விக்கிப்பீடியா:பங்களிப்பாளர் அறிமுகம்/இரா. முத்துசாமி

இரா. முத்துசாமி, திண்டுக்கல் மாவட்டம் ஒட்டன்சத்திரத்தைச் சேர்ந்தவர். சென்னை, ஆவடியில் உள்ள போர் ஊர்தி ஆராய்ச்சி மற்றும் வளர்ச்சி நிறுவனம் என்ற ஆய்வுக்கூடத்தில் நூலகராகப் பணிபுரிந்து ஒய்வு பெற்றுள்ளார். தமிழ், ஆங்கில விக்கிப்பீடியாக்களில் திசம்பர் 2011 முதல் பங்களித்து வருகிறார். திருவிளக்கு வழிபாடு, மூலிகைக் குடிநீர், ஈயம் பூசுதல், திருமயம் மலைக்கோட்டை, அத்தி மரச்சிலைகள், வைரப்பெருமாள் கதை, ரேக்ளா வண்டிப் பந்தயம், பவானி கைத்தறி தரை விரிப்பு, மரப்பாச்சி பொம்மைகள், கொலுசு, திருமண் முதலியன இவர் பங்களித்த முக்கிய கட்டுரைகளில் சில. விக்கிமீடியா காமன்சிலும், தமிழ் விக்சனரியிலும் பங்களித்து வருகிறார்.