விக்கிப்பீடியா:இன்றைய சிறப்புப் படம்/நவம்பர் 20, 2006

ஒலி முழக்கம் என்பது காற்றில் ஏற்படும் அதிர்வலை ஒன்றின் செவிப்புலனாகக்கூடிய கூறாகும். இச்சொல்லானது பொதுவாக மீயொலி விமானங்கள், விண்வெளி ஓடங்கள் போன்றனவற்றின் பறப்பின் காரணமாக ஏற்படும் வளி அதிர்ச்சியை குறிக்கவே பயன்படுகிறது. இவ்வொலி முழக்கமானது மிகப் பெருமளவிலான ஒலி வலுவினை உற்பத்திசெய்கிறது. இதன் போது ஏற்படும் முழக்கம் குண்டு வெடிப்பினை போன்று மிகப்பெரும் ஓசையுடையதாய் இருக்கும். சாதாரணமாக இவ்வதிர்வலைகள் சதுர மீட்டருக்கு 167 மெகா வாட்டுக்களாகவும், 200 டெசிபலை நெருங்கியதாகவும் இருக்கும். படத்தில் சூப்பர்சானிக் வானூர்தி ஒலி முழக்கத்தை ஏற்படுத்துவது காட்டப்பட்டுள்ளது. தொகுப்பு · சிறப்புப் படங்கள்