அரவிந்த் குப்தா

அரவிந்து குமார் குப்தா (பிறப்பு:04 டிசம்பர் 1953) பொம்மை-உருவாக்குபவர், என்று அனைவராலும் அறியப்படும் எழுத்தாளர், பொறியாளர், அறிவியலாளர். இவர் துவக்கியுள்ள அரவிந்து குப்தா பொம்மைகள் (http://arvindguptatoys.com/) என்ற வலைத்தளம் பள்ளி அளவிலான அடிப்படை-அறிவியல் பரிசோதனைகளை எளிய, அதிக செலவில்லாத பொருள்களைக் கொண்டு செய்யும் முறைகளை செவ்வனே விளக்குகிறது. மேலும் இவர் உலகின் மிகச்சிறந்த கல்வியாளர்கள், அறிவியலாளர்கள், சுற்றுச்சூழல் ஆர்வலர்கள் ஆகியோரின் படைப்புகளை ஆங்கிலத்திலும் இந்தியிலும் மராத்தியிலும் மொழிபெயர்த்து இலவசமாக வெளியிடுகின்றார்.

அரவிந்த் குப்தா
பிறப்பு	5 திசம்பர் 1345, 4 திசம்பர் 1953 (அகவை 678)
படித்த இடங்கள்	இந்திய தொழில்நுட்பக் கழகம் கான்பூர், St. Xavier's School, Delhi
பணி	அறிவியலாளர், குழந்தைகளின் எழுத்தாளர்
அறிவியல் வாழ்க்கைப் போக்கு

படிப்பு, முன் அனுபவம்

1970-ஆம் ஆண்டு கான்பூரிலுள்ள இந்திய தொழில்நுட்பக் கழகத்தில் மின் பொறியியல் பிரிவில் பி.டெக். பட்டப்படிப்பில் சேர்ந்தார். அப்போது பி.டெக். படிப்பு ஐந்தாண்டு காலப் படிப்பாக இருந்தது. பி.டெக். படித்துள்ள அரவிந்த், பூனாவிலுள்ள டெல்கோ நிறுவனத்தில் சில காலம் வேலை செய்தார். பின்னர் அங்கு ஒரு வருட படிப்பு-விடுப்பு எடுத்துக்கொண்டு வெளியேறிய அரவிந்த், லோரி பேக்கர், அனில் சடகோபால் ஆகியோருடன் வேலை செய்து விட்டு பின்னர் குழந்தைகளுடன் இயங்குவது, குழந்தைகளுக்கு அறிவியல் கற்பிப்பது இவற்றையே தன் முழு-நேரத் தொழிலாக ஆக்கிக் கொண்டார்.

அரவிந்து குப்தா எழுதியுள்ள நூல்கள்

ஏக்லவ்யா வெளியீடு

1 கேல்-கேல் மேன் (இந்தி)

2 லிட்டில் சயன்சு / கபத் சே ஜுகத் (ஆங்கிலம் / இந்தி)

3 த டாய் பேக் / கிலோனோன் கா பாஸ்தா (ஆங்கிலம் / இந்தி)

4 டாய் டிரஷர்சு / கிலோனோன் கா காசானா (ஆங்கிலம் / இந்தி)

5 ஆஹா! ஆக்டிவிடீசு (ஆங்கிலம்)

6 ஆப்னே ஹாத் விக்யான் (இந்தி)

7 குச் குச் பனானா (இந்தி)

பெற்றுள்ள விருதுகள்

• இந்திய அரசின் அறிவியல் தொழில்நுட்பத்துறையினால் அளிக்கப்பட்ட குழந்தைகளிடையே அறிவியலைப் பிரபலப்படுத்தியமைக்கான நாட்டு விருது: 1988-ஆம் ஆண்டு.
• (இந்திய தொழில்நுட்பக்கழகத்தின் மிக உயரிய விருதான) கான்பூர் இந்திய தொழில்நுட்பக்கழகத்தின் புகழ்பெற்ற மாணவர் விருது: 2001-ஆம் ஆண்டு.

குப்தாவின் மீது தாக்கத்தை ஏற்படுத்தியவர்கள்

பீஷ்ம சாஹ்னி, பேகம் அக்தர், அனில் அகர்வால், அனில் சடகோபால், லவுரி பேக்கர், யேன் மிர்டில் ஆகியோர் தன் வாழ்வில் மிகுந்த தாக்கத்தை ஏற்படுத்தியதாக அரவிந்த் குப்தா கூறியுள்ளார்.

தற்போதுள்ள இடம்

பூனாவிலுள்ள பல்கலைக்கழகங்களுக்கான வானியல், வானியற்பியல் மையத்தில் (Inter University Centre for Astronomy and Astrophysics - IUCAA) வருகை-புரியும் ஆசிரியராக, அறிவியல் பொம்மைகள் செய்யும் வேலையிலும் அறிவியல் நூல்களை எழுதுவதிலும் ஈடுபட்டுள்ளார்.

புற இணைப்புகள்

• Arvind Gupta's website for popularizing science through children's toys
• Book about Arvind Gupta by Shobha Bhagwat published by Kaja Kaja Maru Publication (a publication of Garware Balbhavan Pune)
• Citation for "Distinguished Alumnus Award" from Indian Institute of Technology Kanpur in 2001
• Make Digital magazine's பரணிடப்பட்டது 2016-08-05 at the வந்தவழி இயந்திரம் feature "Toys from Trash" on Arvind Gupta and his work
• [1] UNICEF - Simple Toys make science learning fun
• [2] Master Toymaker thrills Canberra Children
• TED Talk given by Arvind Gupta at The INK Conference
• Article in French for the online magazine Youphil பரணிடப்பட்டது 2014-02-05 at the வந்தவழி இயந்திரம்
• NDTV gadgets – Toys from Trash Teaching kids science using everyday objects
• Indian Inventor creates Children’s Toys from Trash – Ben Coxworth
• Why I write? Arvind Gupta plays with the words of science
• Toying with Science with Arvind Gupta
• Simple Toys Make Learning Science Fun
• Arvind Gupta Talks about Creative Science