40 பழ மரம்
40 பழங்கள் கொண்ட மரம் (Tree of 40 Fruit) என்பது சிரக்கியூஸ் பல்கலைக்கழகப் பேராசிரியர் சாம் வான் அகென் என்பவர் ஒட்டுதல் நுட்பத்தைப் பயன்படுத்தி உருவாக்கிய பழ மரங்களில் ஒன்றாகும்.[1] ஒவ்வொரு மரமும் அமெரிக்காவில் சூலை முதல் அக்டோபர் மாதம் வரை வரிசையாக பழுக்கக்கூடிய 'புரூனசு' பேரினத்தைச் சார்ந்த 40 வகையான 'உள்ளோட்டுச் சதைக்கனியினைத்' தருகிறது.[2][3]
வளர்ச்சி
தொகுசாம் வான் ஏகன் நியூயார்க் நகரில் உள்ள சிரக்கியூஸ் பல்கலைக்கழகத்தில் சிற்பக்கலை இணை பேராசிரியர் ஆவார்.[4] பென்சில்வேனியா டச்சு குடும்பத்தைச் சார்ந்த அவரது குடும்பத்திற்கு ஒரு பண்ணை இருந்தது. மேலும் ஒரு சமகால கலைஞரான அவர் பாரம்பரிய கலை உருவாக்கத்திற்கு அப்பால் பணியாற்றுகிறார். தகவல் தொடர்பு, தாவரவியல் மற்றும் வேளாண்மையில் புதிய முன்னோக்கு கலை திட்டங்களை உருவாக்குகிறார்.[5][6]
வான் ஏகன் 2008 ஆம் ஆண்டில், கலை சார்த்த ஒரு செயல் திட்டத்திற்காக ஒரு பன்முக பூக்களைத் தரும் மரம் ஒன்றை உருவாக்க மாதிரிகள் தேடும் போது, நிதிப்பற்றாக்குறை காரணமாக மூடப்படவிருந்த நியூ யார்க் ஸ்டேட் வேளாண்மை பரிசோதனை நிலையத்தின் 3 ஏக்கர் (1.2 ஹெக்டேர்) பழத்தோட்டத்தை வாங்கினார்.[2][3]
அவர் அங்கு வளர்ந்து வரும் 250 பாரம்பரிய மரபுகள் உள்ள சிலவற்றிலிருந்து மொட்டுக்களை ஒரு வகை மரத்தின் மீது ஒட்டத் துவங்கினார்.[3] சுமார் ஐந்து வருடங்களுக்குப் பிறகு,அந்த மரம் நாற்பது வெவ்வேறு கிளைகளை "தாய்" மரங்களிலிருந்து வளரச்செய்தது. ஒவ்வொரு கிளையிலிருந்தும் வித்தியாசமான பழங்களுடன் -வாதுமை, சீமை வாதுமைப்பழம், செர்ரி, நெக்டரின், குழிப்பேரி மற்றும் பிளம் வகைகள் உட்பட- பல்வேறு பழங்களைக் கொண்ட ஒரு மரம் வளர்ந்தது.
ஒவ்வொரு வசந்தகாலத்திலும் அந்த மரம் சிவப்பு, இளஞ்சிவப்பு மற்றும் வெள்ளை நிறங்களின் கலவையாக பூத்துக்குலுங்கும் .[3]
பரவல்
தொகு
2014ஆம் ஆண்டளவில், வான் ஏகன் '40 பழமரத்தின் 16 மரங்களை உற்பத்தி செய்து, சமூக தோட்டங்கள், அருங்காட்சியகங்கள் மற்றும் தனியார் சேகரிப்புகள் உட்பட பல்வேறு தனியார் மற்றும் பொது இடங்களில் நிறுவினார்.[3] இவற்றுள் நியூட்டன், மாசசூசெட்ஸ்; பவுண்ட் ரிட்ஜ், ஷாட்ஹில்ஸ்; நியூ செர்சி; பென்டொன்வில்லே, ஆர்கன்சா மற்றும் சான் ஜோஸ், கலிபோர்னியா ஆகியவை முக்கியமான இடங்களாகும்.[3][7] மரங்கள் நிறைந்த ஒரு பழத்தோட்ட நகரத்தை விரிவுப்படுத்தவும் திட்டமிடுகிறார்.[3]
மேற்கோள்கள்
தொகு- ↑ Buckley, Madeleine (24 April 2016). "Explore the SU campus through these 6 historic statues". The Daily Orange. http://dailyorange.com/2016/04/explore-the-su-campus-through-these-6-historic-statues/.
- ↑ 2.0 2.1 "The Gift Of Graft: New York Artist's Tree To Grow 40 Kinds Of Fruit". NPR. 3 August 2014. பார்க்கப்பட்ட நாள் 3 January 2015.
- ↑ 3.0 3.1 3.2 3.3 3.4 3.5 3.6 "This tree produces 40 different types of fruit". ScienceAlert. Archived from the original on 8 நவம்பர் 2016. பார்க்கப்பட்ட நாள் 3 January 2015.
- ↑ Elliot, Danielle (19 November 2014). "Could a Tree of 40 Fruit Hold a Clue to Solving World Hunger?". Not Impossible. பார்க்கப்பட்ட நாள் 24 April 2015.
- ↑ "SAM VAN AKEN". College of Visual and Performing Arts, Syracuse University. Archived from the original on 15 ஜூன் 2019. பார்க்கப்பட்ட நாள் 21 March 2019.
{{cite web}}: Check date values in:|archive-date=(help) - ↑ 20 years of Artists-In-Residence McColl Center
- ↑ Salkeld, Lauren. "The Tree of 40 Fruit Is Exactly as Awesome as It Sounds". Epicurious. http://www.epicurious.com/archive/chefsexperts/interviews/sam-van-aken-interview. பார்த்த நாள்: 25 April 2015.
வெளி இணைப்புகள்
தொகு- அதிகாரப்பூர்வ இணையதளம் - includes photographs and map
- The Gift Of Graft: New York Artist's Tree To Grow 40 Kinds Of Fruit on Weekend Edition Sunday, 3 August 2014
- யூடியூபில் The tree of forty fruits - talk by Van Aken at TEDxManhattan in 2014
- யூடியூபில் This Crazy Tree Grows 40 Kinds of Fruit - National Geographic, 21 July 2015
- யூடியூபில் Syracuse professor grows 40 different fruits on one tree - CBS News This Morning, 23 August 2014