும் வலுவான முன் கால்களைக் கொண்டுள்ளது.

இந்த தவளையைப் பற்றி முதல் கட்டுரையை எழுதிய அறிவியலாளர்கள், தீபகற்ப மலேசியாவில் வாழும் இதன் நெருங்கிய உறவினர்களில் ஒரே சிற்றினம் என்பதால் இதற்கு மலாயானா என்று பெயரிட்டனர்.