விக்கிப்பீடியா:இன்றைய சிறப்புப் படம்/நவம்பர் 21, 2006

கழுகு என்பது ஒரு வலுவான பெரிய பறவையையும் அதன் இனத்தையும் குறிக்கும். இப்பறவைகளுக்கு பெரிய கண்களும் கூரிய நுனியுடைய வளைந்த அலகும், வலுவான நகங்களைக் கொண்ட கால்களும், அகண்டு நீண்ட இறக்கைகளும் உள்ளன. இவற்றின் கண் பார்வை மிகவும் கூரியது. மிக உயரத்திலே பறந்தாலும், தரையில் நகரும் எலி, கோழிக்குஞ்சு போன்ற சிறு விலங்குகளைக் கண்டால் சடார் என்று கீழே பாய்ந்து நகத்தால் கவ்விக் கொண்டு போய் கொன்று உண்ணும். சிறு விலங்குகளை இவ்வாறு கொன்று தின்பதால், இப்பறவைகளைக் கொன்றுண்ணிப் பறவைகள் என்று சொல்வதுண்டு. தொகுப்பு · சிறப்புப் படங்கள்